Hoseya 3:1 - KITAWO MALEŊ

¹ Rwoth owaco ran kendo ni, “Kadhi, imiti dhako ma weco gi ŋatiman aka jacot. I nger acel won bende paka Rwoth omito Joisiraili, kada jowire ri werin man aka jocamo mugat m'othol m'olam gine jwogi.”

KITAWO MALEŊ Catholic

¹ Rwoth owaco ran kendo ni, “Kadhi, imiti dhako ma weco gi ŋatiman aka jacot. I nger acel won bende paka Rwoth omito Joisiraili, kada jowire ri werin man aka jocamo mugat m'othol m'olam gine jwogi.”

Hoseya 3:1 ပူးပေါင်းရင်းမြစ်များ

2 Samwiri 6:19

Daudi opoko ji je, Joisiraili gipi, mon gi cwo, kisi nyatoro, mugat gi muma riŋo abula, gi nyingi vini m'othwo. Kenyo jokedhere aka kisi nyatoro odok peco pere.

2 Kerin 13:23

To Rwoth omako gi jo wor kodi wor aka k'oweyo orey jo woko, to okonyo jo ro cikirok pere gi Abraham, Isaka, kodi Yakobo; aka go wiye k'owil gi ji pere.

1 Kigana kwoŋ Kerin 16:3

Daudi opoko ji je, Joisiraili je, mon gi cwo, kisi nyatoro mugat gi muma riŋo abula, gi nyingi vini m'othwo.

Nehemia 9:31

To kwoŋbedo inyutho wor madwoŋ, ikijwango jo, kosa ikireyo woko jo. Inyutho wor aka inyutho wor Awi Were!”

Zabuli 123:2

Paka waŋ ŋeca, ŋiyo cingi jadwoŋ pere, paka waŋ japidi, ŋiyo cingi dhakodwoŋ pere, ameno walamedo ŋiyin Awi Rwoth Were mawan, cuka imako gi wan wor.

Kitawo mar'ario mapa Musa m'ilwoŋo ni Wok 32:6

Yawere odikin maŋic, jomiyo cowirok awaŋa, kodi cowirok ma siem aka jobedo piny cemo gi medho, to joay malo cako tuko.

Wer pa Solomon 2:5

Dwoki meni paran gi ŋano m'othwo, cewan gi apo, kwoŋbedo anyapere gi mitirok.

Isaya 45:22

Wire win bongan aka wibothi, ji je ma piny gibe! Kole an abedo Were, aka ongoye man kendo.

Yeremia 3:20

Kucel, paka dhako ma jabanirok ma weyo cwore, ameno apaka wibanere ran, awi Joisiraili.

Yeremia 31:20

Efrayim obedo wodan ma kacunyan? Go obedo nyathi ma fore gine? Paka aluwo kwoŋ go noknok, fodi apoyo go. Riameno cunyan rembo rigo, alanyutho go ŋono adieri. Rwoth waco.

Hoseya 11:8

Anyalo nedi jwangin, a Efrayim? Anyalo nedi weyin i cingi ŋatiman a Isiraili? Anyalo nedi lokin paka Adima? Anyalo nedi terin paka Zeboyim? Cunyan raman, mar paran rin lokere matek kendo mayom.

Hoseya 2:5

Kole min jo timo kidakana; go m'ogamo jo i iye otimo giwickwot. Kole go owaco ni, “Aladwaro jomitirok paran; jo ama jomiyan cemo gi pi, yer rombo paran gi law mafoth, mo paran gi gir'amadha paran.”

Hoseya 4:11

Vini kodi vini manyen kwanyo woko niaŋ.

Hoseya 7:5

I ndelo pa kere mawan, wot kerin, jolokere joma two gi lietho ma vini; go oyaro cinge gi jonyero ma rendirok,

Amos 2:8

Jonindo cegin gi migam i nangin ma jocandi josinga rijo ma banja. I Ot pa Were pajo, ama jomadh'iye vini, ma jonyewo gi pesa ma jonyaga kwoŋ ji.

Amos 6:6

Wimadho vini iy'atewe, aka wioro mo maŋwe kur, to wikiywaki ri kisika pa Isiraili.

Mika 7:7

To ri an, abino ŋiyo bongi Rwoth, abino kuro Were ma bino bothan; Were paran bino winjan.

Zekaria 1:16

Riameno Rwoth pa lwak jolweny waco, atieko dwoko i Yerusalem gi wor m'oasere, ot paran ilaget'iye, Rwoth pa lwak jolweny waco, aka ilacero bol ma kipima i Yerusalem.

Matayo 26:50

Yesu odwoko go ni, “Jawodhan, tim gim'okelin ka ayin.” Gikenyo jobino to jomako Yesu jowokadhi gine.

1 Jokorintho 10:21

Wikinyal madho gim'owok iy'agwata pa Rwoth kodi apa jwogi bende. Wikinyal cemo dhower pa Were to odoko wicemo dhower pa jwogi bende.

1 Jokorintho 10:7

Wikiri wilam cal makicar paka jomegi kwoŋ jo jotimo paka ndiko waco ni, “Jonica jobedo piny cemo gi medho, to joay miel.”

1 Petero 4:3

Witieko oro hongo m'oromo munyo oyido witimo gima joma bu Were joketho paro pajo i timo paka kidakana, awanya mareco ma waŋ i cuny jo, mero i kalima ma nyaworoworo, medho ma kitipa, gi lamo cal makicar.

Jothum Banja 10:16

Ameno jokwanyo woko werin makicar je m'oyido nitie i dier jo, aka jolamo Rwoth. Kenyo Rwoth k'onyalo ciro neno Isiraili ka candere.

Jothum Banja 9:27

Jokadho i ndelin pajo, aka jofono nyingi vini i ndelo vini pajo, jodhiŋo to jocamo kalima. Kenyo jodonjo i ot were pajo, jocemo, jomedho, to jokwoŋo Abimelek