Hoseya 2:19 - KITAWO MALEŊ

¹⁹ Alalokin dhako paran cil gi cil; alalokin dhako paran i tiro kodi iy'adieri, i mar makiwire, kodi i wor.

KITAWO MALEŊ Catholic

¹⁹ Alalokin dhako paran cil gi cil; alalokin dhako paran i tiro kodi iy'adieri, i mar makiwire, kodi i wor.

Hoseya 2:19 ပူးပေါင်းရင်းမြစ်များ

Zabuli 85:10

Mar makiwire g'adieri jobino romo, timo gim'otire gi siem jolapodho akor.

Isaya 1:27

Zayon laboth gi tiro, aka jono ma jobed'iye ma joŋuti reco, gi timo gim'otire.

Isaya 54:14

Ilagetere m'ocwiny i tiro, ilabedo bor g'adica, aka lworo k'omakin, gi kwoŋ acanda, rupiri k'ocore cegin bongin.

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 54:6

Kole Rwoth otieko lwoŋin, paka dhako m'ojwangi aka cunye ramo, paka dhako ma fodi soye k'oriemi woko, Were perin waco.

Yeremia 4:2

to wikwoŋere ni, “Paka Rwoth kwo!” Iy'adieri, i tiro, kodi i genirok, nyaka nonin jobino limo silwany i go, aka jobino noro i go.

Ezekiel 16:8

Aluwo kendo t'aneno nike oyido itieko thiko. Ayaro tiendi kanzu paran kwoŋin, t'aumo kinyoro perin. Atimo kodin cikirok ma nywomirok, Rwoth Were waco, aka ilokere aparan.

Ezekiel 39:29

Ak'opan waŋan rijo kendo, k'akonjo woko cuny paran kwoŋ Joisiraili, Rwoth Were waco.

Hoseya 14:4

Alacango kwo pajo m'ongoye adieri; alamiyo jo mar ma nono, kole nge paran owire woko kwoŋ jo.

Yowel 3:20

To Yuda labedo cil gi cil, kodi Yerusalem i luse gi luse.

Zekaria 13:2

I ndelo no, Rwoth pa lwak jolweny waco, alakwanyo woko nyingi calin wok i piny, aka kilapoyo jo kendo. Alamiyo jotuci wac were kodi cuny m'ocido ngoye woko i piny.

Yohana 3:29

“Jamweha ama mweha bedo apere; jakony pa jamweha cungo ruŋete to ciko ithe wowinji gima timere, aka go sangala swa k'owinjo dwondi jamweha. Meno bende apaka kisangala paran onyo oromo.

Joroma 7:4

Meno apaka nitie kodi win wutmera. Wibende witieko tho kwoŋ gima mako kwoŋ Cik, rupiri wilokere adec ma delkwoŋ Kristo; aka onyo win apa go m'ocerino kwoŋ jom'otho, ŋey wanyal kwo kareno wakonyo tic pa Were.

2 Jokorintho 11:2

Atimo nyeko riwin paka Were timo; ato wicale nyako maliw m'atieko yiko ni wonywomere gi jacwo acel kende, aka manago Kristo.

Menyirok ri Yohana 21:2

Gikenyo aneno Tindi Maleŋ, Yerusalem manyen, munyo loro piny wok i polo bongi Were, m'oyik maŋon paka mweha m'orukere maŋon ka yikere romo gi rwoth pere.