Hoseya 14:3 - KITAWO MALEŊ

³ Asiria k'onyal botho wan; wak'ogwey kayinin; wak'owaci kendo ni, “Were Mawan.” Ri tic ma cingi wan ni, “I in nyathi kic nwaŋo ŋono.”

KITAWO MALEŊ Catholic

³ Asiria k'onyal botho wan; wak'ogwey kayinin; wak'owaci kendo ni, “Were Mawan.” Ri tic ma cingi wan ni, “I in nyathi kic nwaŋo ŋono.”

Hoseya 14:3 ပူးပေါင်းရင်းမြစ်များ

2 Kigana kwoŋ Kerin 16:7

I hongo no jatuci wac Were Hanani okidho bongi kere Asa Kere ma Yuda to waco rigo ni, “Kwoŋbedo igoŋere kwoŋ kere ma Siria, makiweno Rwoth Were perin, jolweny pa kere ma Siria jotieko niaŋ kwoŋin.

Zabuli 10:14

T'ineno, aka iŋiyo teko gi candirok, iyikere konyo ma noknok. Ji ma bu gimoro jomiyere rin, aka noknok ikonyo nyithindho kic.

Zabuli 146:3

Wikiri wikethi geno mewin i jodhum, i wod dhano, ma kony ongoye bonge.

Zabuli 146:9

Rwoth kuro jopath, go konyo citho gi nyithindho kic; to yo pa jakidakana go sika woko.

Zabuli 33:17

Kayinin ma lweny jongoye kony ri loyo lweny, meni pajo madwoŋ kinyal botho.

Zabuli 68:5

Were, ma bedo i ot pere maleŋ, kwonga nyithindho kic aka kuro mon tho.

Isaya 1:29

Kole wickwot lamako win kodi olwa mewin, m'oyido wiyodere gine; gi ndelin mewin ma wiyero.

Isaya 2:20

I ndelo no ji jolabolo woko cal pajo ma feza, gi cal pajo ma zahabu, ma jotimo rijo wegi lamo, ri fuko gi kilafundo.

Isaya 27:9

Riameno, gi gime ilaumo reco pa Yakobo, me labedo ranyak m'opoŋ ma kwanyo woko reco pere, ka go oloko telin je ma migam, paka coka m'oŋiny mathindho thindho, m'ongoye migam pa were madhako Asera kosa ma buban m'odoŋ.

Isaya 30:16

To wiwaco ni, Be! Walakwale i wi kayina; riameno wilakwale i wi kayina. To jono ma joriemo win, jolabedo kiri mayil loyo.

Isaya 30:2

Jomiyere kadho piny i Misir, m'ongoye penjo rieko paran, jopondo i Misir ni Farawo wokwonga jo, aka jorango kabwok i tipo pa Misir.

Isaya 31:1

Kidamba ri jono ma jokadho i Misir rango kony, jogoŋere kwoŋ kayinin, joketho geno i cawilin kwoŋbedo jokweth, kodi jogwey kayinin kwoŋbedo jotek. To jokiŋiy Were Maleŋ pa Isiraili kosa rango Rwoth!

Isaya 31:3

Jomisir jobedo ji, makiweno Were, kayinin pajo jobedo del, makiweno cuny. Ka Rwoth oriey cinge, jakony lacer, aka ŋat'ikonyo lapodho, aka jolarere kanyacel.

Isaya 36:8

Onyo biye win, wabedi gi piem i nyingi kere ma Asiria. Abino miyo win kayinin gana ario ka winonwaŋ cwo ma romo ma jonyalo gweyo jo!

Yeremia 49:11

Weyi nyithindho kic perin, alakuro jo makwo, aka weyi mon tho perin jowogenan.

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Ezekiel 37:23

Jok'okocere kendo gi cal pajo gi gigipiny pajo ma mijokere, kosa gikibenga pajo mogo je. Alabotho jo kwoŋ royin je ma jotimo gine reco to josegeya an. Alalonyo jo. Jolabedo ji paran, aka alabedo Were pajo.

Hoseya 12:1

Efrayim kwayo koyo, aka riemo koyo ma yuwok ceŋ ndelo gipi; jonyayo wac kicar g'akaka; jotimo cikirok gi Asiria, aka itiŋo mo tero Misir.

Hoseya 13:2

Onyo pama jomedo timo reco, aka jotieko timo rijo wegi cal ma nyweny m'oleny, cal ma feza cungo kwoŋ niaŋ pajo, joje tic pa jondijo. Jowaco rijo ama: Ŋata miyo cowirok ma dhano cwiyo lembi cal!

Hoseya 14:8

Efrayim lapenjere ni, aŋo man kendo m'alatimo gi cal? An aŋat'adwokin t'akurin. Acalo yath ma boke mere kioy; silwany mewin wok bongan.

Hoseya 2:17

Kole alakwanyo woko nyingi Bal i dhoke, aka k'otuci nyingi jo kendo.

Hoseya 4:12

Ji paran jorango rieko wok bongi yath masisiri, aka luth waco rijo gima jomito ŋeyo. Kole cuny ma kidakana otieko rwenyo jo, aka jotieko timo gikidakana, gi jwango Were pajo.

Hoseya 5:13

Munyo Efrayim oneno two pere, to Yuda neno adhola pere, nyaka to Efrayim kadho i Asiria, aka odhir go bongi kere madwoŋ, bongi kere ma latekere loyo jakwor. To go kinyal bothin, kosa cango adhola perin.

Hoseya 7:11

Efrayim onyo olokere paka akuru, mamiŋ aka bu rieko; jogoyo koko ri Misir, to jokadho Asiria.

Hoseya 8:6

Kole wok i Isiraili, japac am'otimo; k'obedo Were. Nyathi dhiaŋ ma Samaria ilaturo mathindho thindho.

Hoseya 8:9

Kole jotieko kadho i Asiria, punda madhako mager lera kende; Efrayim jotieko kipangisa ombegin.

Yona 2:10

Kenyo Rwoth doko owodho or ri rec cik, aka rec oŋulo Yona i lowo m'othwo.

Zekaria 13:2

I ndelo no, Rwoth pa lwak jolweny waco, alakwanyo woko nyingi calin wok i piny, aka kilapoyo jo kendo. Alamiyo jotuci wac were kodi cuny m'ocido ngoye woko i piny.

Yohana 14:18

“Akibino weyo win paka nyithindho kic; abino dwoko bongi win.

Kitawo mar'abic mapa Musa m'ilwoŋo ni Cik 17:16

To kere kiripi bedo gi kayinin kweth, kosa dwoko ji i Misir ŋey wolimi kayinin man, paka Rwoth otieko waco riwin, wikiripi gik koro kendo.