Omiyo cowirok ri werin pa Joasiria, m'oyido jokengila go. Owaco ni, “Werin pa Josiria jokonyo kerin ma Siria, riameno k'amiyo jo cowirok, bende jolakonyan.” To gime okelo kisika kwoŋ go kodi Isiraili je.
Kidakana perin lamiyin gir'acula, aka kwedirok perin kwoŋan lathumo rin banja. Ilaŋeyo t'ineno ni obedo gimarac aka kec ri in jwango Rwoth Were perin; ikilworan, Rwoth Were pa lwak jolweny waco.
Wiwaco ni, ‘Nga waol gi gime.’ Widienyo ran um win. Paka mic mewin, wikelo ran gim'okwany gi maker, m'oŋol kosa ma two. Wiparo ni anojoli wok i cingi win! Rwoth pa lwak jolweny waco.
Rwoth pa lwak jolweny waco ni, “Onyo win jocway ri Were i wi migam, tem win kwayo wor pa Were, ŋey go wonyuthi wan bero. Gi nger mic no wok i cingi win, go onyali nyutho win bero.”
Sangala, Awi Isiraili! Ŋa ma cale win, ji ma Rwoth obotho, kwot ma kony mewin, aka abor maloyo mewin! Jokwor mewin jolabino gi twodo bongi win, aka wilanyono ŋey jo.