Hoseya 12:2 - KITAWO MALEŊ

² Rwoth segeya Yuda, aka go lamiyo Yakobo gir'acula cungo kwoŋ tim pere, to culo go paka tim pere nitie.

KITAWO MALEŊ Catholic

² Rwoth segeya Yuda, aka go lamiyo Yakobo gir'acula cungo kwoŋ tim pere, to culo go paka tim pere nitie.

Hoseya 12:2 ပူးပေါင်းရင်းမြစ်များ

2 Kerin 17:4

To oro acel, Hoseya ooro jomikwenda bongi kere So ma Misir, aka oweyo culo misolo ri Siria. Munyo Salimanesa oŋeyo gime omako Hoseya to ketho go i katwec.

Yobu 15:2

Ŋatariek kiripi miyo radwok gi wac nono, kosa koyo nono.

Zabuli 78:36

To jowondo go gi dhok jo; jowondo go gi lew jo.

Jafonji 5:15

Paka dhano wok i iy min kinyoro, ameno apaka go lagik paka go obino, go k'otiŋ kada gimoro ma olo pere, m'oter i cinge.

Isaya 10:12

Ka Rwoth otieko timo tic pere je kwoŋ Got Zayon gi kwoŋ Yerusalem, go lamiyo gir'acula ri kere ma Asiria ri delok pere je gi noro pere je.

Isaya 10:6

Aoro Asiria monjo piny ma bu Were, amiyo go or kwoŋ ji ma jomiyan nge, kinyaga gi kwalo, gi nyono jo piny paka cwodho ma royo.

Isaya 24:21

I ndelo no Rwoth lamiyo gir'acula, lwak ma polo, i polo, gi kerin ma piny, i piny.

Isaya 3:11

Kidamba ri jakidakana, kole tim marac ma cinge am'ila timo rigo.

Isaya 30:6

Me mikwenda ma mako kwoŋ ogwaŋe ma yupiny ma Kanan. Luwo i lowo ma teko gi litho, wok kwoŋ simbwor gi simbwor madhako, malasaŋ kodi thwol ma ay gi bwombe, jotiŋo lim i wi punde kodi ŋamia, tero ri ji ma jongoye rijo gi cwe.

Isaya 59:18

Cungo kwoŋ tim pajo go laculo jo; keme pere ri jokwor pere, culo kwor ri jokwor pere, go laculo kwor ri piny ma yuthengi nam.

Yeremia 25:31

Derino lawinjere i tielo je ma piny, rupiri Rwoth nitie gi banja kwoŋ nonin; go donjo i thumo banja ri ji je, aka joma jotimo banja, go laneko jo, Rwoth waco.

Hoseya 2:13

Alamiyo go gir'acula ro ndelin ma go otim'iye kalima ri Bal, ma go owaŋ'iye buban rijo, to ruko peta pere ma thiwino, to kadho dwaro jomitirok pere, to wiye wil kodan, Rwoth waco.

Hoseya 4:1

Winji win wac pa Rwoth, win Joisiraili; kole Rwoth nitie gi misegey kwoŋ ji ma jobedo i piny. Ongoye genirok kosa kuro cikirok, aka ongoye ŋeyo Were i piny mewin.

Hoseya 4:9

Paka labedo ri ji, apaka ri jacway ri Were i wi migam; alamiyo jo gir'acula ro royo pajo, t'aculo jo ro tim pajo.

Hoseya 7:1

Kisi k'anomiti cango Isiraili, reco pa Efrayim wok kamaler, kanyacel gi kidakana pa Samaria. Kole jotimo gikomo, jakwo turo ot donj'iye, aka jodudi jonyaga woko.

Hoseya 7:11

Efrayim onyo olokere paka akuru, mamiŋ aka bu rieko; jogoyo koko ri Misir, to jokadho Asiria.

Hoseya 7:2

To jokidew, ni apoyo kidakana pajo je. Pama onyo tim pajo othoko jo, jonitie ruwaŋan.

Hoseya 8:10

Kada bende jopangisa ji i dier nonin, acegin coko jo kanyacel. Aka jolaweyo ma hongo manok kwoŋ bieto pa kerin kodi wot kerin.

Hoseya 8:13

Cowirok ma jocowere gine; ma riŋo to jocamo; Rwoth kisangala gi jo. Onyo pama go lapoyo reco pajo, to miyo reco pajo gir'acula; jolagik Misir.

Hoseya 8:9

Kole jotieko kadho i Asiria, punda madhako mager lera kende; Efrayim jotieko kipangisa ombegin.

Hoseya 9:15

Kidakana pajo je ocako i Gilgal; acako dak jo kenyo, kwoŋbedo kidakana ma tim pajo, alariemo jo woko i ot paran. Ak'omiti jo kendo, wot kerin pajo jobedo jodudi.

Hoseya 9:9

Jotieko mieno kwo pajo i thutho, paka i hongo pa Gibeya; go lapoyo reco pajo, go lamiyo reco pajo gir'acula.

Amos 2:4

Me apaka Rwoth waco: Ji ma Yuda jomedere timo reco kendo, aka ro gime, akibino wiro gir'acula pajo, rupiri jokwero cik pa Rwoth, aka jok'oluwo or pere. To twodo pajo omiyo jo rwenyo, ka jolamo werin makicar paka kwarere pajo.

Mika 6:2

Winji win gote, kiosa pa Rwoth, kodi win kindi piny ma cil gi cil, Rwoth osa ji pere, aka go segeya Isiraili.

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Joroma 2:6

Kole Were bino miyo dhano je kemba cungo kwoŋ gima go otimo.

Jogalasia 6:7

Wikiri wiwondere, ongoye ŋata nyalo miŋo Were. Dhano je keco gima go ocwoyo.