Kitawo mar'ario mapa Musa m'ilwoŋo ni Wok 6:8 - KITAWO MALEŊ

⁸ Abino kelo win i lowo m'akwoŋere miyo Abraham, Isaka, kodi Yakobo, aka abino miyo win paka lim mewin. An abedo Rwoth.’ ”

KITAWO MALEŊ Catholic

⁸ Abino kelo win i lowo m'akwoŋere miyo Abraham, Isaka, kodi Yakobo, aka abino miyo win paka lim mewin. An abedo Rwoth.’ ”

Kitawo mar'ario mapa Musa m'ilwoŋo ni Wok 6:8 ပူးပေါင်းရင်းမြစ်များ

Cakirok 14:22

Abram odwoko ni, “Akwoŋere ruwaŋ Were Madwoŋ Maloyo, Jacwec ma polo gi piny,

Cakirok 15:18

I ndelo no Rwoth otimo cikirok gi Abram ka waco ama: Ri nyikwayin abino miyo lowo me, wok i malawa ma Misir tundo i malawa madwoŋ, Yufrete,

Cakirok 26:3

Bedi ka, aka alabedo kodin t'amiyin silwany; ri in gi nyikwayin, alamiyo lowo me, aka abino ketho i kare cikirok m'atimo ri benin Abraham.

Cakirok 28:13

Go oneno Rwoth ocungo i wiye to waco ni, “An Rwoth, Were pa Abraham benin, aka Were pa Isaka; alamiyin gi nyikwayin lowo m'inind'iye me.

Cakirok 35:12

Lowo m'amiyo Abraham gi Isaka alamiyin, aka abino miyo nyikwayin ma joluwin.”

Nehemia 9:15

“Munyo kec oneko jo, imiyo jo mugat wok i polo, gi pi wok i tele munyo riyo oneko jo. Iwaco rijo mako lowo, m'oyido iciko jo.

Kitawo mar'ario mapa Musa m'ilwoŋo ni Wok 13:5

Aka ka Rwoth okeli win i lowo pa Jokanan, Johiti, Joamor, Johivi, kodi Joyebus, lowo ma mol gi cak kodi mo kic, ma go ociko kwarere mewin nike bino miyo win, wiripo timo kalima me i dwe mar'acel kisi oro.

Kitawo mar'ario mapa Musa m'ilwoŋo ni Wok 32:13

Poyi ŋecin perin Abraham, Isaka kodi Yakobo, m'ikwoŋere miyo jo nyikway jo kweth paka micalin ma polo kodi miyo nyikway jo lowo m'iciko nike bino bedo lim pajo cil gi cil.”

Kitawo mar'ario mapa Musa m'ilwoŋo ni Wok 6:2

Were owaco ri Musa ni, “An abedo Rwoth.

Kitawo mar'ario mapa Musa m'ilwoŋo ni Wok 6:4

Abende atimo gi jo cikirok miyo jo lowo ma Kanan, lowo ma jobed'iye paka jopath.

Kitawo mar'ario mapa Musa m'ilwoŋo ni Wok 6:6

Riameno wac ri Joisiraili ni, ‘An abedo Rwoth, abino botho win t'agonyo win wok i twec pa Jomisir. Abino tiŋo cingan ma dimeni kelo gir'acula madongo kwoŋ jo.

Ezekiel 20:15

Ameno akwoŋere rijo i thim nike oyido akilakelo jo i lowo m'oyido atieko miyo jo, lowo ma mol gi cak kodi mo kic, lowo maber loyo lowo je.

Ezekiel 20:23

Ameno akwoŋere rijo i thim nike alakedho jo i dier nonin kodi i piny man.

Ezekiel 20:28

Akelo jo i lowo m'akwoŋere miyo jo. Munyo joneno kisi tendere mabor kodi yen m'oyukino, jomiyo cowirok i joje. Jomiyan nge gi cowirok pajo ma jowaŋo kama joduny'iye ŋwece kur pajo to jokonjo mic ma vini.

Ezekiel 20:42

Wilaŋeyo ni An Abedo Rwoth, k'akelo win i lowo ma Isiraili, lowo m'akwoŋere miyo kwarere mewin.

Ezekiel 36:7

Riameno Rwoth Were waco, akwoŋere ni nonin je ma jothoko win bende jolalokere gi yet.

Ezekiel 47:14

Iripo poko marom. Akwoŋere miyo kwarere mewin lowo me, aka labedo lim mewin alunja.

Kwan 10:29

Musa owaco ri Hobab wod pa Reuel Jamidian, ba cipa Musa ni, “Wakidho i kabedo ma Rwoth owaco ni, ‘Alamiyo win.’ Biye gi wan, aka walakurin maber, kole Rwoth otieko ciko bero ri Isiraili.”

Kwan 11:12

Aŋat'agamo ji me je i iyan? Aŋat'anywolo joje, ma miyo iwaci ran ni, ‘Tiŋi jo i iyin, paka musawo tiŋo nyathi ma dhoth kiri i piny m'iciko kwarere pajo gi kwoŋirok?’

Kwan 14:30

ongoye kad'acel kwoŋ win m'odonji i piny m'akwoŋere keth'iye win, kwanyowoko Kaleb wod pa Yefune, kodi Yosuwa wod pa Nun.

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Kitawo mar'abic mapa Musa m'ilwoŋo ni Cik 32:40

Kole atiŋo malo cingan i polo, aka akwoŋere, paka akwo cil gi cil.

Kitawo mar'abic mapa Musa m'ilwoŋo ni Cik 4:31

Kwoŋbedo Rwoth Were mewin obedo Were ma jakisa, go kilajwango win kosa reyo woko win, wiye k'owil gi cikirok m'otimo gi kwarere mewin m'okwoŋere rijo.

Yosuwa 24:13

Amiyo win lowo ma wikicwer'iye kwok, kodi tindin ma wikigeto, aka wibedo kenyo i iye, wicamo olemo ma ndelo vini kodi ndelo oliv ma wikipidho.”

Menyirok ri Yohana 10:6

to kwoŋere i nyingi Were, ma bedo cil gi cil, m'ocweyo polo kodi gigipiny je manitie i iye, piny kodi gimoro je manitie i iye, kodi nam gi kisi gima nitie i iye. Malaika no owaco ni, “Galo odoko ongoye,

1 Samwiri 15:29

Aka Were pa Isiraili madwoŋ kitwodi kosa kiwir paro pere; rupiri go k'obedo nyatoro manyalo wiro paro pere.”