Kitawo mar'ario mapa Musa m'ilwoŋo ni Wok 6:3 - KITAWO MALEŊ

³ Amenyere ri Abraham, Isaka, kodi Yakobo paka Were Majameni je, to akinyuthere rijo gi nyingan maleŋ, Rwoth.

KITAWO MALEŊ Catholic

³ Amenyere ri Abraham, Isaka, kodi Yakobo paka Were Majameni je, to akinyuthere rijo gi nyingan maleŋ, Rwoth.

Kitawo mar'ario mapa Musa m'ilwoŋo ni Wok 6:3 ပူးပေါင်းရင်းမြစ်များ

Cakirok 13:18

Ameno Abram okodo wema pere, aka obino to bedo cegin gi olwa pa Mamire i Hebron; aka kenyo ogeto ri Rwoth migam.

Cakirok 17:1

Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 22:14

Ameno Abraham olwoŋo kenyo ni Rwoth bino miyo; aka kiri konon ji jowaco ni, “I wi got Rwoth bino miyo.”

Cakirok 28:3

Were Majameni je womiyin silwany aka womiyin nyithindho kweth, ŋey ibedi ba piny kweth.

Cakirok 35:11

Aka Were owaco rigo ni, “Abedo Were Majameni je. Nywol inyay; nonin lawok kwoŋin, aka ilabedo kwari kerin.

Cakirok 48:3

Yakobo owaco ri Yozefu ni, “Were Majameni je onenere ran i Luz i piny Kanan to miyan silwany.

Zabuli 68:4

Wer ri Were, wer pak ri nyinge; yik royo ri ŋata gweco i pondeponde nyingi go obedo Rwoth, yodere ruwaŋe.

Zabuli 83:18

Weyi jowoŋey ni in kende Awi Rwoth, ibedo jadhum madwoŋ loyo i piny gipi.

Kitawo mar'ario mapa Musa m'ilwoŋo ni Wok 15:3

Rwoth obedo jalweny, Rwoth meno nyingi go.”

Kitawo mar'ario mapa Musa m'ilwoŋo ni Wok 23:21

Cik win ithi win aka wiwinji go. Wikiri wigwenyere kwoŋe, rupiri aoro go aka k'ocwaki reco mewin.

Kitawo mar'ario mapa Musa m'ilwoŋo ni Wok 3:14

Were owaco ri Musa ni, “Abedo ŋata Abedo” Aka Were owaco ni “Waci gime ri Joisiraili, ‘Abedo ooran bongi win.’ ”

Isaya 42:8

An abedo Rwoth, meno nyingan; dwoŋ paran akimiy ŋatiman, kosa pak paran ri cal m'ogor.

Isaya 44:6

Rwoth, Kere pa Isiraili waco, Jaboth pere, Rwoth pa lwak jolweny ni “Abedo marapena aka macowe, aka ongoye were man kwanyowoko an.

Yeremia 16:21

“Riameno adieri akidho fonjo jo, hongo me akidho fonjo jo meni paran gi mwamba paran, aka jolaŋeyo ni nyingan obedo Rwoth.”

Yeremia 33:2

Me apaka Rwoth m'ocweyo piny waco. Rwoth m'otimo piny to ketho i kare, Rwoth obedo nyingi go.

Ezekiel 20:5

Iwaci rijo ni, me a gima Rwoth Were waco. I ndelo m'ayer'iye Isiraili, akwoŋere ri nyikway Yakobo aka amiyo jo ŋeyan i lowo ma Misir. Akwoŋere rijo k'awaco ni, “Abedo Rwoth, Were mewin.”

Ezekiel 37:13

Aka wilaŋeyo ni An Abedo Rwoth, k'ayawo kaliele mewin, t'awodho win woko wok i kaliele mewin, awi ji paran.

Ezekiel 37:6

Alaketho fuc kwoŋ win, t'amiyo riŋo bino kwoŋ win, t'aumo win gi pien, t'aketho luya i win, aka wibino kwo; aka wilaŋeyo ni An Abedo Rwoth.”

Yohana 8:58

Yesu odwoko ni, “Adieri awaco riwin, mafodi k'onywol Abraham oyido anitie.”

Menyirok ri Yohana 1:4

Ndiko m'owok bongi Yohana ri jom'oyeyo ma kitipin abirio ma iy'adec ma Asia. Nema gi siem wobedi riwin wok bongi Were, manitie pama, m'obedo con, odoko ma fodi bino bedo, kodi ma wok bongi cuny m'omakere abirio ma ruwaŋ kom pere ma dhum,

Ruth 1:20

Go owaco rijo ni, “Wikiri wilwoŋan ni Naume, lwoŋan win ni Mara, kole Jameni je otieko tic kodan gi gwayo.