Kitawo mar'ario mapa Musa m'ilwoŋo ni Wok 24:6 - KITAWO MALEŊ

⁶ Musa okwanyo adec ma remo mar'ogwaŋe aka oketho i kalaya aka man okiro i wi migam.

KITAWO MALEŊ Catholic

⁶ Musa okwanyo adec ma remo mar'ogwaŋe aka oketho i kalaya aka man okiro i wi migam.

Kitawo mar'ario mapa Musa m'ilwoŋo ni Wok 24:6 ပူးပေါင်းရင်းမြစ်များ

2 Kerin 17:15

Jocayo cik pa Rwoth, kodi cikirok m'otimo gi kwarere pajo aka jokwero winjo fonji pere. Jolamo cal ma bukony aka wegi bende jolokere ji ma bukony, to joluwo kwer pa nonin m'othoko jo, ma Rwoth oyido owodho or nike jokiri jowotimi paka jo.

Zabuli 99:6

Musa gi Aron oyido jobedo jocway ri Were i wi migam pere, Samwiri oyido obedo acel kwoŋ ji ma jolamo go, joywak ri Were, aka odwoko jo,

Kitawo mar'ario mapa Musa m'ilwoŋo ni Wok 12:22

Kwany win cangwe, aka wirwaki i remo to wiwiro i miango ma thigo kodi ruwaŋ dhiot. Wongoye ŋata wowoki cuka piny oyawere.

Kitawo mar'ario mapa Musa m'ilwoŋo ni Wok 12:7

Jowokwany remo moro to joreyo i miango thigo kodi ruwaŋ dhiot ma udi m'ilacam'iye ogwaŋe no.

Kitawo mar'ario mapa Musa m'ilwoŋo ni Wok 24:8

Musa okwanyo remo to kiro kwoŋ ji to waco ni, “Me remo ma ridho cikirok ma Rwoth otimo gi win munyo omiyo Or me je.”

Kitawo mar'ario mapa Musa m'ilwoŋo ni Wok 29:16

Thum, aka ikwany remo mere ikiri thoko migam, thenge aŋwen je.

Kitawo mar'ario mapa Musa m'ilwoŋo ni Wok 29:20

Thum, aka ikwany remo moro ikethi i ithi Aron gi wote maracuc. Lwet cingi gin ma thwon maracuc, gi lwet tiendi gin ma thwon maracuc. Kiri remo m'odoŋ thoko migam.

Yeremia 31:32

Kilabedo paka cikirok ma cango atimo gi kwarere pajo munyo amako cingi jo t'awodho jo wok i piny Misir. Cikirok ma joturo, makada nende oyido abedo cwor jo, Rwoth waco.

Jolevi 1:11

Aka go lathumo i thengi migam yumalo ruwaŋ Rwoth. Jocway ri Were i wi migam, wot Aron jolakiro remo mere thoko migam.

Jolevi 1:5

Go lathumo rwath ruwaŋ Rwoth, aka jocway ri Were i wi migam, wot Aron, jolakelo remo, to jokiro thoko migam manitie i dhiot ma Wema ma romo.

Jolevi 3:2

Ilaketho cingin i wic mic t'ithumo i dhiot ma Wema ma romo. Jocway ri Were i wi migam, wot Aron jolakiro remo thoko migam.

Jolevi 3:8

t'iketho cingin i wic mere. Ilathumo ruwaŋ Wema ma romo, aka wot Aron jolakiro remo mere thoko migam.

Jolevi 4:6

Jacway ri Were i wi migam lalutho lwet cinge i remo to kiro remo moro dibirio ruwaŋ Rwoth yuwaŋ nanga m'oliero i Kabedo Maleŋ.

1 Jokorintho 11:25

I yo acel, okwanyo agwata munyo cemo m'othieno orumo to waco ni, “Me agwata ma remo paran ma cikirok manyen. Onyo wangi kisi ka wicamo mugat me aka wimadho gima nitie iy'agwata me, meno wituco tho pa Rwoth cuka go odwoki.”

Jokolosia 1:20

Am'omiyo, kwoŋ Wode, Were otieko dwoko cwec je bonge, manitie i polo kodi i piny je, munyo kelo siem gi remo pa Wode m'ocwer wi musalaba.

Joebulaniya 12:24

Wibino bongi Yesu, m'ocano cikirok manyen, kodi gi bongi remo ma nyutho wac maber loyo remo pa Abel.

Joebulaniya 8:9

Cikirok no kilabedo paka m'atimo gi kwarere pajo munyo amako cingi jo t'awodho jo woko i piny Misir, rupiri jok'obedo gi genirok kwoŋ cikirok m'atimo gi jo, am'omiyo aeye kwoŋ jo.

Joebulaniya 9:18

Meno am'omiyo cikirok marapena k'oridhi ma remo fodi ongoye m'ooy.

Joebulaniya 9:19

Munyo Musa otieko waco ri ji or je paka okethi i Cik, okwanyo remo roci to ruwo gi pi, to kiro kwoŋ kitawo ma Cik kodi kwoŋ ji je gi cangwe m'obil, kodi lwodo ma yer rombo m'obokere.

Joebulaniya 9:21

I royo acel, Musa okiro remo kwoŋ wema ma Were bed'iye kodi kwoŋ gigipiny je m'oyido ioro ma lamo Were.

1 Petero 1:19

to remo pa Kristo am'ogonyo win, go m'obedo paka nyathi rombo m'ongoye gi ŋolo moro kosa waŋpoyo.

1 Petero 1:2

Oyer win r'atoŋa ma Were Baba won oŋeyo kicutho, nike Cuny Maleŋ woloki win maleŋ, ŋey wiwinji Yesu Kristo to lonyo win gi remo pere. Weyi nema gi siem wobedi mewin i thotho.