Esita 7:8 - KITAWO MALEŊ

⁸ I wickwot Haman oriere piny i tiendi Esita kama Esita oyido obedo cemo. Kenyo won ama kere bende odwoko wok i diedipo pere to donjo i ot kam'oyido jomedh'iye. Kere oywaki gi dwonde ma malo ni, “Imito cayo nyamicala gi peco paran ka, ruwaŋan won!” Mafodi wac k'opodho i dhok kere, ŋecin pa kere jotweyo waŋ Haman ma nyutho gike pere.

Esita 7:8 ပူးပေါင်းရင်းမြစ်များ

Esita 1:5

Munyo kalima madwoŋ orumo, kere otimo ri ji je kalima man kendo gi diedipo pere i tindi madwoŋ Susa. Kalima me oriwo jocandi kodi joŋaŋo kanyacel; aka ocowo ndelo ario.

Esita 1:6

Diedipo oloki maŋon gi nangin ma famba manyabululu kodi matar m'otwey gi law manyarangi ariŋo gi peta ma feza i tele ma pilin maŋon. Okethi kacemo pa wendo m'otimi gi zahabu gi feza i diedipo m'oyido oum gi telin ma pilin maŋon.

Esita 6:12

Rumacen Modekay ogik i waŋkac ma peco pa kere, aka Haman odok peco pere munyo winjo malith swa aka wiye okwot.

Esita 7:10

Oŋaw Haman i kanek ma fut piero abirio g'abic to nyaka nge pa kere kwe.

Yobu 9:24

Were otieko miyo piny i cingi jokidakana, go oumo waŋ jothum banja je, ka k'obedo go m'otimo gime, to ŋa man?

Isaya 22:17

Neni, Rwoth cegin dimin to bolin woko gi meni, awi in jal ma jameni me. Go lamakin matek,

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Amos 3:12

Me apaka Rwoth waco, paka jakwath rombo mayo simbwor tiendi rombo ario, kosa ithe, wok i dhoke, ameno apaka ji manok ma Samaria ibino bothio jo g'adec ma kitandin pajo ma kilaza.

Mariko 14:65

Jomegi jocako ŋulo law kwoŋ Yesu, to joboyo waŋe, aka jopatho go g'adhoŋ, to jokoko malo ni, “Patuci ŋat'ogoyin!” Jolweny jotero go gicen to jogoyo go adonde.