Esita 5:1 - KITAWO MALEŊ

¹ I ndelo mar'adek ma riyo pere, Esita oruko nangin madwoŋ pere aka okidho to cungo i dhiot ma kisika ma iye m'otitere gi kom pa kere. I waŋceŋ acel no kere bende oyido obedo i kom pere ma dhum to ŋiyo dhiot.

Esita 5:1 ပူးပေါင်းရင်းမြစ်များ

Esita 1:11

Kere ooro jo ni jowokidhi jowokwaŋ Vasiti nyamicala wobin bongi kere kareno Vasiti oruko sangaria pere. Ato Vasiti oyido obedo dhako ma dhiaŋ onaŋo waŋe, aka kere oyido mito nyutho wendo pere ma jowok i piny m'opokere opokere ŋono pa Vasiti.

Esita 2:5

I hongo no, oyido nitie Jayuda m'ilwoŋo ni Modekay wod pa Yayir. Modekay oyido obedo nyakwar Kic gi Semei jonono pa Benyamin.

Esita 4:11

“Kisi nyatoro je oŋeyo cik ma Pasia ni nyatoro moro ma kidho bongi kere mafodi kere won k'olwoŋo go iripo neko. Ka k'obedo ameno, nitie nyaka yo acel kende ma both cik no; meno nyaka ka kere onyutho ŋato luth pere aka nyaka ŋato both. To wok cuka kere lwoŋan kidho bongi, otieko kadho hongo ma romo dwe acel.”

Esita 4:16

“Kadhi icoki Joyuda je ma jonitie i tindi madwoŋ Susa. Riy win kareno wikwayo ran ma ndelo adek gi wor adek; ongoye nyatoro ma wocemi kosa womadhi pi. An gi ŋecin paran bende walariyo; aka makada nende cik kiyeyan kidho bongi kere, k'imito nekan ro timo ameno, wonekan.”

Esita 4:17

Modekay okadho aka otimo gima Esita owaco rigo.

Esita 6:4

To kere penjo k'oyido nitie jodhum pere ma jonitie i diedipo pa kere. I hongo ma kere luwo no, ama Haman bende odonjo i diedipo pa kere g'atoŋa ma waco ri kere can pere ma ŋawo Modekay i kanek m'oyido otieko geto rigo.

Esita 8:15

Kenyo Modekay oruko nanga manyabululu gi nanga matar paka kere gi sangaria ma pilin gi zahabu i wiye; to tweyo i bade nanga manyarangi ariŋo. Ji josangala swa gi cik manyen me.

Matayo 10:16

“Neni win! Onyo adhiro win paka rombo i dier arara. Wiripo bedo mariek pa thwol odoko mamwol p'akuru.

Matayo 11:8

To aŋo won ma wikidho yukoro neno? Neno dhano m'orukere i nangin mabeyo mayom? Kole joma ruko nangin mayom no jonwaŋere i udi pa kerin ayino.

Matayo 27:64

Am'omiyo, wodhi or ma kuro kaliel pere tundo i ndelo mar'adek, ŋey jofonjirok pere jokiri jowonyal kidho kwalo go, to jowaco ri ji ni go ocerino kwoŋ jom'otho, aka twodo macowe me bino loyo m'otelo.”

Luka 22:30

Wibino cemo gi oro gir'amadha dhower paran i Ker paran, to wibedo wi kombere ma Ker munyo withumo banjin ri nonin apar g'ario ma Isiraili.”

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.