Esita 4:4 - KITAWO MALEŊ

⁴ Nyir ma jotiyo ri Esita nyamicala jokidho bongi go aka jokowo rigo kwoŋ Modekay. Esita obedo gi geregere swa. Go odhiro ri Modekay nangin maber ŋey woluny woko kutiya aka Modekay k'oyeyo.

Esita 4:4 ပူးပေါင်းရင်းမြစ်များ

Cakirok 37:35

Wote gi nyir pere je jobino kweyo cunye, to go okwero ni wokwey cunye aka owaco ni, “Be, alakidho i piny pa jom'otho kafodi aywako wodan.” Ameno omedere ywako wode Yozefu.

2 Kerin 9:32

Yehu otiŋo waŋe malo i dirisa, aka okoko ni, “Ŋa manitie i thenge paran? Ŋa?” Ario kosa adek kwoŋ jodhum ma cel pa kere joŋiyo go piny gi dirisa,

Esita 1:12

Munyo ŋecin pa kere jowaco ri Vasiti nyamicala wac ma kere ooro gine jo, go okwero. Gime oduwo cuny kere swa to mako nge.

Esita 4:3

Munyo Joyuda ma kisi adec jowinjo cik pa kere ma mako kwoŋ jo, jobedo gi geregere swa aka jotiŋo dwondi gin to jogoyo ndur. Joje jocako riyo aka joruko kutiyin aka jowiro buru i wiy gin.

Esita 4:5

Esita olwoŋo Hathak ma lur, ŋeca pere ma kere won am'omiyo go; aka ooro go bongi Modekay penjo go ni raŋo go ywak gi dwonde ma malo aka oruko kutiya to wiro i wiye buru.

Zabuli 77:2

I hongo ma teko paran arango Rwoth; wor gipi cingan oyare ma k'ojony i kwayo; cunyan okwero kwe.

Isaya 56:3

Jopath ma jolaman jokiri jowowaci ni, “Rwoth kilayeyan lamo go kanyacel gi ji pere.” Jacwo ma lur wokiri wowaci ni, “Neni, abedo yath m'othwo.”

Yeremia 31:15

Me apaka Rwoth waco, dwondi winjere i Rama, ywak kodi geregere makec. Laker ywako nyithindho pere, go okwero wokwey cunye ri nyithindho pere, kwoŋbedo jongoye.

Tim pa Jomoor 8:27

Me obedo royo ma thim. Gikenyo Filipo oyikere to kadho. I hongo no jatic ma Ethopiya onwaŋo dok yu peco. Ŋati me oyido obedo jasirikale madwoŋ ma kuro dero ŋaŋo pa nyamicala ma Ethopiya m'ilwoŋo ni Kandase. Go oyido owok Yerusalem lamo Were,

1 Samwiri 8:15

Go lakwanyo acel wiy apar ma duma kodi nyingi vini mewin to miyo jodhum pere gi ŋecin pere man.