Esita 3:7 - KITAWO MALEŊ

⁷ I oro mar'apar g'ario ma dhum pa kere Aritakises, i dwe marapena dwe m'ilwoŋo ni Nisan Haman omiyo nonin man bolo kwir ma yero ndelo ma neko Joyuda. Munyo obol kwir no, oyer k'apar g'adek ma dwe mar'apar g'ario, dwe m'ilwoŋo ni Adar. Kwir no ilwoŋo ni Purim.

Esita 3:7 ပူးပေါင်းရင်းမြစ်များ

Ezira 4:6

I dhum pa Aritakises, i oro pere m'ocak'iye dhum, jokwor pa ji m'oyido jobedo i Yuda gi Yerusalem jondiko misegey kwoŋ jo.

Ezira 6:15

Ot me ocow geto k'adek ma dwe ma Adar i oro mar'aucel ma dhum pa Kere Dario.

Nehemia 2:1

I dwe ma Nisan i oro piero ario ma dhum pa Kere Aritakises, atero rigo vini. Kere oyido fodi k'oneno ka waŋan ongoye gi siem ruwaŋe.

Esita 1:3

I oro mar'adek ma dhum pere, kere otimo kalima madwoŋ swa ri jodhum kodi jotel pere. Jolweny ma Pasia kodi Mediya, jotel kodi rwodhe mar'adec je olwoŋi jo i kalima me.

Esita 2:16

I hongo m'oter'iye Esita bongi kere Aritakises, obedo i dwe mar'apar, dwe ma Tabethi

Esita 9:1

K'apar g'adek ma dwe ma Adar otundo, ndelo m'oyido iripo ketho cik pa kere i tim; ndelo ma jokwor pa Joyuda joyikere reyo woko jo. To i kabedo ma jokwor pa Joyuda reyo woko jo, jo ama doko joreyo woko jokwor pajo.

Esita 9:21

Go owaco rijo kuro k'apar g'aŋwen gi k'apar g'abic ma dwe ma Adar kisi oro.

Esita 9:5

Ameno Joyuda jomedere yuwaŋe i ndelo no, aka joneko piny jokwor pajo je g'abor, jothumo, joreyo woko jo aka jotimo gi jo gima cuny gin omito.

Agecin 16:33

Ji jobolo kwir, to Rwoth ama ridho gimoro je.

Matayo 27:35

Joguro go kwoŋ musalaba, to jopoko nangin pere munyo jogoyo kwir.