Esita 2:12 - KITAWO MALEŊ

¹² Nyir m'oyer ri kere jocowo hongo ma dwe apar g'ario munyo jolwokere. Ma dwe aucel jobedo munyo jowire gi mo ma welo kweth swa ma fothirok, aka doko jotero dwe aucel man kareno jokudho kwoŋ jo mo maŋwe kur.

Esita 2:12 ပူးပေါင်းရင်းမြစ်များ

Esita 2:11

Kisi ndelo Modekay oyido bino to langalanga i diedipo ma ot pa mon g'atoŋa ma mito ŋeyo nger m'oyido iter'iye Esita.

Esita 2:13

Munyo weso pa kisi nyako otundo ma kidho i ot pa kere, go won oyero ruk m'osangala cunye.

Esita 2:3

Weyi kere wowaci ri jodhum pere ma kisi adec jowokeli nyir no, t'iketho jo i ot pa mon i tindi madwoŋ Susa. Nyir no okethi jo i cingi Hegay ma lur, ŋeca pa kere yuthenge pa mon pa kere. Hegay womiy jo mo ma fothirok.

Esita 2:9

Tekin Hegay neno Esita, cunye omaro Esita loyo nyir m'oyido oyer je. Hegay omiyo Esita tim manyakare ma loko go maŋon. Gi piyo no won go oyiko ri Esita cemo pere m'opokere g'apa nyir wadi, to miyo go mo ma fothirok. Go omiyo Esita nyir abirio tiyo rigo; aka otero jo i kabedo maŋon loyo i ot pa mon.

Agecin 7:17

Atieko kudho kanindo paran gi mo maŋwe kur, mo ma yath maŋwe kur, gi sinamon.

Wer pa Solomon 3:6

Aŋo no ma bino malo wok i thim, paka tome yiro, ŋwe buban gi mo akudha, mo ma moko ma jomitan jotana.

Isaya 3:24

I kabedo ma kur maber, labedo ŋwece marac, i kabedo ma kisiwiro, labedo thol, i kabedo ma wi jo m'oyik, pata, i kabedo ma nangin mafoth, kutiya; i kabedo ma ŋono, waŋ.

Isaya 57:9

Wikidho bongi were Molek, kareno wiwiro mo mewin maŋwe kur nger gi nger, widhiro jomikwenda mewin bor swa, widhiro jo kiri i piny pa jom'otho.