Kitawo mar'abic mapa Musa m'ilwoŋo ni Cik 4:31 - KITAWO MALEŊ

³¹ Kwoŋbedo Rwoth Were mewin obedo Were ma jakisa, go kilajwango win kosa reyo woko win, wiye k'owil gi cikirok m'otimo gi kwarere mewin m'okwoŋere rijo.

KITAWO MALEŊ Catholic

³¹ Kwoŋbedo Rwoth Were mewin obedo Were ma jakisa, go kilajwango win kosa reyo woko win, wiye k'owil gi cikirok m'otimo gi kwarere mewin m'okwoŋere rijo.

Kitawo mar'abic mapa Musa m'ilwoŋo ni Cik 4:31 ပူးပေါင်းရင်းမြစ်များ

1 Kigana kwoŋ Kerin 28:20

Kere Daudi owaco ri wode Solomon ni, “Bedi matek aka jamisen. Cak tic aka wongoye gima wogeŋin, kole Rwoth Were, Were paran nitie kodin. Go kilaweyan, to labedo kodin cuka inocow tic je ma Ot pa Were.

2 Kigana kwoŋ Kerin 30:9

Ka wigik bongi Rwoth, nyaka jono ma jomayo win wade mewin paka jotwec jomaki gi jo wor to joweyo jodwoko. Rwoth Were mewin jakisa doko jaŋono, aka ka wigik bongi go, go lajolo win.”

Nehemia 1:5

Awaco ni, “Awi Rwoth Were ma i polo, idwoŋ aka walworin. Ikuro cikirok perin gi mar perin makiwire ri jono ma jomarin aka jokuro or perin;

Nehemia 9:31

To kwoŋbedo inyutho wor madwoŋ, ikijwango jo, kosa ikireyo woko jo. Inyutho wor aka inyutho wor Awi Were!”

Zabuli 103:8

Rwoth nitie gi wor gi mar, go kimaki nge piyo aka opoŋ gi mar makiwire.

Zabuli 105:8

Go poyo cikirok pere cil gi cil, cikirok pere ri luse gana,

Zabuli 111:4

Rwoth omiyo wan poyo tic pere ma gir'aura; go nitie gi wor kodi wor.

Zabuli 111:5

Go miyo jono ma jolamo go cemo; go poyo cikirok pere.

Zabuli 111:9

Rwoth ogonyo ji pere; to timo cikirok ma cil gi cil gi jo. Nyinge leŋ aka nigi meni!

Zabuli 116:5

Rwoth jawor, aka timo gim'otire; Were mawan jakisa.

Zabuli 86:15

To in Rwoth, ibedo Were ma jawor aka nitie gi mar, ikimaki nge piyo, ipoŋ gi mar makiwire aka itimo adieri.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Kitawo mar'ario mapa Musa m'ilwoŋo ni Wok 6:8

Abino kelo win i lowo m'akwoŋere miyo Abraham, Isaka, kodi Yakobo, aka abino miyo win paka lim mewin. An abedo Rwoth.’ ”

Yeremia 14:21

Ikir'iŋisa wan, kwoŋbedo nyingin; ikir'ibwon kom perin madwoŋ ma dhum; poyi aka ikir'itur cikirok perin gi wan.

Yeremia 30:11

Kole anitie gi win, Rwoth waco, ma botho win; alaketho i gike nonin je m'akedho win i dier jo, to akilareyo woko win. Alamiyo win gir'acula paka ripo, aka ak'owey m'akimiyo win gir'acula.

Jolevi 26:42

nyaka anopoy cikirok paran gi Yakobo; alapoyo cikirok paran bende gi Isaka kodi cikirok paran bende gi Abraham, aka alapoyo cikirok paran ma miyo ji paran lowo.

Jolevi 26:44

Kucel ro gino je, k'onyo jonitie i piny pa jokwor pajo, ak'ojwangi jo kicutho kosa anokwer jo ŋey arey jo kicutho t'aturo cikirok paran gi jo; rupiri An abedo Rwoth Were pajo;

Jolevi 26:45

to alapoyo ro bero pajo cikirok m'atimo gi kwarere pajo m'awodho wok i piny Misir munyo nonin je joneno, ni abedi Were pajo: An abedo Rwoth.”

Yona 4:2

Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Kwan 14:18

“Rwoth kimaki nge piyo, aka opoŋ gi mar makiwire, cwako reco kodi kibenga, aka i nger moro je cwako reco, aka go k'owey ma k'omiyo nyithindho gi nyikway jo, gir'acula kiri i luse mar'adek kodi mar'aŋwen ri reco pa jonywol pajo.”

Luka 1:72

kareno nyutho wor ri kwarere mawan, gi poyo cikirok pere maleŋ,

Kitawo mar'abic mapa Musa m'ilwoŋo ni Cik 31:6

Bedi win matek, bedi win jomiseni; wikiri wibedi gi bwok kosa wikirin ro jo, kole Rwoth Were mewin ama kadho gi win. Go k'owey win, kosa jwango win.”

Kitawo mar'abic mapa Musa m'ilwoŋo ni Cik 31:8

Rwoth won ama telo yuwiy win. Go labedo kodin; go kilaweyin kosa jwangin. Ikir'ibedi gi bwok kosa inyapere.”

Joebulaniya 13:5

Kur win kwo mewin ma wikimunyere i maro pesa, aka gima winigine worom win. Kole Were owaco ni. “Akibino weyo win; ak'ojala win.”

Yosuwa 1:5

Ongoye dhano ma lakikengila in hongo je ma kwo perin. Paka oyido anitie gi Musa apaka bende alabedo kodin; ak'oredhin kosa ak'ojwangin.