Kitawo mar'abic mapa Musa m'ilwoŋo ni Cik 32:6 - KITAWO MALEŊ

⁶ Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

KITAWO MALEŊ Catholic

⁶ Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

Kitawo mar'abic mapa Musa m'ilwoŋo ni Cik 32:6 ပူးပေါင်းရင်းမြစ်များ

2 Samwiri 7:24

Itieko loko Isiraili ji perin cil gi cil, aka in Rwoth, ibedo Were pajo.”

Yobu 10:8

Cingin am'ocweyan, aka onyo pama iwire reyan woko.

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 116:12

Aŋo m'anomiy Rwoth, ro bero pere je ran?

Zabuli 149:2

Weyi Isiraili wosangala i jacwec pere, weyi wot Zayon jowofore i kere pajo!

Zabuli 74:18

To poyi gime, Awi Rwoth, ni jokwor perin jonyerin, aka ji ma bu Were jocayo nyingin.

Zabuli 74:2

Poyi ji perin, m'iyero ri in won wok con, m'itieko botho ni jowobedi nono perin alunja! Poyi got Zayon, kam'itieko bed'iye.

Zabuli 95:6

Biye, wakule piny aka walam go, weyi wagur congi wan ruwaŋ Rwoth, jacwec mawan.

Kitawo mar'ario mapa Musa m'ilwoŋo ni Wok 15:16

Jopoŋ gi lworo aka jokirin. Joneno meni perin, a Rwoth, aka jocungo m'ongoye kony gi lworo cuka ji perin joŋanjo jokadho, ji ma ibotho bedo ŋecin.

Kitawo mar'ario mapa Musa m'ilwoŋo ni Wok 4:22

Aka iripo waco ri Farawo ni, ‘Rwoth waco, Isiraili obedo okayo paran,

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 27:11

Ka jangi yen jothwo, ituro, mon jobino dimo aka jomoko gine mac. Kole me ji ma jongoye gi niaŋ, riameno jacwec pajo kilamako gi jo wor, go m'ocweyo jo k'onyutho jo ŋono.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:7

kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 44:2

Rwoth m'ocweyin waco ama, go m'otimin i ici aka lakonyin. Ikir'ilwor, awi Yakobo ŋeca paran, Yesurun m'atieko yero.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 64:8

Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

Yeremia 4:22

Kole ji paran jomiŋ, jokuya an; jobedo nyithindho mamiŋ, jongoye gi niaŋ. Jonitie gi ndijo ma timo reco ayin, to jokuya nger ma timo bero.

Yeremia 5:21

Mondo winji win gime, awi jomamiŋ ma jokiniaŋ, winitie gi waŋ win, to wikinen, winitie gi ithi win, to wikiwinji wac.

Hoseya 13:13

Litho pa ŋata nywol labino rigo, to go obedo wodan mamiŋ; rupiri i hongo ma ripo go kinyuthere, i sawa ma colo nyathi.

Malaki 1:6

Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

Yohana 8:41

Adieri witimo gima bawin otimo.” Jodwoko ni, “Wakibedo nyithindho madudi. Wanitie gi Bawan acel kende, Were won gipi.”

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

Joroma 8:15

Kole wikilimo cuny ma lokirok ŋeca ma kelo riwin lworo; to witieko limo Cuny ma loko win nyithindho pa Were, aka ka waywak ri Were ni “Aba! Baba!”

1 Jokorintho 6:20

Go onyewo win gi welo ma malo. Am'omiyo or win delkwoŋ win ma miyo Were dwoŋ.

Jogalasia 3:26

Kole i Kristo Yesu wijoje onyo wibedo nyithindho pa Were cungo kwoŋ yeyo mewin.

Jogalasia 4:6

Paka wibedo wote, Were ooro Cuny Maleŋ pa Wode i cuny wan, Cuny ma koko ni, “Aba, Baba.”

Kitawo mar'abic mapa Musa m'ilwoŋo ni Cik 1:31

kodi i thim, kama wineno paka Rwoth Were mewin otiŋo win paka dhano tiŋo nyathi pere, i royo je ma wiluw'iye cuka witundo i kabedo me.

Kitawo mar'abic mapa Musa m'ilwoŋo ni Cik 14:1

Wibedo nyithindho pa Rwoth Were mewin. Wikiripi gwerok kosa ŋwekirok ka dhano otho.

Kitawo mar'abic mapa Musa m'ilwoŋo ni Cik 32:15

Yesurun meno nyingi Yakobo man, opoŋ aka ogwenyere, okelo del aka cwe, ojwango Were m'ocweyo go, aka oŋalo Tele ma both pere.

Kitawo mar'abic mapa Musa m'ilwoŋo ni Cik 32:18

Wikiparo kwoŋ Tele m'onywolo win, wiy win owil gi Were m'onywolo win.

Kitawo mar'abic mapa Musa m'ilwoŋo ni Cik 32:28

Kole jobedo nono ma jongoye gi rieko, aka jongoye gi niaŋ.

2 Petero 2:1

Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

1 Yohana 3:1

Neni win paka Bawan omaro wan m'oasere m'omiyo ilwoŋo wan ni nyithindho pa Were, aka iy'adieri, wabedo ameno. Gim'omiyo piny kuya wan obedo rupiri k'oŋeyo Were.