Kitawo mar'abic mapa Musa m'ilwoŋo ni Cik 32:4 - KITAWO MALEŊ

⁴ Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

KITAWO MALEŊ Catholic

⁴ Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Kitawo mar'abic mapa Musa m'ilwoŋo ni Cik 32:4 ပူးပေါင်းရင်းမြစ်များ

Cakirok 1:31

Were oneno kisi gima go oyido ocweyo, aka neni, oyido ber swa. Piny oyutho to piny yawere. Meno obedo ndelo mar'aucel.

Cakirok 18:25

Wobedi bor kodin timo nger gino, neko jom'otire kanyacel gi jokidakana, aka jom'otire jolimi gir'acula kanyacel gi jokidakana! Gino wobedi bor kodin! Jathum banja ma piny gibe k'otimi gim'otire!”

2 Samwiri 22:47

Rwoth kwo! Kwot paran wopak! Tuci dwoŋ pa Were matek ma bothan!

2 Samwiri 23:3

Were pa Isiraili otieko luwo, tele pa Isiraili otieko waco ran; ka nyatoro dhumo ji gi tiro, dhumo munyo lworo Were,

2 Kigana kwoŋ Kerin 19:7

Onyo riameno, lworo Rwoth wobedi kwoŋ win, wigwokere win i gima witimo, rupiri Rwoth Were mawan kiyere gi gima k'otire, go tero dhano je marom kosa go kicam nyew.”

Nehemia 9:8

Inwaŋo ni Abraham oyido timo adieri, aka itimo gi go cikirok. Iciko miyo go lowo ma Kanan, lowo pa Johiti, Joamor, Joperiz, Joyebus, gi Jogirigas, bedo lowo pa nyikwaye. Onyo ikuro cikirok me, kwoŋbedo itimo adieri.”

Yobu 34:10

Riameno winjan win, win ma winitie gi niaŋ, wobedi bor gi Were swa ni go timo kidakana, kosa ni Jameni Je timo kidakana.

Yobu 35:14

Adieri ilawaco ni Were kinen, to kur moth, kiosa perin nitie ruwaŋ go.

Yobu 36:23

Ŋa m'otieko nyutho go yo pere, kosa ŋa manyalo waco ni go okom?

Yobu 8:3

Were kiwir tiro, aka go kimon timo gim'otire.

Zabuli 100:5

Kole Rwoth ber, mar pere makiwire bedo cil gi cil, aka timo adieri pere tundo i luse je.

Zabuli 138:8

Rwoth laketho i kare atoŋa pere ran, mar perin makiwire, Awi Rwoth, bedo cil gi cil, ikir'ijwangi tic ma cingin.

Zabuli 145:17

Rwoth otire i tim pere je, aka jakisa i gimoro je ma go timo.

Zabuli 146:6

m'ocweyo polo gi piny, nam gi gimoro je manitie i jo; ŋata kuro yeyo cil gi cil.

Zabuli 18:2

Rwoth obedo tele paran, kapondo paran aka jaboth paran. Were paran obedo tele paran, i go a kapondo paran. Kwot paran, aka meni paran ma both, kapondo paran.

Zabuli 18:46

Rwoth kwo! Kwot paran wopak! Tuci dwoŋ pa Were matek ma bothan!

Zabuli 19:7

Cik pa Rwoth ongoy'iye komo, miyo meni manyen. Gima Rwoth waco genere, miyo rieko ri ji ma jongoye gine.

Zabuli 31:5

Aketho kwo paran i cingin. Ibino bothan Rwoth, Ibedo Were ma timo adieri.

Zabuli 33:4

Wac pa Rwoth otire, aka tic pere je itimo iy'adieri.

Zabuli 78:35

Jopoyo ni Were oyido obedo tele pajo, Were Madwoŋ Maloyo, jaboth pajo.

Zabuli 9:16

Rwoth omenyere thumo banja gi tiro, aka jokidakana jomoko gi tim pajo wegi.

Zabuli 90:16

Weyi ŋecin perin jowoneni tim perin ma meni, weyi nyikway wan jowoneni dwoŋ gi meni perin.

Zabuli 92:15

Me nyutho ni Rwoth timo tiro, ni ongoye komo kwoŋ tele paran.

Zabuli 97:2

Pondeponde gi mudho thoko go, go dhumo m'otire kodi tiro.

Zabuli 98:3

Go opoyo mar pere makiwire, g'adieri pere ri Joisiraili, ji je kisi kamoro jotieko neno loyo pa Were mawan.

Zabuli 99:4

Kere Majameni, aka omaro tiro, itieko kelo tiro i Isiraili, ikelo timo gim'otire gi timo adieri.

Kitawo mar'ario mapa Musa m'ilwoŋo ni Wok 34:6

Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri.

Jafonji 3:14

Aŋeyo ni kisi gimoro je ma Were timo yindira cil gi cil, ongoye gim'inyalo medo kwoŋe, aka ongoye gim'inyalo kwanyo kwoŋe, Were otieko timo, ŋey ji jowocungi i lworo ruwaŋe.

Isaya 17:10

Kole wiy win owil gi Were ma both mewin, aka wikipoyo Tele ma pondo mewin; riameno makada nende winofur ndelin, ma lamo were makicar,

Isaya 25:1

Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 26:4

Kethi geno i Rwoth cil gi cil, kole Rwoth Were, obedo tele ma cil gi cil.

Isaya 28:16

Riameno me apaka Rwoth Were waco ama: Neni, aketho misingi matek ri Zayon, gi tele ma welo ma sonda, misingi matek. Ŋat'oyey k'okwakere.

Isaya 30:18

Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Isaya 32:2

Kisi acel kwoŋ jolabedo paka kapondo kwoŋ koyo, gi kabwok kwoŋ asur, paka waŋ pi kam'othwo, paka tipo tele madwoŋ i piny m'oloc.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Yeremia 9:24

To weyi jono ma jodele jowodele i gime: Ni jowoniaŋ aka jowoŋeyan, nike Abedo Rwoth. Atiyo gi mar makiwire, tiro, kodi adieri i piny, afore i gigipiny me,” Rwoth waco.

Daniel 4:34

Munyo oro abirio no orumo, An Nebukadineza, atiŋo waŋan i polo, aka paro paran odwoko bongan. Apako Jamalo Swa, apako t'amiyo go dwoŋ go makwo cil gi cil; kole dhum pere obedo dhum ma cil gi cil, aka ker pere yindira wok i luse tundo i luse.

Daniel 4:37

Onyo an, Nebukadineza, apako aka atiŋo malo Kere ma i polo, Kole tim pere obedo adieri, yo pere obedo tiro, aka jono ma jowotho i noro, go nyalo dwoko jo piny.

Habakuk 1:12

Ikibedo wok cene, awi Rwoth Were paran, Ŋataleŋ paran? Wakilatho. Awi Rwoth, itieko ketho kwoŋ jo ranyuth ri thumo banja; aka in, awi Tele, itieko ketho jo ri gir'acula.

Habakuk 1:13

Waŋin cil swa ma neno gimarac, aka ikinyal neno teko, raŋo to, iŋiyo jor'akor, aka iliŋ ka jokidakana joreyo woko joma timo gim'otire loyo jo?

Zefania 3:5

Rwoth timo gim'otire, go kitim gima butiro. Kisi odikin go thumo banja pere, i lero m'ongoye keŋ, to ŋata butiro kuya wickwot.

Matayo 5:48

Bedi win maleŋ paka Bawin manitie i polo leŋ.

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:17

Kole Cik obino luwo i cingi Musa, to nema kodi adieri obino riwan luwo bongi Yesu Kristo.

Yohana 14:6

Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Yohana 5:22

Baba won kithum banja ri nyatoro, to omiyo Wode meni je ma thumo banja

Joroma 1:32

Joŋeyo kiri ni cik pa Were waco ni ji ma kwo pajo cale ameno joripo gi tho, to je fodi nyaka jomedere ameda gi timo gigipiny no won; aka maloyo raco: Jofoyo joman ma bende jotimo ameno.

Joroma 2:2

Waŋeyo ni Were otire ka thumo banja ri joma timo gigipiny ma pameno.

Joroma 2:5

To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.

Joroma 3:5

Onyo wanowaci nedi ka tim mawan ma k'otire konyo ma nyutho kamaler ni apa Were am'otire? Wawaci ni Were timo marac ka miyo wan gir'acula? (Meno onyo aluwo paka dhano.)

1 Jokorintho 10:4

to jomadho gir'amadha nger acel m'owok bongi Were; ato jomadho pi m'owok i tele m'owotho gi jo aka meno oyido obedo Kristo won.

Kitawo mar'abic mapa Musa m'ilwoŋo ni Cik 10:18

Go timo tiro ri nyithindho kic kodi citho, omaro jopath, miyo jo cemo kodi gir'aruka.

Kitawo mar'abic mapa Musa m'ilwoŋo ni Cik 32:15

Yesurun meno nyingi Yakobo man, opoŋ aka ogwenyere, okelo del aka cwe, ojwango Were m'ocweyo go, aka oŋalo Tele ma both pere.

Kitawo mar'abic mapa Musa m'ilwoŋo ni Cik 32:18

Wikiparo kwoŋ Tele m'onywolo win, wiy win owil gi Were m'onywolo win.

Kitawo mar'abic mapa Musa m'ilwoŋo ni Cik 7:9

Ŋey win riameno nike Rwoth Were mewin obedo Were, Were ma timo adieri ma kuro cikirok kiri i luse ganin pa jono ma jomaro go aka jokuro or pere,

Yakobo 1:17

Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

Yakobo 4:12

Kole jakethi cik ma bende a jathum banja nitie acel kende. Go won ama nyalo botho kosa reyo woko. To onyo in iŋa, m'ithumo banja ri dhano nyawotin?

1 Petero 2:6

Ato ndiko waco ni, “Neni, pama onyo aketho tele ma tielo ot i Zayon, tele m'oyer ma diwelo; aka nyatoro je m'oyey go wiye kilakwot.”

1 Samwiri 2:2

Ongoye ŋataleŋ paka Rwoth; ongoye ŋatiman ma cale in, ongoye tele lwanda ma pimere gi Were mawan.