Kitawo mar'abic mapa Musa m'ilwoŋo ni Cik 2:34 - KITAWO MALEŊ

³⁴ I hongo no wamako tindin pere je, aka i kisi tindi wasika woko cwo, mon, kodi nyithindho. Ongoye ŋata waweyo m'obothi.

KITAWO MALEŊ Catholic

³⁴ I hongo no wamako tindin pere je, aka i kisi tindi wasika woko cwo, mon, kodi nyithindho. Ongoye ŋata waweyo m'obothi.

Kitawo mar'abic mapa Musa m'ilwoŋo ni Cik 2:34 ပူးပေါင်းရင်းမြစ်များ

Kitawo mar'abic mapa Musa m'ilwoŋo ni Cik 3:6

Wareyo woko jo kicutho, paka watimo ri Kere Sihon ma Hesibon, i kisi tindi wareyo kicutho cwo, mon kodi nyithindho.

Kitawo mar'abic mapa Musa m'ilwoŋo ni Cik 7:2

ka Rwoth Were mewin otieko miyo win jo to wikengila jo, wiripo reyo woko jo kicutho. Wikiri witim cikirok gi jo kosa winyuthi jo wor.

Kitawo mar'abic mapa Musa m'ilwoŋo ni Cik 7:26

Wikiri wikel gir'amien i pecin mewin, kosa win bende ilareyo woko win paka jo. Wiripo dak, to wikwero, kwoŋbedo okethi gicen ma reyo woko.

Yosuwa 10:28

Yosuwa to mako Makeda i ndelo no, to rwadho piny gi kere mere gi lew abor mabith; oreyo woko kicutho kisi dhano manitie iye, k'oweyo ŋatimoro; to timo ri kere ma Makeda paka oyido otieko timo ri kere ma Yeriko.

Yosuwa 10:40

Ameno Yosuwa okengila piny je, piny matendere kodi yupiny kodi piny m'opiele gi ma kamaloro, gi kerin pajo je; m'ongoye m'oweyo, to reyo woko gimoro je ma ywe, paka Rwoth Were pa Isiraili owodho or.

Yosuwa 11:14

Aka gim'onyaga me je ma tindin madongo kodi dhok, Joisiraili jonyaga; to jorwadho piny kisi dhano gi lew abor, cuka oyido jotieko reyo ma jok'oweyo gimoro je ma ywe.

Yosuwa 6:21

Kenyo joreyo woko kicutho kisi gimoro je ma tindi madwoŋ cwo gi mon, jomathindho kodi jom'oti, megikwe, rombo, gi punde, gi lew abor.

Yosuwa 7:11

Isiraili otieko timo reco; jotieko kibenga kwoŋ cikirok paran m'aoro jo; jotieko kwanyo gigipiny moro m'oyido joripo reyo woko, jotieko kwalo gi twodo, to joketho jo i dier gigipiny pajo.

Yosuwa 9:24

To jodwoko Yosuwa ni, “Rupiri oyido otiek waco ri ŋecin perin iy'adieri ni Rwoth Were perin oyido ooro ŋeca pere Musa miyo lowo je, kodi ma reyo woko joma bedo i piny no je ruwaŋ win; riameno lworo madwoŋ oyido omako ri kwo mawan kwoŋbedo win, to watimo gime.

1 Samwiri 15:3

Kidhi imonji Joamalek, aka isika woko gigipiny pajo je ma jonitie gine. Ikir'iwey kada gimoro acel; neki cwo, mon, nyithindho, kodi ma fodi jodhoth, dhok, rombo, kayina, gi punde.”