Kitawo mar'abic mapa Musa m'ilwoŋo ni Cik 17:3 - KITAWO MALEŊ

³ gi tiyo ri werin man kodi lamo jo, kosa obedi waŋceŋ kosa dwe, kosa micalin, m'atieko kwero,

KITAWO MALEŊ Catholic

³ gi tiyo ri werin man kodi lamo jo, kosa obedi waŋceŋ kosa dwe, kosa micalin, m'atieko kwero,

Kitawo mar'abic mapa Musa m'ilwoŋo ni Cik 17:3 ပူးပေါင်းရင်းမြစ်များ

Cakirok 2:1

Ameno polo gi piny gi kisi cwec je orumo.

2 Kerin 21:3

Kole go ogeto kalamo manyakafir ma bamere oyido oturo, ogeto migam ma lamo Bal to timo cal pa were madhako Asera paka kere Ahab ma Isiraili oyido otimo. Manase bende olamo micalin.

Kitawo mar'ario mapa Musa m'ilwoŋo ni Wok 22:20

“Reyi win woko ŋata miyo cowirok ri were man ma kiweno an.”

Yeremia 19:5

aka jotieko geto migame ri Bal ma waŋo nyithindho pajo i mac paka mic awaŋa ri Bal, m'akiwaco rijo kendo akiyere gine, kosa k'obino kada i paro paran.

Yeremia 32:35

Jogeto migame ri Bal i milelo pa wod pa Hinom, ma miyo wot jo kodi nyithindho manyir pajo ri Molek, makada nende akiwodho rijo or timo, kosa k'obedo i paro paran nike joripo timo amien me, miyo Yuda timo reco.

Yeremia 7:31

I Milelo ma Hinom jotieko geto migam m'ilwoŋo Tofeth, manitie i milelo pa wod Hinom, ma waŋo wot jo gi nyithindho manyir pajo i mac m'akioro jo, kosa k'obino kada i paro paran.

Yeremia 8:2

Ibino yaro jo i waŋceŋ kodi dwe kodi lwak je ma polo, ma jotieko maro to jotiyo rijo, ma jotieko luwo, ma jotieko penjo jo gir'atima to jolamo. K'ocoki jo kosa k'oyiki jo; jolacale woyo dhiaŋ i wi lowo.

Ezekiel 8:16

Go okelan i diedipo ma iye ma Ot pa Rwoth, aka neni, i dhiot ma Ot pa Rwoth, i dier kisika ma cokirok kodi migam, oyido nitie cwo piero ario g'abic. Jowiro dieŋey gin ri Ot pa Rwoth, aka waŋ jo oŋiyo yuwok ceŋ, ka jolamo waŋceŋ.

Kitawo mar'abic mapa Musa m'ilwoŋo ni Cik 11:16

Gwokere win, cuny win wokiri owondi win wirok, tiyo ri werin man kodi lamo jo.

Kitawo mar'abic mapa Musa m'ilwoŋo ni Cik 17:4

aka k'owaci riwin kosa wiwinjo kwoŋe, to widwaro maber, aka onwaŋere nike obedo adieri nger amien no otimere i Isiraili,

Kitawo mar'abic mapa Musa m'ilwoŋo ni Cik 4:19

Kosa ka witiŋo waŋ win malo i polo to wineno waŋceŋ, dwe, kodi micalin, kodi lwak ma i polo, wikiri wirweny to wikule piny rijo kodi tiyo rijo, gigipiny ma Rwoth Were mewin omiyo nonin je manitie i pendi polo.

Yosuwa 23:16

Ka winobenga to wituro cikirok pa Rwoth Were mewin, ma go ooro win, to wikadho to witiyo ri werin man to wikule piny rijo, nyaka nge pa Rwoth laliel kwoŋ win, to wisika piyo piyo i lowo maber ma go otieko miyo win.”