Kitawo mar'abic mapa Musa m'ilwoŋo ni Cik 17:2 - KITAWO MALEŊ

² K'onwaŋere i dier win, iy'acel kwoŋ tindin mewin ma Rwoth Were mewin miyo win, jacwo kosa dhako, m'otur cikirok pere,

KITAWO MALEŊ Catholic

² K'onwaŋere i dier win, iy'acel kwoŋ tindin mewin ma Rwoth Were mewin miyo win, jacwo kosa dhako, m'otur cikirok pere,

Kitawo mar'abic mapa Musa m'ilwoŋo ni Cik 17:2 ပူးပေါင်းရင်းမြစ်များ

2 Kerin 18:12

Samaria opodho kwoŋbedo Joisiraili jok'owinjo Rwoth Were pajo, to joturo cikirok ma Rwoth otimo gi jo aka jok'oluwo cik ma ŋeca pa Rwoth, Musa oyido omiyo jo. Jok'onyalo winjo kosa luwo.

2 Kerin 21:3

Kole go ogeto kalamo manyakafir ma bamere oyido oturo, ogeto migam ma lamo Bal to timo cal pa were madhako Asera paka kere Ahab ma Isiraili oyido otimo. Manase bende olamo micalin.

Yobu 31:28

Meno je reco ma ripo gi gir'acula, aka meno bedo ngoye g'adieri ri Were manitie malo.

Kitawo mar'ario mapa Musa m'ilwoŋo ni Wok 22:19

“Neki win jacwo ma nindo g'ogwaŋ.”

Kitawo mar'ario mapa Musa m'ilwoŋo ni Wok 22:20

“Reyi win woko ŋata miyo cowirok ri were man ma kiweno an.”

Yeremia 31:32

Kilabedo paka cikirok ma cango atimo gi kwarere pajo munyo amako cingi jo t'awodho jo wok i piny Misir. Cikirok ma joturo, makada nende oyido abedo cwor jo, Rwoth waco.

Yeremia 34:18

Jono ma joturo cikirok paran ma jok'okuro yerok ma cikirok ma jotimo ruwaŋan. Alaloko jome paka nyathi dhiaŋ m'otoŋ i diere dirio t'iluwo i diere.

Ezekiel 16:38

Alathumo rin banja paka ri mon ma jotimo cot aka jonek, aka alamiyin gir'acula ma tho i nge kodi nyeko.

Hoseya 6:7

To paka Adam, joturo cikirok; kenyo jotiyo kodan ma buyeyo.

Hoseya 8:1

Kudhi win gwara! Kole ŋata cale ango nitie i ot ma Isiraili, kwoŋbedo jotieko turo cikirok paran, to joweyo timo gima cik paran waco.

Jolevi 20:2

Waci ri Joisiraili je ni dhano moro je kwoŋ Joisiraili, kosa kwoŋ jokicar ma jobedo i Isiraili m'omiy acel kwoŋ nyithindho pere ri were Molek iripo neko adieri. Jopiny jowocadhi go gi telin.

Jolevi 26:15

ka wikwero mako cik paran, to wijwango or paran, ŋey wikwer mako or paran je, to wituro cikirok paran,

Jolevi 26:25

Alaneko win, culo kwor ro cikirok; aka ka wicokere i tindin mewin madongo, aladhiro two nundu i dier win, t'aketho win i cingi jokwor.

Kitawo mar'abic mapa Musa m'ilwoŋo ni Cik 17:5

kenyo wodhi win jacwo kosa dhako no m'otimo gino i waŋkace mewin aka wigoy go gi telin cuka tho.

Kitawo mar'abic mapa Musa m'ilwoŋo ni Cik 29:18

Wokiri wobedi i dier win jacwo kosa dhako, kosa peco kosa nono, ma cunye owire woko kwoŋ Rwoth Were mawan tiyo ri werin man mapa nonin no. Meno nyalo cale paka fuc ma nyak olemo manitie gi kwir kodi makec.

Kitawo mar'abic mapa Musa m'ilwoŋo ni Cik 29:25

Wegi joladwoko ni, ‘Kwoŋbedo joweyo cikirok ma Rwoth Were pa kwarere pajo otimo gi jo munyo owodho jo wok i lowo ma Misir.

Kitawo mar'abic mapa Musa m'ilwoŋo ni Cik 31:20

Kole k'atieko kelo jo i lowo m'aciko kwarere pajo, ma mol gi cak kodi mo kic, ka jotieko cemo gi yeŋo, jolawire bongi werin man tiyo rijo, cayan kodi turo cikirok paran.

Kitawo mar'abic mapa Musa m'ilwoŋo ni Cik 4:23

Riameno gwokere win, wicwil okir omaki win gi cikirok ma Rwoth Were mewin otimo gi win, aka wikiri witim cal ma gimoro je ma Rwoth Were mewin otieko kwero riwin.

Joebulaniya 10:28

Kole ŋata kiwinji Cik pa Musa ineko m'ongoye wor ka otiek thumo banja loyo go, cungo kwoŋ jokony ario kosa adek ma joridho ni go otimo reco.

Yosuwa 23:16

Ka winobenga to wituro cikirok pa Rwoth Were mewin, ma go ooro win, to wikadho to witiyo ri werin man to wikule piny rijo, nyaka nge pa Rwoth laliel kwoŋ win, to wisika piyo piyo i lowo maber ma go otieko miyo win.”

Yosuwa 7:11

Isiraili otieko timo reco; jotieko kibenga kwoŋ cikirok paran m'aoro jo; jotieko kwanyo gigipiny moro m'oyido joripo reyo woko, jotieko kwalo gi twodo, to joketho jo i dier gigipiny pajo.

Yosuwa 7:15

Aka ŋat'okwany gi gigipiny m'oyido iripo reyo ilawaŋo gi mac, go kodi gimoro je manitie gine, rupiri go otieko timo kibenga kwoŋ cikirok pa Rwoth, kodi rupiri go otieko timo giwickwot i Isiraili.’ ”

Jothum Banja 2:20

Keme pa Rwoth oliel kwoŋ Isiraili aka go owaco ni, “Kwoŋbedo nono me joturo cikirok paran m'amiyo kwarere pajo or kwoŋe, aka jok'owinjo dwondan;

Jothum Banja 6:31

To Yowas owaco ri ji je m'oyido jogaŋere kwoŋe ni, “Wilakiosa ri Bal? Kosa wilacwako go? Ŋata piemo rigo je ilaneko g'odikin. Ka go obedo were, weyi go won woosa banja pere kwoŋbedo otur migam pere.”