Kitawo mar'abic mapa Musa m'ilwoŋo ni Cik 11:14 - KITAWO MALEŊ

¹⁴ kenyo go lamiyo win koth ri lowo mewin i hongo mere, koth ma cwir kodi ma oro, ŋey winyal coko ŋano, vini, kodi mo mewin.

KITAWO MALEŊ Catholic

¹⁴ kenyo go lamiyo win koth ri lowo mewin i hongo mere, koth ma cwir kodi ma oro, ŋey winyal coko ŋano, vini, kodi mo mewin.

Kitawo mar'abic mapa Musa m'ilwoŋo ni Cik 11:14 ပူးပေါင်းရင်းမြစ်များ

Isaya 30:23

Rwoth lamiyo koth ri kodhi ma wicwoyo i lowo, kodi ŋano, aka cemo lanyak m'owega. I ndelo no ogwaŋe mewin jolabedo gi lum kweth.

Yeremia 14:22

Cal pa nonin moro je nyalo dhiro koth? Kosa polo nyalo miyo koth ma cwe? K'obedo in, awi Rwoth Were mawan? Waketho geno mawan kwoŋin, kole iŋat'itimo gime je.

Yeremia 5:24

Jokiwaci i cuny jo ni, “Mondo weyi win walwor Rwoth Were mawan, go m'amiyo koth i hongo mere ma ripo, koth ma oro kodi ma cwir, aka kuro riwan i hongo mere ndelin m'oyik ma keco i hongo mere.”

Ezekiel 34:26

Alaloko jo kodi adec m'othoko tendere paran silwany; aka aladhiro rijo koth i hongo mere ma ripo; labedo rijo koth ma silwany.

Yowel 2:19

Rwoth odwoko ji pere to waco ama: Kole, ee acegin dhiro riwin, ŋano kodi vini manyen kodi mo manyen, aka wilayeŋ; ak'oloki win kendo, giwickwot i dier nonin.

Jolevi 26:3

“Ka wiluwo cik paran to wikuro or paran to wimako jo gi genirok,

Jolevi 26:4

alamiyo win koth mewin i hongo ma ripo, to piny nyak cemo mere, to yen ma ndelin nyak olemo mere.

Malaki 3:11

Akibino weyo kudin wonyeki cemo mewin, aka ndelo vini mewin bino poŋ gi nyingi vini.

Tim pa Jomoor 14:17

to kad'ameno go k'odoŋ nono m'ongoye gima nyutho ni go nitie, rupiri go onyuthere ndir je i gigipiny mabeyo ma go timo: Go miyo win koth wok i polo kodi cemo m'ipidho i hongo m'otire; go miyo win cemo aka poŋo kisangala i cuny win.”

Kitawo mar'abic mapa Musa m'ilwoŋo ni Cik 28:12

Rwoth layawo kakan ma ŋaŋo pere, polo, miyo win koth i lowo mewin i hongo ma ripo to miyo tic je ma cingi win silwany. Wilakikopa nonin kweth, to wikilabedo gi banjin pajo.

Yakobo 5:7

Am'omiyo, wutmere, diy win cuny win, cuka Rwoth odwoki. Neni win paka jafur diyo cunye munyo kuro ni lowo pere wonyak rigo gima welo. Go kuro gino m'odiyo cunye cuka koth ma cwir kodi ma keco tundo.