Kitawo mar'abic mapa Musa m'ilwoŋo ni Cik 1:7 - KITAWO MALEŊ

⁷ Wire win wimedere gi woth mewin, aka wikadhi i piny matendere pa Joamor kodi iy'adec mager i Araba, piny matendere, Sefela, yupiny, kodi i thengi nam. Lowo pa Jokanan, kodi i Lebanon, tundo kiri i malawa madwoŋ, Yufrete.

KITAWO MALEŊ Catholic

⁷ Wire win wimedere gi woth mewin, aka wikadhi i piny matendere pa Joamor kodi iy'adec mager i Araba, piny matendere, Sefela, yupiny, kodi i thengi nam. Lowo pa Jokanan, kodi i Lebanon, tundo kiri i malawa madwoŋ, Yufrete.

Kitawo mar'abic mapa Musa m'ilwoŋo ni Cik 1:7 ပူးပေါင်းရင်းမြစ်များ

Cakirok 12:9

Aka Abram omedere ka kidho yupiny ma Kanan.

2 Samwiri 8:3

Daudi bende okengila kere ma piny Siria, Hadadeza wod pa Rehob munyo Hadadeza oyido kidho iy'adec ma malawa Yufrete dwoko dhum pere kenyo.

1 Kigana kwoŋ Kerin 18:3

Daudi bende okengila kere ma piny Siria, Hadadeza wod pa Rehob munyo Hadadeza oyido kidho iy'adec ma malawa Yufrete dwoko dhum pere kenyo.

1 Kigana kwoŋ Kerin 27:29

Satay ma wok Saron oyido kuro dhok kam'othangere i Saron, aka Hafat wod pa Adilay oyido kuro dhok ma milelo.

1 Kigana kwoŋ Kerin 5:9

Oyido jonitie gi dhok kweth i lowo ma Giliad, aka ameno jogeto i lowo tundo yuwok ceŋ mar'opalipat kiri i malawa Yufrete.

Kitawo mar'ario mapa Musa m'ilwoŋo ni Wok 23:31

Abino ketho kew mewin wok i Nam M'obokere kiri i nam pa Jofilistia, kodi wok i thim tundo i malawa Yufrete. Abino miyo win meni kwoŋ ji je aka wibino riemo jo woko kwoŋ win.

Amos 2:9

To kucel areyo woko Joamor ruwaŋ jo, m'oyido jobor pa yath m'ilwoŋo ni sida aka jotek p'olwa; anyeko woko olemo gi fuc mere piny.

Kwan 10:12

Kenyo to Joisiraili joay cako woth pajo wok i thim ma Sinai, to pondeponde cungo i thim ma Paran.

Kitawo mar'abic mapa Musa m'ilwoŋo ni Cik 1:19

Waay wok i Horeb to wakadho luwo gi royo ma thim madwoŋ aka ma kelo lworo ma wineno, i royo ma kadho i piny matendere pa Joamor paka Rwoth Were mawan omiyo wan or, cuka watundo i Kades Barineya.

Kitawo mar'abic mapa Musa m'ilwoŋo ni Cik 11:11

To lowo ma wiŋado kadho lunjo obedo lowo matendere kodi milelo, ma koth cwe iye wok i polo,

Kitawo mar'abic mapa Musa m'ilwoŋo ni Cik 11:24

I kisi kabedo je ma winonyon gi tiendi win labedo mewin; adec mewin layare wok i thim tundo i Lebanon kodi wok i malawa Yufrete, kiri i Nam ma yupodho ceŋ.

Yosuwa 1:4

Wok i thim kodi Lebanon tundo kiri i malawa madwoŋ; malawa Yufrete, lowo pa Johiti, tundo i Nam Madwoŋ yupodho ceŋ bino bedo adec mewin.

Yosuwa 10:40

Ameno Yosuwa okengila piny je, piny matendere kodi yupiny kodi piny m'opiele gi ma kamaloro, gi kerin pajo je; m'ongoye m'oweyo, to reyo woko gimoro je ma ywe, paka Rwoth Were pa Isiraili owodho or.

Yosuwa 24:15

Onyo ka wikiyere tic ri Rwoth, yer win konon ŋata wilatiyo rigo, kosa werin ma kwarere mewin jotiyo rijo yur'adec ma yombo Malawa kosa werin pa Joamor, ma wibedo i lowo pajo; to paka ri peco paran kodi an, walatiyo ri Rwoth.”

Yosuwa 9:1

Munyo kerin je m'oyido jonitie yombo Yordan i piny matendere kodi i piny m'opiele joje yuthengi Nam madwoŋ kadho Lebanon, Johiti, Joamor, Jokanan, Joperiz, Johivi kodi Joyebus, jowinjo gime,

Menyirok ri Yohana 9:14

Dwondi jo no owaco ri malaika mar'aucel man gi gwara no ni, “Gony jomalaika aŋwen m'otwey jo dho jwom madwoŋ m'ilwoŋo ni Yufrete!”