Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.
Alaluwo kwoŋ tim ma mar pa Rwoth makiwire, pak pa Rwoth, cungo kwoŋ gimoro je ma Rwoth otieko miyo wan, gi bero pere madwoŋ ri ot pa Isiraili m'otieko miyo jo ro ŋono pere, cungo kwoŋ mar pere mathoth makiwire.
To kiri i thim, ot pa Isiraili jogwenyere kwoŋan, jok'owotho i cik paran, aka jokwero or paran ma ŋat'oluwi lakwo. Jokoco sabato paran, kenyo aparo kwoŋ konjo keme paran kwoŋ jo i thim, ma reyo woko jo.
Awi Rwoth, itimo gim'otire, to wiwan okwot kamaler ndelo me, ji ma Yuda, ji ma jobedo i Yerusalem, kodi Joisiraili je, cegin kodi bor, i lowo je m'ikedh'iye jo, kwoŋbedo jotimo gibanirok rin.
Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.