Daniel 9:7 - KITAWO MALEŊ

⁷ Awi Rwoth, itimo gim'otire, to wiwan okwot kamaler ndelo me, ji ma Yuda, ji ma jobedo i Yerusalem, kodi Joisiraili je, cegin kodi bor, i lowo je m'ikedh'iye jo, kwoŋbedo jotimo gibanirok rin.

Daniel 9:7 ပူးပေါင်းရင်းမြစ်များ

Ezira 9:13

To makada nende gigipiny ma cale g'ameno otieko timere riwan i gir'acula ro reco mawan gi komo mawan, waŋeyo ni in, Were mawan, imiyo wan gir'acula mathin loyo m'oyido imiyo wan aka iweyo wan both.

Ezira 9:15

Awi Rwoth, Were pa Isiraili, itimo tiro, iweyo wan both, paka wanitie konon. E watuco reco mawan ruwaŋin, wangoye gi dwoŋ bino ruwaŋin ro gime.”

Nehemia 9:33

Itimo gim'otire miyo wan gir'acula, kole itimo adieri, to watimo gikidakana.

Zabuli 119:137

Initie gi tiro, Rwoth, aka cik perin otire.

Zabuli 44:15

Ndelo je asewere, aka wickwot omakan,

Zabuli 51:14

Koy kwo paran, Awi Were, aka bothan, aka alawero malo both perin.

Zabuli 51:4

Kwoŋin, in kende, ama atimo reco, aka atimo gimarac ruwaŋin. Ameno itire thumo ran banja, aka ingoye g'apuse ma thumo ran banja.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 45:16

Jono ma jotimo cal makicar jolanywowere, aka wi gin lakwot kanyacel.

Yeremia 12:1

Itimo gim'otire, awi Rwoth, k'ageŋisa rin; kucel d'aosa banja paran ruwaŋin. Raŋo gima jokidakana jotimo kadho maber? Raŋo jobanirok je jowinjo maber?

Yeremia 23:6

I hongo pere ilabotho Yuda kodi Isiraili aka ji ma Isiraili jolabedo i siem. Aka me a nyingi m'ibino lwoŋo gine go: “Rwoth a tiro mawan.”

Yeremia 24:9

Alaloko jo ginyero, gimoro marac, ri kerin je ma piny, lifol, gir'awaca, aŋala, t'ioro nyingi jo paka kwoŋ kisi kamoro je m'akedh'iye jo.

Yeremia 3:25

Weyi waŋare piny i wickwot, aka weyi wickwot mawan woumi wan; rupiri watieko timo reco kwoŋ Rwoth Were mawan, wan kodi kwarere mawan, wok i soye mawan tundo gunyo ni, aka fodi wakiworo dwondi Rwoth Were mawan.

Yeremia 32:32

Me kwoŋbedo reco je pa ji ma Isiraili kodi ji ma Yuda ma jokwinyo nge paran. Jo kodi kerin pajo kodi jodhum pajo kodi jocway ri Were i wi migam pajo kodi jotuci wac Were pajo, ji ma jobedo i Yuda kodi joma jobedo i Yerusalem.

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Yeremia 4:17

Joriko go paka joma kuro ndelo, kwoŋbedo go otieko gwenyirok kwoŋan, Rwoth waco.

Yeremia 7:19

Obedo an ma jokwinyo? Rwoth penjo. K'obedo jo wegi, ma wegi jomiyere litho?

Ezekiel 16:63

Kenyo nyaka ilapoyo to wiyin kwot, aka ikilayawo dhokin kendo, ro wickwot, k'atieko cwako rin tim perin marac je, Rwoth Were waco.

Ezekiel 36:31

Kenyo wibino poyo tim mewin marac, gi gigipiny ma witimo ma k'ober; to wijok wiwegi ro reco mewin kodi tim mewin mar'amien.

Ezekiel 5:10

Riameno jonywol jolacamo nyithindho pajo i dier win, aka nyithindho jolacamo jonywol pajo; alathumo banja kwoŋ win, aka joma jodoŋ alakedho jo i kisi thenge je.

Ezekiel 6:12

Jono ma jonitie bor jolatho gi two nundu, jono ma jonitie cegin jolatho g'abor, aka jono ma jodoŋ makwo t'iweyo jo jolatho kec. Ameno apaka alacowo keme paran kwoŋ jo.

Daniel 9:14

Riameno Rwoth oŋiyo raco me cuka okelo kwoŋ wan. Adieri Rwoth Were mawan otire i gima go otieko timo; to wakiwinjo dwondi go.”

Daniel 9:18

Awi Were paran, ciki ithin iwinji, yaw waŋin ineni, candirok mawan, kodi tindi perin madwoŋ, m'ilwoŋo gi nyingin. Kole wakikwayin kwoŋbedo watimo gim'otire, to kwoŋbedo wor perin dwoŋ.

Daniel 9:8

Awi Rwoth, wiwan okwot kamaler, kerin mawan, jodhum mawan, kwarere mawan, kwoŋbedo watimo gimarac kwoŋin.

Amos 9:9

Abino miyo cik t'acunga Joisiraili, paka ŋano manitie i kicungwo. Abino kicunga jo kwoŋ piny je, t'ayeko woko ji ma bukony.

Joroma 6:21

Onyo bero aŋo ma wilimo i timo gigipiny ma kelo riwin wickwot? Kole gima wok i gigipiny no obedo tho!

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Kitawo mar'abic mapa Musa m'ilwoŋo ni Cik 4:27

Rwoth lakedho win i dier nonin, aka manok kwoŋ win ama jolaboth i dier nonin kama Rwoth oter win'iye.