Daniel 9:5 - KITAWO MALEŊ

⁵ “Watieko timo reco, watimo gi komo, watimo gikidakana to wagwenyere, kiri gi wirok kwoŋ or perin kodi cik perin.

Daniel 9:5 ပူးပေါင်းရင်းမြစ်များ

2 Kerin 18:12

Samaria opodho kwoŋbedo Joisiraili jok'owinjo Rwoth Were pajo, to joturo cikirok ma Rwoth otimo gi jo aka jok'oluwo cik ma ŋeca pa Rwoth, Musa oyido omiyo jo. Jok'onyalo winjo kosa luwo.

2 Kerin 21:15

Abino timo gime ri ji paran kwoŋbedo jotimo reco kwoŋan aka jokwinyo nge paran wok i hongo ma kwarere pajo jowok i Misir tundo gunyo ni.”

Ezira 9:6

Akwayo ni, “Awi Were, anitie gi wickwot madwoŋ swa tiŋo waŋan ruwaŋin. Kole reco mawan odhure bor kalo kiri wiwan, aka komo mawan otundo malo kiri i polo.

Zabuli 106:6

Wan gi kwarere mawan je watimo reco; wabedo jokidakana aka joreco.

Zabuli 119:102

Akijwango fonji perin, kole in won ibedo jafonji paran.

Zabuli 119:176

Alera paka rombo m'orwenyo, rangi ŋeca perin, kole wiyan kiwil gi or perin.

Zabuli 18:21

Kole atieko kuro yo pa Rwoth, aka akiwire kwoŋ Were paran timo kidakana.

Isaya 53:6

Wajoje oyido wacal rombo m'orwenyo, kisi moro ocomo yo pere, to, Rwoth miyo gir'acula podho kwoŋ go, gir'acula m'oyido waŋati waripo limo.

Isaya 59:13

Wagwenyere to wakwedere kwoŋ Rwoth, aka wakwero luwo Were mawan. Waluwo wac mar'adica gi ma gwenyirok, waere gi wac ma twodo aka watuco jo wok iy'adundin mawan.

Isaya 64:4

Wok cene ongoye ŋat'otieko winjo, kosa m'otieko niaŋ gi ithe, ongoye waŋ m'otieko neno Were man kwanyowoko in, ma timo nger tim no ri jono ma jokuro go.

Yeremia 14:20

Wayeyo kidakana mawan, awi Rwoth, reco pa kwarere mawan, kole watieko timo reco kwoŋin.

Yeremia 14:7

Makada nende reco mawan segeya wan, tim gimoro, awi Rwoth, kwoŋbedo nyingin. Watieko jwangin hongo m'oromo, aka watieko timo reco kwoŋin.

Yeremia 3:25

Weyi waŋare piny i wickwot, aka weyi wickwot mawan woumi wan; rupiri watieko timo reco kwoŋ Rwoth Were mawan, wan kodi kwarere mawan, wok i soye mawan tundo gunyo ni, aka fodi wakiworo dwondi Rwoth Were mawan.

Yeremia 30:14

Jomitirok mewin je wiy jo owil gi win; jokipar kada kwoŋ win. Kole atieko monjo win paka jakwor, gir'acula mewin obedo magway, kwoŋbedo kidakana mewin madwoŋ.

Yeremia 44:3

kwoŋbedo kidakana pajo ma jotimo, to jokwinyo nge paran, munyo jomiyo cowirok to jotiyo ri werin man ma fodi jokuya, jo, kosa win kosa kwarere mewin.

Ywakirok 1:18

Rwoth otire, kwoŋbedo agwenyere kwoŋ wac pere, to mondo winji win, nonin je, neni kwoŋbedo litho paran, yac paran kodi nyir paran, jokadho i twec.

Ywakirok 1:20

Neni, Awi Rwoth, nger manitie iye i litho, iyan ramere, cunyan raman, kwoŋbedo gwenyirok paran ma kiwacere, Abor neko i royin, aka i ot cal tho.

Ywakirok 3:42

Watieko timo reco to wagwenyere, to ikicwako.

Ezekiel 5:6

To go ogwenyere kwoŋ cik paran to jotimo kidakana loyo nonin, kodi kwoŋ fonji paran loyo lowo je m'othoko go. Jokwero cik paran, aka jok'owotho i fonji paran.

Ezekiel 6:9

Jono ma joboth jolapoyan i dier nonin kam'ilater'iye jo i twec koro, kwoŋbedo aol gi cuny jo matek m'ocile kwoŋan, kodi waŋ jo ma luwo calin pajo. Jolajok wegi gi wegi ro reco ma jotimo, iy'amien pajo je.

Daniel 9:11

Joisiraili je joturo cik perin aka jowire gi thenge, jokwero winjo dwondin. Riameno lam kodi kwoŋirok m'ondiki i cik pa Musa ŋeca pa Were opodho kwoŋ wan, kwoŋbedo watimo gimarac kwoŋe.

Daniel 9:15

“Aka onyo pama, Awi Rwoth, Were mawan m'iwodho ji perin wok i lowo ma Misir gi cingin matek, t'itimo nyingin, paka i ndelo me watieko timo reco kodi kidakana;

Daniel 9:9

To in Rwoth, itimo wor aka icwako, makada nende watieko gwenyirok kwoŋin.

Hoseya 1:2

Munyo Rwoth oluwo gi Hoseya marapena, Rwoth owaco ri Hoseya ni, “Kadhi, inywom dhako m'obedo malaya aka i nywol nyithindho ma jobedo malaya paka go, kole piny timo malaya madwoŋ swa gi jwango Rwoth.”

Malaki 3:7

Wok i ndir ma wiketho cik paran gi thenge aka wikikuro. Dwoki win bongan, aka abino dwoko bongi win, Rwoth pa lwak jolweny waco. To wipenjo ni, “Wanodwoki nedi?”

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.