Daniel 9:27 - KITAWO MALEŊ

²⁷ Go latimo cikirok matek gi ji kweth ma oro abirio, aka iy'adec ma oro me go lakelo gike ma cowirok kodi mic. I kabedo pajo ilaketho amien ma reyo woko, cuka tundo hongo ma Were lareyo woko ŋata reyo woko.”

Daniel 9:27 ပူးပေါင်းရင်းမြစ်များ

Isaya 28:15

Kwoŋbedo witieko waco ni, “Watieko timo cikirok gi tho, watieko yerok gi piny pa jom'otho, ka goco ma teko oluwi, kilatundo bongi wan, kole watieko loko gima k'adieri kapondo mawan, gi twodo kabwok mawan.”

Isaya 28:22

Onyo riameno, wikiri winyer, kosa gir'acula mewin labedo matek loyo, kole atieko winjo Rwoth Were pa lwak jolweny, wodho or ma reyo woko piny gibe.

Isaya 42:6

An Rwoth, atieko lwoŋin i tiro, atieko kwanyin gi cingan t'akurin, atieko miyin paka cikirok ri ji, gi lero ri nonin.

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Isaya 55:3

Ciki ithi win, aka wibin bongan, winji win, ŋey cuny win wonyali kwo. Alatimo gi win cikirok ma cil gi cil, mar paran makiwire, mar'adieri ri Daudi.

Yeremia 7:30

Kole ji ma Yuda jotieko timo gimarac ruwaŋan, Rwoth waco; jotieko jengo amien pajo i ot m'ilwoŋo gi nyingan, jokoco.

Daniel 11:31

Jolweny ma wok bonge jolamenyere to jokoco Ot pa Were kodi cel, to jokwanyo woko cowirok awaŋa ma noknok. Jolajengo gimienirok ma kelo kidamba.

Daniel 11:36

Kere latimo paka oyenyo; go latiŋere malo to lokere ŋatadwoŋ maloyo were mogo je, go laluwo gigipiny ma k'ago kwoŋ Were pa werin. Go lanyalo kisi gimoro cuka nge pere orum; kole gima go otieko ridho latimere.

Daniel 12:11

“Wok i hongo m'ilakwanyo woko mic awaŋa ma cil gi cil kodi amien ma kelo kidamba, latero ndelo 290.

Daniel 7:25

Go laluwo wac madongo kwoŋ Jamalo Swa, to paro wiro hongo kodi cik; aka ilamiyo i cingi go cuka oro gi oro kodi adec oro.

Daniel 8:13

Awinjo ŋataleŋ luwo, aka ŋataleŋ man owaco ri m'oyido luwo ni, “Gigipiny m'onenere i menyirok me omedere kiri keraŋo?”

Hoseya 3:4

Kole nyithindho pa Isiraili jolabedo ma ndelo kweth ma bu kere kosa jadhum, m'ongoye cowirok kosa siro, ma bu cal kosa cal aora ma ŋeyo gima latimere yuwaŋe kosa nyaliŋliŋ m'opondo.

Kwan 7:62

Sen acel ma zahabu ma peko mere obedo siringi apar, m'opoŋ gi buban,

Matayo 24:15

Am'omiyo ka wineno gir'amien madwoŋ ma Daniel jatuci wac Were cango oluwo kwoŋe ojengi i Ot pa Were (ŋata soma wac me woŋey dwoŋ mere).

Matayo 26:28

“Madhi win giman'iye, wijoje; rupiri vini me obedo remo paran ma ridho cikirok manyen ma Were otimo gi ji pere, m'ooy ri ji mathoth ma cwako reco.

Matayo 27:51

Gikenyo nanga m'olier i Ot pa Were oyec ario wok malo kiri piny. Piny oyengere, telin obare,

Mariko 13:14

“Wibino neno munyo okethi gir'amien madwoŋ ma kelo lworo kama di kiripi woketh'iye (ŋata soma wac me woniaŋi dwoŋ mere). Gikenyo joma nitie i Yuda joworingi wi gote.

Luka 21:20

“Ka wineno lwak jolweny jothoko Yerusalem, gikenyo wibino ŋeyo nike ilareyo woko go mayot.

Luka 21:24

Ibino neko jo g'abor, t'itero jo paka ŋecin i piny moro je, aka Jopath jobino wotho wi Yerusalem cuka ndir ma dhum pajo orum kicutho.”

Joroma 11:26

Aka me apaka Isiraili gipi bino limo both, paka ondiki ni, “Jaboth bino wok Zayon, Go bino kwanyo woko reco pa nyikway Yakobo je.

Joroma 5:15

To mic pa Were ma nono no, kicale gi gimarac ma Adam otimo. K'inen ji mathoth jotho ro gimarac pa Adam ŋat'acel no, ameno nema pa Were kodi mic ma nono man nema pa ŋat'acel, Yesu Kristo, loyo meno bor swa.

Joroma 5:19

Ato paka kibenga manyaturo cik pa ŋat'acel oloko ji kweth jogimarac, apaka bende winjo cik pa ŋat'acel miyo iloko ji kweth jom'otire.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.