Daniel 9:11 - KITAWO MALEŊ

¹¹ Joisiraili je joturo cik perin aka jowire gi thenge, jokwero winjo dwondin. Riameno lam kodi kwoŋirok m'ondiki i cik pa Musa ŋeca pa Were opodho kwoŋ wan, kwoŋbedo watimo gimarac kwoŋe.

Daniel 9:11 ပူးပေါင်းရင်းမြစ်များ

2 Kerin 18:12

Samaria opodho kwoŋbedo Joisiraili jok'owinjo Rwoth Were pajo, to joturo cikirok ma Rwoth otimo gi jo aka jok'oluwo cik ma ŋeca pa Rwoth, Musa oyido omiyo jo. Jok'onyalo winjo kosa luwo.

2 Kerin 22:16

mikwenda me m'owok bongi Rwoth, “Neni, abino miyo Yerusalem kodi ji mere je gir'acula, paka ondiki i kitawo ma kere osoma.

Isaya 1:3

Merikwa oŋeyo won mere, aka punda ma roya oŋeyo wer ma cemo pa jadwoŋ pere, to Isiraili okuya an, ji paran jokiniaŋ.

Isaya 43:28

Alakoco jotel ma Kabedo Maleŋ, aka alamiyo Yakobo rerok makicutho, t'aweyo iyeto Isiraili.

Yeremia 16:11

Nyaka ibino dwoko jo ni: Obedo kwoŋbedo kwarere pajo jojwangan Rwoth waco, aka onyo jokadho ri werin man aka jotiyo rijo to jolamo jo, jotieko jwangan aka jok'okuro cik paran.

Yeremia 2:29

Raŋo wiŋunyaŋunya kodan? Wijoje witieko gwenyere kwoŋan.

Yeremia 30:14

Jomitirok mewin je wiy jo owil gi win; jokipar kada kwoŋ win. Kole atieko monjo win paka jakwor, gir'acula mewin obedo magway, kwoŋbedo kidakana mewin madwoŋ.

Yeremia 32:23

Jodonjo iye aka jolunjo, to jok'owinjo dwondin luwo cik perin, kwoŋ gim'iwodho or rijo timo je, ongoye ma jotimo. Riameno imiyo teko me je podho kwoŋ jo.

Yeremia 40:3

aka onyo Rwoth otieko kelo, to timo paka go owaco, kwoŋbedo wijoje witimo reco kwoŋ Rwoth aka wikiwinjo dwonde. Riameno gime obino kwoŋ win.

Yeremia 44:22

Rwoth k'onyalo ciro medo neno tim mewin marac, amien ma witimo, riameno lowo mewin olokere gunda, m'ongoye ji ma jobed'iye. Piny mewin olokere gima bwoko jo kodi kwoŋ tundo gunyo ni.

Yeremia 44:23

Gime me je obedo kwoŋbedo wiwaŋo mic to witimo reco ruwaŋ Rwoth aka wikiwinjo dwondi Rwoth kosa woth i cik pere, kodi i or pere kodi i fonji pere, am'omiyo teko me opodho kwoŋ win, paka nitie konon me.”

Yeremia 6:19

Winji, awi piny, akidho kelo kidamba kwoŋ ji me, gima wok i can pajo, rupiri jokwero winjo wac paran; aka paka ri fonji paran, jotieko kwero woko.

Yeremia 9:26

Misir, Yuda, Edom, Amon, Mowab, kodi jono je m'oliel wiy gin ma jobedo i thim. Ongoye kwoŋ ji me aka ongoye kwoŋ Joisiraili ma jokuro cikirok paran.

Daniel 9:13

Paka ondiki i cik pa Musa, raco me je opodho kwoŋ wan, kucel wakirango waŋ Rwoth Were mawan, wirok kwoŋ reco mawan kodi luwo adieri pere.

Daniel 9:5

“Watieko timo reco, watimo gi komo, watimo gikidakana to wagwenyere, kiri gi wirok kwoŋ or perin kodi cik perin.

Zekaria 1:6

To wac paran kodi cik paran, m'amiyo or kwoŋe ri ŋecin paran jotuci wac Were, jok'onyalo kwarere mewin? Ameno wegi joŋuto to jowaco ama: Paka Rwoth pa lwak jolweny oyido ocano timo riwan, luwo kwoŋ yo mawan kodi tim mawan, ameno apaka go otiyo gi wan.

Zekaria 7:12

Jotweyo cuny jo ma jok'owinjo cik kodi wac ma Rwoth pa lwak jolweny odhiro gi cuny pere luwo i cingi jotuci wac Were ma cango. Riameno keme madwoŋ obino wok bongi Rwoth pa lwak jolweny.

Zekaria 8:13

Aka paka oyido wibedo lam i dier nonin, Awi ot pa Yuda kodi ot pa Isiraili, ameno alabotho win aka wilabedo silwany. Wikiri wibwoki, to weyi cingi win wobedi matek.

Kitawo mar'abic mapa Musa m'ilwoŋo ni Cik 8:20

Paka nonin ma Rwoth reyo woko ruwaŋ win, ameno wilarere, kwoŋbedo wikinyalo winjo dwondi Rwoth Were mewin.