Daniel 8:3 - KITAWO MALEŊ

³ Atiŋo waŋan malo t'aneno wod rombo ocungo i thengi malawa, oyido nitie gi tunge ario. Tunge je oyido jobor, to acel oyido bor loyo man, aka mabor mere owok macowe.

Daniel 8:3 ပူးပေါင်းရင်းမြစ်များ

1 Kigana kwoŋ Kerin 21:16

Daudi oneno malaika ocungo i hongo, omako abor pere i cinge, oyikere reyo Yerusalem. Kenyo Daudi kodi jotel pa ji m'oyido joruka kutiya jokule piny gi nyim gin i lowo.

Ezira 1:2

Kere Siras ma Pasia owaco ni, Rwoth, Were ma i Polo, omiyan dhumo kerin je ma i piny, aka owodho ran or geto rigo Ot pa Were i Yerusalem i Yuda.

Ezira 4:5

Jo bende jonyewo jodhum ma Pasia geŋo can pajo. Jomedo timo gime i hongo ma dhum pa Siras kiri i dhum pa Dario.

Esita 1:3

I oro mar'adek ma dhum pere, kere otimo kalima madwoŋ swa ri jodhum kodi jotel pere. Jolweny ma Pasia kodi Mediya, jotel kodi rwodhe mar'adec je olwoŋi jo i kalima me.

Isaya 13:17

Neni, amiyo ji ma Medes monjo Jobabilon, ma jongoye gi kony gi feza, aka jokifore i zahabu.

Isaya 21:2

Onyuthan menyirok, ma gigipiny ma kiwacere, jamisegey, segeya, aka janyeki nyeko. Kadhi malo, Awi Elam, thoki ma mako, Awi Mediya, Rwoth otieko ciko kelo i gike, candirok pere.

Isaya 44:28

Go ma waco ri Siras ni, “Jakwath paran, aka lamiyo atoŋa paran je wotundi i kare.” Go waco bende ri Yerusalem ni, “Ilageto go kendo.” To waco ri Ot pa Were ni, “Ilajengo misingi perin.”

Yeremia 51:11

Pak win aserin, yik win kwote mewin! Rwoth otieko guro cuny kerin ma Medes, kwoŋbedo atoŋa pere ri Babilon obedo ma reyo woko. Ameno apaka go laculo kwor ma reyo woko Ot pa Were.

Daniel 10:5

atiŋo waŋan malo, t'aŋiyo, aka neni, jacwo m'oruko nanga mafoth, to tweyo piero gi del ma zahabu macil ma Ufaz.

Daniel 2:39

Rumacen yuŋeyin laay ker man mathin loyo aperin, aka kucel ker mar'adek ma ywel, ama ladhumo piny gibe.

Daniel 5:31

Dario Jamedes am'olunjo ker munyo oyido jaoro cegin piero aucel g'ario.

Daniel 6:28

Ameno Daniel me oyindira i hongo ma dhum pa Dario, kodi i hongo ma dhum pa Siras Japasia.

Daniel 7:5

Ogwaŋ man, mar'ario owok, ma cal gi amudhe, aka otiŋere i thenge acel, oyido nitie gi kediŋete adek i dhoke, i dier lake; t'iwaco rigo ni, “Ay malo icami riŋo kweth.”

Daniel 8:2

Aneno i menyirok; aka munyo aneno, oyido anitie i Susa tindi madwoŋ, manitie iy'adec ma Elam, aka aneno i menyirok oyido anitie i thengi malawa Ulay.

Daniel 8:20

“Wod rombo m'ineno nitie gi tunge ario, obedo kerin ario ma Medes kodi Pasia.

Zekaria 1:18

Atiŋo waŋan malo t'aŋiyo, aka neni, tunge aŋwen!

Zekaria 2:1

Atiŋo waŋan malo t'aŋiyo, aka neni, jacwo m'otiŋo thol ma kipima i cinge.

Zekaria 5:1

Awire, t'atiŋo waŋan malo, aŋiyo, aka neni, Papila m'omin ma ay.

Zekaria 5:5

Malaika m'oyido luwo kodan owok, aka owaco ran ni, “Mondo tiŋi waŋin malo, ineni aŋo me ma wok kadho.”

Zekaria 5:9

Atiŋo waŋan malo, aŋiyo, aka neni, mon ario jowok, koyo oyido nitie i bwombi jo. Bwombi jo oyido cal bwombi obusi, aka jotiŋo malo adita i dier piny kodi polo.

Zekaria 6:1

Awire t'atiŋo waŋan malo, aŋiyo, aka neni, cawilin aŋwen jowok i dier gote ario, aka gote me oyido obedo ma ywel.

Kwan 24:2

Balam oŋiyo malo to neno Isiraili joketho kambi pajo, nono gi nono. Kenyo cuny pa Were obino kwoŋ Balam,

Yosuwa 5:13

Ndelo acel munyo Yosuwa oyido nitie cegin gi Yeriko, oŋiyo malo to neno dhano m'ocungo yunyime g'abor m'oyuy i cinge. Yosuwa okidho bonge to penjo go ni, “Ibedo acel kwoŋ wan, kosa acel kwoŋ jokwor mawan?”

Menyirok ri Yohana 13:11

Gikenyo aneno ogwaŋ man munyo wok i lowo; go oyido nigi tunge ario paka tungi Nyathi rombo, to oluwo paka bulir.

Menyirok ri Yohana 5:6

Aka aneno Nyathi rombo moro ocungo i diere dho kom ma dhum, ma cwec makwo aŋwen kodi jodongo no jothoko. Nyathi rombo no ocale pa m'oneki ma cowirok. Rombo no onwaŋo nitie gi tunge abirio kodi waŋe abirio, ma jobedo cuny m'omakere abirio mapa Were m'odhir i piny gipi.