Daniel 8:25 - KITAWO MALEŊ

²⁵ Kwoŋbedo go jabanirok, twodo lapoŋ i cinge kodi i cunye to won tiŋere malo. Go lareyo woko ji kweth ma k'ogwoko jo, aka lapiemo kiri gi Kere maloyo. T'ilaturo go ki gi cingi dhano.

Daniel 8:25 ပူးပေါင်းရင်းမြစ်များ

Yobu 34:20

Jokiru tho, iyuko jo i dier wor to jotho, aka tho pa jomeni kibedi gi cingi dhano.

Yeremia 48:26

Rwoth waco ni, Miy win Mowab womer, kwoŋbedo go otiŋere malo kwoŋ Rwoth. Weyi Mowab woŋindere i ŋok pere. Go bende lalokere ginyero.

Ywakirok 4:6

Kole reco pa ji paran dwoŋ, loyo reco pa Sodom, m'orey woko i yoto, m'ongoye cingi dhano m'ogeyo.

Daniel 11:12

Aka ka jolweny no otiek tiŋo okadhi gi jo, adundo pere latiŋere malo aka lamiyo cuny ji kweth podho, to go k'oloy.

Daniel 11:45

Go bino jengo wemin pere ma cel pa kere i dier name kodi got maŋon ma leŋo; kucel go latundo gike pere, aka langoye ŋat'okony go.

Daniel 7:26

To ilayawo kapido t'ithumo banja, aka ilamayo go dhum, ilawaŋo kodi reyo woko kicutho.

Daniel 7:8

Munyo fodi aparo kwoŋ tunge, tungi man mathin owok, aka mafodi k'owoki tunge marapena adek ofudhere gi fuce mere. I tunge mathin me, oyido nitie waŋ jo ma cal waŋ dhano, gi dhok jo ma luwo gigipiny madongo.

Daniel 8:11

Go otiŋere malo kiri kwoŋ jadhum pa lwak, aka omayo go mic ma cil gi cil aka kabedo ma Kabedo Maleŋ pere omaki.

Daniel 9:25

Riameno niaŋ nike wok i hongo m'owodhi or ma dwoko kodi geto kendo Yerusalem tundo i hongo pa ŋat'owir gi mo, Jadhum, latero dibirio ma oro abirio, ilageto kendo Yerusalem gi royin kodi kor ot matek aka lacungo dibirio ma oro piero aucel g'ario; to me labedo hongo ma teko.

Tim pa Jomoor 12:23

Piyo piyo malaika pa Rwoth ogoyo Herode matek, rupiri go k'omiyo Were dwoŋ. Aka kudin ocamo go to tho.

2 Jothesalonika 2:3

Wikiri wiyeyi nyatoro womiŋi win i royo moro je, rupiri Ndelo no k'otundi cuka gwenyirok obedi, to Jal ma kilwor cik nenere.

2 Jothesalonika 2:8

Gikenyo nyaka Jal ma kilwor cik bino nenere, ma Rwoth Yesu bino neko woko gi luya ma dhoke, to reyo go woko gi menyirok madwoŋ pere munyo dwoko.

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”

Menyirok ri Yohana 19:16

I nanga pere kodi i bat mere ondiki nyinge me: “Kere pa kerin, Rwoth pa rwodhe je.”