Daniel 8:21 - KITAWO MALEŊ

²¹ Wod diel ma yer mere ojaŋ m'ineno obedo kere ma Gris, aka tungi madwoŋ manitie i dier waŋe obedo kere marapena.

Daniel 8:21 ပူးပေါင်းရင်းမြစ်များ

Daniel 10:20

Go openjan ni, “Iŋeyo raŋo abino bongin? Onyo pama aripo gik lweny gi wod kere ma Pasia, aka k'atieko gi go, nyaka wod kere ma Gris labino.

Daniel 11:2

Aka onyo pama alawaco riwin adieri. Kerin adek man jolaay i Pasia. Kere mar'aŋwen labedo gi ŋaŋo loyo wadi, aka k'otieko lokere matek gi ŋaŋo pere, go lamiyo kisi dhano lweny gi ker ma Gris.

Daniel 11:3

Kere ma jameni laay, aka ker pere labedo madwoŋ to timo paka go yenyo.

Daniel 2:39

Rumacen yuŋeyin laay ker man mathin loyo aperin, aka kucel ker mar'adek ma ywel, ama ladhumo piny gibe.

Daniel 7:6

Rumacen aneno kendo ogwaŋ mar'adek, ma cal gi kwac, oyido nitie gi bwombi winyo aŋwen, kodi wic mere aŋwen, aka omiy go dhum.

Daniel 8:20

“Wod rombo m'ineno nitie gi tunge ario, obedo kerin ario ma Medes kodi Pasia.

Daniel 8:22

Paka ri Tungi m'otur, to tunge aŋwen wok i liende obedo kerin aŋwen ma lawok i piny no, to kilabedo gi meni pere.”

Zekaria 9:13

Kole atieko gondo Yuda paka atum bor paran, atieko timo Efrayim paka aserin mere. Alacewo wotin, Awi Zayon, kwoŋ wotin, Awi Gris, aka alacweyin paka abor pa jameni.