Daniel 8:13 - KITAWO MALEŊ

¹³ Awinjo ŋataleŋ luwo, aka ŋataleŋ man owaco ri m'oyido luwo ni, “Gigipiny m'onenere i menyirok me omedere kiri keraŋo?”

Daniel 8:13 ပူးပေါင်းရင်းမြစ်များ

Zabuli 74:10

Kiri keraŋo, Awi Were, ma jokwor mawan jonyer, to joyeto nyingin cil gi cil?

Zabuli 74:9

Wakinen ranyuth ma leŋo kendo, ongoye jatuci wac Were man kendo, aka ongoye ŋat'oŋeyo ni gime otimere kiri keraŋo.

Zabuli 79:5

Awi Rwoth, inomaki nge gi wan cil gi cil? Keme ma nge perin omedere liel paka mac?

Isaya 28:18

Cikirok mewin ma witimo gi tho ilareyo woko, yerok mewin ma witimo gi piny pa jom'otho k'ocungi, ka goco ma teko oluwi, ilacwado win gine piny.

Isaya 6:11

Kenyo apenjo ni, “Kiri keraŋo Awi Rwoth?” Aka go odwoko ni, “Cuka tindin madongo othangere, m'ongoye ji ma jobed'iye, aka udi ongoye ji, to lowo doŋ nono kicutho.

Isaya 63:18

Ji perin maleŋ jobedo i Kabedo Maleŋ perin ma hongo macek, jokwor mawan jotieko nyono piny.

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Yeremia 12:10

Jokwath kweth jotieko reyo woko ndelo vini paran, jotieko nyono piny ndelo paran, jotieko loko ndelo paran maŋon, thim m'ojwangi.

Daniel 11:31

Jolweny ma wok bonge jolamenyere to jokoco Ot pa Were kodi cel, to jokwanyo woko cowirok awaŋa ma noknok. Jolajengo gimienirok ma kelo kidamba.

Daniel 12:11

“Wok i hongo m'ilakwanyo woko mic awaŋa ma cil gi cil kodi amien ma kelo kidamba, latero ndelo 290.

Daniel 12:8

Awinjo to oyido akiniaŋ; ameno apenjo ni, “Rwoth, aŋo ma lawok kwoŋ gime?”

Daniel 4:10

Me menyirok m'aneno munyo anitie i kanindo paran, aneno yath i cuny piny, aka oyido bor swa.

Daniel 4:13

Paka amedere ŋiyo, i menyirok paran i kanindo aneno jakur maleŋ oloro piny wok i polo.

Daniel 4:23

Paka kere oneno jakur maleŋ oloro piny wok i polo ka waco ama: Toŋ piny yath aka nyek woko, to weyi kasik mere kodi fuc mere i lowo, wotwey gi nyweny kodi ywel, i lum ma samba; aka weyi wodhiekere gi thoyo ma polo, adec pere labedo g'ogwaŋe madudi ma oro abirio.

Daniel 7:16

Acore cegin gi acel kwoŋ jom'oyido ocungo cegin, t'apenjo go adieri ma gime. Ameno go owaco ran, to miyan ŋeyo dwoŋ ma gigipiny me.

Daniel 7:23

Me gima go owaco: Ogwaŋ mar'aŋwen labedo ker mar'aŋwen i piny, ma lapokere kwoŋ ker je, aka lacamo piny gibe, lanyono piny, to turo mathindho thindho.

Daniel 9:27

Go latimo cikirok matek gi ji kweth ma oro abirio, aka iy'adec ma oro me go lakelo gike ma cowirok kodi mic. I kabedo pajo ilaketho amien ma reyo woko, cuka tundo hongo ma Were lareyo woko ŋata reyo woko.”

Zekaria 1:19

Apenjo malaika m'oyido luwo kodan ni, “Me ginaŋo?” Go odwokan ni, “Me tunge m'otieko kedho woko Yuda, Isiraili, kodi Yerusalem.”

Zekaria 14:5

Wiladwire gi milelo ma gote; kole milelo ma gote latundo kiri Azel, aka wilaringo paka wiringo woko kwoŋ yengirok pa piny i hongo pa Uziya kere ma Yuda; aka Rwoth Were paran labino, kanyacel gi jomaleŋ je.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Matayo 24:15

Am'omiyo ka wineno gir'amien madwoŋ ma Daniel jatuci wac Were cango oluwo kwoŋe ojengi i Ot pa Were (ŋata soma wac me woŋey dwoŋ mere).

Mariko 13:14

“Wibino neno munyo okethi gir'amien madwoŋ ma kelo lworo kama di kiripi woketh'iye (ŋata soma wac me woniaŋi dwoŋ mere). Gikenyo joma nitie i Yuda joworingi wi gote.

Luka 10:22

“Baba otieko miyan gimoro je; aka ongoye ŋat'oŋeyo Wode kwanyo woko Bamere, kendo ongoye ŋat'oŋeyo Baba kwanyo woko Wode kodi joma Wode oyero nyutho jo Bamere.”

Luka 21:20

“Ka wineno lwak jolweny jothoko Yerusalem, gikenyo wibino ŋeyo nike ilareyo woko go mayot.

Luka 21:24

Ibino neko jo g'abor, t'itero jo paka ŋecin i piny moro je, aka Jopath jobino wotho wi Yerusalem cuka ndir ma dhum pajo orum kicutho.”

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Kitawo mar'abic mapa Musa m'ilwoŋo ni Cik 33:2

Rwoth oluwo wok i Sinai, aka oloro kwoŋ jo wok i Edom, aka omenyo ji pere wok i Got Paran. Jomalaika gana apar oyido jonitie gi go, gi mac maliel i cingi go maracuc.

1 Jothesalonika 3:13

Ameno go wonyali medo win meni i cuny win i leŋo, ŋey wibedi ma bu raco ruwaŋ Were mawan kendo Bawan, ceŋ ma Rwodhiwan Yesu odwok'iye gi ji maleŋ pere je.

Joebulaniya 10:29

Onyo wiparo ni ŋata cayo Wod Were, to tero paka gima sisiri remo ma cikirok pa Were m'oloko go maleŋ, aka miyo Cuny ma kelo nema nge, di ripi gi gir'acula marac loyo didi?

1 Petero 1:12

Were onyutho jotuci wac me ni oyido jokitiy rijo wegi, to riwin, munyo joluwo kwoŋ adieri ma pama wiwinjo. Jomikwenda ma Wac Manyen Maber, ma joluwo i meni pa Cuny Maleŋ mor wok i polo, ama jotito riwin adieri me. Me adieri ma kiri jomalaika je jomito ŋeyo dwoŋ mere.

Yuda 1:14

Enoka, nyakwar Adam ma nyatirtir i luse mar'abirio, cango oluwo kwoŋ jo con ni, “Neni! Rwoth bino gi jopere maleŋ gana gi gana,

Menyirok ri Yohana 11:2

To weyi woko diedipo ma Ot pa Were. Ikir'ipima rupiri meno otiek miyo Jopath, ma jobino nyono Tindi Maleŋ tieko dwe piero aŋwen g'ario.

Menyirok ri Yohana 6:10

Jokoko gi derino madwoŋ ni, “Rwoth Majameni je, maleŋ aka jar'adieri! Kiri keraŋo aka inothum banja ri ji ma piny t'imiyo jo gir'acula ro neko wan?”

Jothum Banja 13:18

Malaika pa Rwoth openjo Manowa ni, “Raŋo ipenjo nyingan, ma kiniaŋere?”