Daniel 8:11 - KITAWO MALEŊ

¹¹ Go otiŋere malo kiri kwoŋ jadhum pa lwak, aka omayo go mic ma cil gi cil aka kabedo ma Kabedo Maleŋ pere omaki.

Daniel 8:11 ပူးပေါင်းရင်းမြစ်များ

Isaya 37:23

Senakerib, ikwoŋan, ikoko ran, t'ipeko waŋin kwoŋan, kwoŋ Were pa Isiraili madwoŋ loyo!

Isaya 37:29

Kwoŋbedo inigi keme kodan, aka nge perin madit otieko tundo i ithan, onyo abino ketho siraget i umin, gi nyweny paran ma lekin i dhokin, to nyaka adwokin, kam'iwok'iye.

Yeremia 48:26

Rwoth waco ni, Miy win Mowab womer, kwoŋbedo go otiŋere malo kwoŋ Rwoth. Weyi Mowab woŋindere i ŋok pere. Go bende lalokere ginyero.

Yeremia 48:42

Ilareyo woko Mowab paka nono, kwoŋbedo go ogwenyere kwoŋ Rwoth.

Ezekiel 46:14

Go bende lamiyo mic ma cemo gine kisi odikin ma kikeŋ. Ripo bedo kilo acel ma moko kodi lita acel ma mo ma nywowo moko, paka mic ma cemo ri Rwoth. Me obedo or ma cil gi cil.

Daniel 11:22

Ilareyo woko kicutho jolweny ruwaŋe aka ilaturo jo kodi wod kere ma cikirok bende.

Daniel 11:31

Jolweny ma wok bonge jolamenyere to jokoco Ot pa Were kodi cel, to jokwanyo woko cowirok awaŋa ma noknok. Jolajengo gimienirok ma kelo kidamba.

Daniel 12:11

“Wok i hongo m'ilakwanyo woko mic awaŋa ma cil gi cil kodi amien ma kelo kidamba, latero ndelo 290.

Daniel 5:23

In itieko tiŋere malo kwoŋ Rwoth ma i polo. Okeli atewe ma Ot pa Were ruwaŋin, aka in, jodhum perin, mon perin, nyithindho perin, kodi mon perin ma thenge wimadh'iye vini. Witieko pako werin ma feza, zahabu, ywel, nyweny, mbawo kodi tele, ma jokinen kosa winji kosa ŋey. To Were ma luya perin nitie i cinge, aka yo perin je nitie i go, ikiworo.

Daniel 7:25

Go laluwo wac madongo kwoŋ Jamalo Swa, to paro wiro hongo kodi cik; aka ilamiyo i cingi go cuka oro gi oro kodi adec oro.

Daniel 8:12

Kwoŋbedo kidakana, omiy go Lwak kanyacel gi mic ma cil gi cil, aka obolo piny adieri, to medo timo maber i gima go otimo.

Daniel 8:24

Go ladongo matek i meni, to ki gi meni pere, go lareyo woko ma kiwacere, aka lakiyindira i gima go timo. Go lareyo woko jomeni kodi ji pa jomaleŋ.

Daniel 8:25

Kwoŋbedo go jabanirok, twodo lapoŋ i cinge kodi i cunye to won tiŋere malo. Go lareyo woko ji kweth ma k'ogwoko jo, aka lapiemo kiri gi Kere maloyo. T'ilaturo go ki gi cingi dhano.

Daniel 9:25

Riameno niaŋ nike wok i hongo m'owodhi or ma dwoko kodi geto kendo Yerusalem tundo i hongo pa ŋat'owir gi mo, Jadhum, latero dibirio ma oro abirio, ilageto kendo Yerusalem gi royin kodi kor ot matek aka lacungo dibirio ma oro piero aucel g'ario; to me labedo hongo ma teko.

Kwan 28:3

Waci rijo ni me mic ma cemo m'owaŋ gi mac ma joripo miyo Rwoth. Wot rombo ario ma jo oro acel ma jongoye gi ŋolo paka mic ma kisi ndelo.

Luka 21:24

Ibino neko jo g'abor, t'itero jo paka ŋecin i piny moro je, aka Jopath jobino wotho wi Yerusalem cuka ndir ma dhum pajo orum kicutho.”

2 Jothesalonika 2:4

Go bino piemo gi gimoro je ma ji jolamo kosa jotero paka were, to won tiŋere malo to jengere i Ot pa Were munyo ŋoyo ni go a Were!

Joebulaniya 2:10

Onwaŋo otire ri Were, m'ocweyo aka kuro gimoro je, miyo Yesu ma telo ji i both, cowo tic no gi candirok, ŋey wote mathoth jowolimi dwoŋ.”

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”