Daniel 7:27 - KITAWO MALEŊ

²⁷ Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Daniel 7:27 ပူးပေါင်းရင်းမြစ်များ

Zabuli 145:13

Ker perin obedo ker ma cil gi cil, aka dhum perin bedo i luse je. Rwoth genere i wac pere je, aka jawor i tim pere je.

Zabuli 22:27

Nonin je jobino poyo Rwoth. Woki i kisi thenge ma piny jobino wire bonge, to jolamo go.

Zabuli 72:11

Kerin je jolakule piny ruwaŋe, nonin je jolatic rigo.

Zabuli 86:9

Nonin je m'icweyo, jolabino to jokule piny ruwaŋin Awi Rwoth, jobino miyo nyingin dwoŋ.

Isaya 14:2

Nonin jolakelo jo i kabedo pajo, aka ot pa Isiraili latero jo i lowo pa Rwoth paka ŋecin ma cwo gi ma mon. Isiraili lamako jono ma cango jomako jo, aka ladhumo jono ma cango jodiyo jo.

Isaya 54:3

Ilayawo kew perin i thenge maracuc gi maracam, ji perin joladwoko i lowo, ma nonin man oyido jobed'iye. Ji jolabedo i tindin ma pama obedo gundin.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 4:34

Munyo oro abirio no orumo, An Nebukadineza, atiŋo waŋan i polo, aka paro paran odwoko bongan. Apako Jamalo Swa, apako t'amiyo go dwoŋ go makwo cil gi cil; kole dhum pere obedo dhum ma cil gi cil, aka ker pere yindira wok i luse tundo i luse.

Daniel 6:26

Amiyo or ni, i kisi adec ma ker paran, ji joripo kirin kodi lworo Were pa Daniel.” “Kole go obedo Were mar'adieri makwo, go kiwire cil gi cil, ker pere kilarere, aka dhum pere ongoye gike.

Daniel 7:14

Ri go omiy dhum, dwoŋ, kodi ker, ŋey ji je, nonin je, kodi dhodhok je jowotiy rigo. Dhum pere obedo dhum ma cil gi cil, ma kilarumo, aka ker pere kilarere.

Daniel 7:18

To jomaleŋ pa Were ma Jamalo Swa jolatero ker, to jodhumo cil gi cil, makicutho.

Daniel 7:22

cuka Ŋatacene obino, t'ithumo banja ri jomaleŋ pa Jamalo Swa, to hongo tundo ma jomaleŋ jodhumo.

Obadia 1:21

Cwo ma jotieko loyo i Yerusalem, jobino monjo Edom to jodhumo. Aka Rwoth won bino bedo kere.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Luka 1:33

Go bino dhumo nyikway Yakobo cil gi cil aka Ker pere bino ngoye gike.”

Yohana 12:34

Lwak ji odwoko ni, “Kole Cik mawan waco ni Kristo bino kwo cil gi cil. To idoko iwaco ni Wod Dhano iripo tiŋo malo nedi? Wod Dhano no a ŋa?”

1 Jokorintho 15:24

Gikenyo, gike bino tundo; Kristo bino reyo woko adhum je, gi dwoŋ, kodi meni je, to kodo ker ri Were Bawan.

Menyirok ri Yohana 11:1

Gikenyo omiyan midole ma kipima, ma cale bol toŋ, t'iwaco ran ni, “Ay malo ipima Ot pa Were kodi migam, t'ikwano joma lamo Were i iye.

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”

Menyirok ri Yohana 19:16

I nanga pere kodi i bat mere ondiki nyinge me: “Kere pa kerin, Rwoth pa rwodhe je.”

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.

Menyirok ri Yohana 22:5

Colo ma wor odoko kilabedo, aka jokibino yenyo lero ma tala kosa lero ma waŋceŋ, Rwoth Were won ama bino bedo lero pajo, aka jobino dhumo cil gi cil.