Daniel 7:25 - KITAWO MALEŊ

²⁵ Go laluwo wac madongo kwoŋ Jamalo Swa, to paro wiro hongo kodi cik; aka ilamiyo i cingi go cuka oro gi oro kodi adec oro.

Daniel 7:25 ပူးပေါင်းရင်းမြစ်များ

Isaya 37:23

Senakerib, ikwoŋan, ikoko ran, t'ipeko waŋin kwoŋan, kwoŋ Were pa Isiraili madwoŋ loyo!

Daniel 11:28

Aka go lagik i piny pere won gi lim madwoŋ, t'adundo pere lajengere kwoŋ cikirok maleŋ. Go latimo mito pere, to gik i piny pere won.

Daniel 12:7

Jacwo m'oyido oruko nanga mafoth orieyo cinge maracuc kodi maracam malo yupolo. Awinjo munyo go kwoŋere i nyingi ŋata kwo cil gi cil, ka waco ni; dicel, dirio, g'adec, tekin go cowo kedho meni pa jomaleŋ, gime je latundo i kare.

Daniel 2:21

Go wiro hongo kodi ndir, kwanyo woko kerin aka ketho man, miyo rieko ri jomariek, kodi ŋeyo ri joma niaŋ.

Daniel 3:26

Nebukadineza ocore cegin dho dhok mac m'okur to lwoŋo: Sadirak, Misaki, kodi Abedinego, ŋecin pa Were ma Jamalo Swa, wok win, aka biye win ka! Ameno jowok i mac.

Daniel 4:17

Me obedo or pa jakur maleŋ, ŋey jomakwo je jowoŋey nike Jamalo Swa dhumo ji je, aka nike go miyo dhum ri ŋata go oyero kiri jono ma josisiri.”

Daniel 4:2

Awinjo gi kisangala nyutho gir'aura, kodi ranyuth ma Were Ma Jamalo Swa otieko timo ran.

Daniel 4:25

Ilakwanyin woko i dier ji, aka ilakwo i dier ogwaŋe madudi. Ilamiyin camo lum paka megikwe, iladhiekere gi thoyo ma polo ma oro abirio cuka inoŋey nike Jamalo Swa dhumo ker pa ji aka nike go miyo dhum ri ŋata go yero.

Daniel 4:32

Ilakwanyin woko wok i dier ji aka ilabedo g'ogwaŋe madudi. Ilamiyin camo lum paka megikwe ma oro abirio cuka inoŋey nike Jamalo swa dhumo ker pa ji aka nike go miyo dhum ri ŋata go yero.”

Daniel 7:18

To jomaleŋ pa Were ma Jamalo Swa jolatero ker, to jodhumo cil gi cil, makicutho.

Daniel 7:20

kodi tunge aŋwen m'oyido nitie i wic mere, kodi m'owok mathin, rumacen ma tunge adek fudhirok, tunge m'oyido nitie gi waŋe, kodi dhoke m'oluwo gigipiny madongo, ma cal mere oyido loyo wadi.

Daniel 7:8

Munyo fodi aparo kwoŋ tunge, tungi man mathin owok, aka mafodi k'owoki tunge marapena adek ofudhere gi fuce mere. I tunge mathin me, oyido nitie waŋ jo ma cal waŋ dhano, gi dhok jo ma luwo gigipiny madongo.

Daniel 8:11

Go otiŋere malo kiri kwoŋ jadhum pa lwak, aka omayo go mic ma cil gi cil aka kabedo ma Kabedo Maleŋ pere omaki.

Daniel 8:14

Go odwokan ni, “Ma ndelo 2,300 wor kodi odikin, aka Kabedo Maleŋ me lagik i kare.”

Daniel 8:9

Wok i tungi acel kwoŋ jo, owok tungi mathin, m'odongo madwoŋ swa yupiny kodi yuwok ceŋ, kodi yu lowo maŋon.

Daniel 9:27

Go latimo cikirok matek gi ji kweth ma oro abirio, aka iy'adec ma oro me go lakelo gike ma cowirok kodi mic. I kabedo pajo ilaketho amien ma reyo woko, cuka tundo hongo ma Were lareyo woko ŋata reyo woko.”

Hoseya 7:16

Jogik bongi Bal; jotieko lokere paka asere m'ongoye kony; wot kerin pajo abor laneko jo, kwoŋbedo gero kodi ngoye gi wor ma lew jo. Me labedo nyero pajo ma twodo i piny ma Misir.

2 Jothesalonika 2:3

Wikiri wiyeyi nyatoro womiŋi win i royo moro je, rupiri Ndelo no k'otundi cuka gwenyirok obedi, to Jal ma kilwor cik nenere.

2 Jothesalonika 2:4

Go bino piemo gi gimoro je ma ji jolamo kosa jotero paka were, to won tiŋere malo to jengere i Ot pa Were munyo ŋoyo ni go a Were!

2 Jothesalonika 2:8

Gikenyo nyaka Jal ma kilwor cik bino nenere, ma Rwoth Yesu bino neko woko gi luya ma dhoke, to reyo go woko gi menyirok madwoŋ pere munyo dwoko.

Menyirok ri Yohana 12:14

Dhako no omiy bwombe ario mapa ango madongo ŋey woay wokidhi i kabedo m'oyik rigo i thim kam'ibino kur'iye go cowo oro adek g'adec, ma thwol no kinyal monj'iye go.

Menyirok ri Yohana 12:6

Gikenyo dhako no oringo i thim; Were oyido oyiko rigo kabedo kenyo, kam'ibino kur'iye go cowo hongo ma ndelo gana acel miya ario gi piero aucel.

Menyirok ri Yohana 14:12

Meno am'omiyo ji pa Were joripo bedo gi ciro, paka joma winjo or pa Were aka jonitie gi genirok bongi Yesu.

Menyirok ri Yohana 16:6

Rupiri jooyo remo pa ji maleŋ kodi apa jotuci wac Were, imiyo jo madho remo, meno ripo gi jo!”

Menyirok ri Yohana 17:6

Aka aneno ni dhako no oyido omer gi remo pa ji maleŋ pa Were, kodi remo pa jom'onek rupiri jocwire kwoŋ Yesu. Munyo aneno go, adhier swa.

Menyirok ri Yohana 18:24

Ato kwoŋ go ama remo pa jotuci wac Were kodi apa ji maleŋ kodi apa ji je m'oneki i piny onwaŋer'iye.