Daniel 7:20 - KITAWO MALEŊ

²⁰ kodi tunge aŋwen m'oyido nitie i wic mere, kodi m'owok mathin, rumacen ma tunge adek fudhirok, tunge m'oyido nitie gi waŋe, kodi dhoke m'oluwo gigipiny madongo, ma cal mere oyido loyo wadi.

Daniel 7:20 ပူးပေါင်းရင်းမြစ်များ

Daniel 7:11

Aŋiyo munyo awinjo derino ma wac ma tungi oluwo, aka paka aŋiyo oneki ogwaŋ t'ibolo delkwoŋe i mac maliel.

Daniel 7:19

Kenyo amito ni aŋey adieri ma mako kwoŋ ogwaŋ mar'aŋwen, m'oyido opokere kwoŋ wadi, ma kelo lworo swa, m'oyido nitie gi lake ma nyweny, gi lwet cinge ma ywel, m'ocamo, oturo mathindho thindho, to nyono ŋinjeŋinje gi tiende;

Daniel 7:21

Paka aŋiyo, tunge me olwenyo gi jomaleŋ to loyo jo,

Daniel 7:23

Me gima go owaco: Ogwaŋ mar'aŋwen labedo ker mar'aŋwen i piny, ma lapokere kwoŋ ker je, aka lacamo piny gibe, lanyono piny, to turo mathindho thindho.

Daniel 7:7

Aneno i menyirok wor, aka neni, bulir mar'aŋwen, ma bwoko jo, ma ragaŋ, aka tek swa, oyido nitie gi lake ma nyweny aka oyido camo to ŋinyo woko mathindho thindho, ka nyono ŋinjeŋinje gi tiende. Go oyido opokere kwoŋ ogwaŋe m'atelo neno je aka oyido nitie gi tunge apar.

Daniel 7:8

Munyo fodi aparo kwoŋ tunge, tungi man mathin owok, aka mafodi k'owoki tunge marapena adek ofudhere gi fuce mere. I tunge mathin me, oyido nitie waŋ jo ma cal waŋ dhano, gi dhok jo ma luwo gigipiny madongo.

Menyirok ri Yohana 12:3

Ranyuth man onenere i polo ma bulir m'ombo m'obokere gi wic abirio kodi tunge apar, kodi sangaria i wiye abirio je.