14 Ri go omiy dhum, dwoŋ, kodi ker, ŋey ji je, nonin je, kodi dhodhok je jowotiy rigo. Dhum pere obedo dhum ma cil gi cil, ma kilarumo, aka ker pere kilarere.
Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.
Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.
Kenyo nyweny, lowo nyamasiga, ywel, feza, kodi zahabu joŋinyere mathindho thindho to jolokere paka cuŋ i kisia ma hongo ma ceŋ. Koyo okudho jo woko ma k'oweyo bathi jo. To tele m'ogoyo cal no olokere got madwoŋ aka opoŋo piny gibe.”
I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;
Amiyo or ni, i kisi adec ma ker paran, ji joripo kirin kodi lworo Were pa Daniel.” “Kole go obedo Were mar'adieri makwo, go kiwire cil gi cil, ker pere kilarere, aka dhum pere ongoye gike.
Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.
Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”
Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”