Daniel 7:13 - KITAWO MALEŊ

¹³ Aneno i menyirok wor, neni, ŋata cale Wod Dhano obino gi pondeponde wok i polo bongi Ŋatacene t'ikelo go ruwaŋe.

Daniel 7:13 ပူးပေါင်းရင်းမြစ်များ

Zabuli 110:2

Rwoth dhiro wok i Zayon, luth perin matek. Dhumo i dier jokwor perin!

Zabuli 2:8

Kwayan, aka abino miyin lunjo piny je, kisi thengi piny bino bedo aperin.

Zabuli 47:5

Were otieko kadho malo i kom pere ma dhum. Nitie koko ma siem gi dwondi gwara, kareno Rwoth kadho malo.

Yeremia 49:19

Paka simbwor ma wok i lul m'oyukino i thengi Yordan kadho i kakwath, ameno apaka alariemo woko Joedom wok i kakwath pajo abwap. Kenyo alayero jatel rijo. Onyo ŋa ma cal Rwoth, aka ŋa manyalo comirok kodi go? Jakwath mene manyalo cungo ruwaŋe?

Ezekiel 1:26

I wi pi m'omakere matek i wi jo, oyido nitie gima cale kom ma dhum, paka gima cale tele ma pilin, aka i wi kom ma dhum oyido nitie gima cale dhano.

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 7:12

Paka ri ogwaŋ m'odoŋ, omay jo woko dhum pajo, to imedo kwo pajo ma hongo gi hongo.

Daniel 7:2

Daniel oluwo ka waco ni: Aneno i menyirok paran wor, aka neni, koyo aŋwen ma i polo joyengo nam madwoŋ.

Daniel 7:22

cuka Ŋatacene obino, t'ithumo banja ri jomaleŋ pa Jamalo Swa, to hongo tundo ma jomaleŋ jodhumo.

Daniel 7:9

Paka agawo, okethi kombere ma dhum aka Ŋatacene obed'iye, ma law pere oyido tar paka tor, aka yer wiye oyido cal gi pien rombo, kom pere ma dhum oyido cal mac maliel aka tiende oyido cal mac ma waŋo jo.

Daniel 8:15

Munyo an, Daniel atieko neno menyirok, atemo niaŋ kwoŋe; kenyo aneno cal pa dhano m'ocungo ruwaŋan.

Matayo 13:41

Wod Dhano bino oro jomalaika bino coko wok i ker pere gimoro je ma miyo ji timo gimarac, kodi joreco je,

Matayo 24:30

I hongo no, nyaka ranyuth pa Wod Dhano bino nenere i polo, aka nonin je ma piny jobino ywak, aka jobino neno Wod Dhano ka dwoko i pondeponde ma polo gi meni kodi dwoŋ m'oasere;

Matayo 25:31

“Ka Wod Dhano dwoko gi dwoŋ pere, kodi jomalaika pere je, go bino bedo wi kom pere ma dhum.

Matayo 26:64

Yesu odwoko go ni, “Ato eno iwaco. To awaco riwin ni rumacen wibino neno Wod Dhano munyo obedo yu cingi Jameni je maracuc, odoko wibino neno ka bino i pondeponde ma polo.”

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Matayo 8:20

Yesu odwoko go ni, “Kibwe jonitie gi kero pajo, aka winyin bende jonitie gi od gin, to Wod Dhano ongoye kodi kama go othen'iye wiye.”

Mariko 13:26

Gikenyo Wod Dhano bino nenere munyo bino i pondeponde gi meni m'oasere kanyacel gi dwoŋ.

Luka 21:27

Gikenyo nyaka ji jobino neno Wod Dhano munyo loro wi pondeponde gi meni kodi dwoŋ m'oasere.

Luka 21:36

Kendo kure win aka wikway noknok nike wibedi gi meni ma ciro gigipiny ma bino timere me je to wicungo i nyim Wod Dhano.”

Luka 24:27

Yesu otito rijo gima Ndiko Maleŋ oluwo kwoŋe cako kwoŋ kitawin pa Musa tundo i ndiko pa jotuci wac Were je.

Yohana 12:34

Lwak ji odwoko ni, “Kole Cik mawan waco ni Kristo bino kwo cil gi cil. To idoko iwaco ni Wod Dhano iripo tiŋo malo nedi? Wod Dhano no a ŋa?”

Yohana 3:13

Aka ongoye moro m'otieko kidho i polo kwanyo woko Wod Dhano m'obino i piny wok i polo.”

Yohana 5:27

Aka go otieko miyo Wode meni ma thumo banja, rupiri go obedo Wod Dhano.

Tim pa Jomoor 7:56

Aka owaco ni: “Neni! Eno aneno polo oyawere aka Wod Dhano ocungo yuracuc pa Were!”

1 Jothesalonika 4:17

aka ŋey ibino coko wan ma wakwo i hongo no, kanyacel gi jo i pondeponde kidho romo gi Rwoth i hongo malo. Ameno wabino bedo gi Rwoth ndir je.

1 Timothe 6:16

Go kende ama kitho, go bedo i lero ma moro kinyal core cegin gine. Ongoye ŋata fodi oneno go, odoko ongoye ŋata nyalo neno go. Ri go dwoŋ wobedi kodi meni ma cil gi cil. Ameno.

Joebulaniya 2:14

Paka nyithindho obedo ma del gi remo, Yesu bende olokere paka jo i del, aka nyaka i tho pere worey woko jwogi, manitie gi meni kwoŋ tho,

Joebulaniya 9:24

Ato Kristo k'odonjo i Kabedo Maleŋ ma ji ama jotimo, m'obedo nyaka cal pa kabedo mar'adieri mere. Go odonjo i polo won kama go pama ocung'iye riwan ruwaŋ Were.

Menyirok ri Yohana 1:13

aka i dier gigipiny no, aneno ŋati m'ocalo Wod Dhano, m'oruko kanzu mabor to karo i kore del ma zahabu.

Menyirok ri Yohana 1:18

onwaŋo atho, to neni, onyo akwo cil gi cil. Anitie gi meni kwoŋ tho kodi piny pa jom'otho je.

Menyirok ri Yohana 1:7

Panen, go eno bino gi pondeponde! Aka kisi waŋ dhano bino neno go, kiri joma jocwowo go je. Ji je ma piny jobino ywak kwoŋbedo go. Apaka bino bedo! Ameno.

Menyirok ri Yohana 14:14

Gikenyo t'aneno ruwaŋan oyido nitie pondeponde matar, aka wi pondeponde no onwaŋo nitie nyatoro m'obedo piny m'ocalo gi Wod Dhano, gi sangaria ma zahabu i wiye kodi pala nyangoda mabith i cinge.