Daniel 7:1 - KITAWO MALEŊ

¹ I oro marapena ma dhum pa Kere Belsazar ma Babilon, Daniel oneno menyirok to leko munyo go nindo i kanindo pere. Go ondiko lek kodi gima go oneno me:

Daniel 7:1 ပူးပေါင်းရင်းမြစ်များ

Cakirok 15:1

Rumacen ma gigipiny me, wac pa Rwoth obino ri Abram i menyirok ni, “Ikir'ilwor Abram, abedo kwot perin, kemba perin bino bedo madwoŋ.”

Cakirok 46:2

Were oluwo gi go i menyirok wor, aka owaco ni, “Yakobo, Yakobo!” Yakobo odwoko ni, “Ey, an e.”

Yobu 4:13

I dier paro ma menyirok wor, ka nindo mapek okwalo ji,

Isaya 30:8

Rwoth owaco ran ni, Kadhi pama, indiki ruwaŋ jo i tele mapando, indiki i kitawo, ŋey wobedi kiri i hongo ma bino ma cil gi cil.

Isaya 8:1

Kenyo Rwoth owaco ran ni, “Kwany tele mapando aka indik'iye gi nyikuta madongo ni, ‘Apa Maher Salal Hasbaz.’

Yeremia 23:28

Weyi jotuci wac Were manitie gi lek wowaci, to weyi ŋata nitie gi wac paran woluwi wac paran ma k'onyeko. Bero aŋo ma kanja nitie gine k'opima gi ŋano? Rwoth penjo.

Yeremia 27:7

Nonin je jolatic rigo, ri wote kodi nyikwaye cuka hongo ma ker pere won opodh'iye, nyaka to nonin man kodi kerin madongo joloko go ŋeca pajo.

Yeremia 36:32

Kenyo Yeremia okwanyo kitawo man aka omiyo jandiko Baruk wod pa Neria, m'ondik'iye wac je m'oyido nitie i papila ma kere Yehoyakim owaŋo i mac, munyo Yeremia duma, kodi wac man bende ma cal gine.

Yeremia 36:4

Yeremia olwoŋo Baruk wod pa Neria, aka Baruk ondiko i kitawo kareno Yeremia duma rigo wac je ma Rwoth oyido owaco rigo.

Ezekiel 1:1

K'abic ma dwe mar'aŋwen ma oro piero adek, kareno anitie i dier jotwec i thengi malawa Kebar, polo oyawere, aka aneno menyirok pa Were.

Ezekiel 40:2

Go okelan i menyirok pa Were, i piny ma Isiraili, to jengan piny wi got mabor swa, m'oyido nitie iye gim'otim ma cal tindi madwoŋ yuthenge ma yupiny.

Daniel 1:17

Were omiyo yac aŋwen me bedo gi ŋeyo, niaŋ ndiko je kodi rieko. Daniel oyido nitie gi niaŋ kwoŋ menyirok je kodi lek.

Daniel 2:1

I oro mar'ario ma dhum pa Nebukadineza, Nebukadineza oleko lek m'ocando cuny go to waro kwoŋe nindo.

Daniel 2:26

Kere odwoko ka penjo Daniel, m'oyido ilwoŋo ni Beltesazar ni, “Inyalo waco ran lek m'aleko kodi dwoŋ mere?”

Daniel 4:13

Paka amedere ŋiyo, i menyirok paran i kanindo aneno jakur maleŋ oloro piny wok i polo.

Daniel 4:5

Aleko lek m'obwokan swa; aka paro kodi menyirok m'obino ran i kanindo ocandan.

Daniel 5:1

Kere Belsazar otimo kalima madwoŋ ri jodhum pere gana aka omadho vini ruwaŋ jo.

Daniel 5:22

To in wode, Belsazar, ikimwole i cunyin, makada nende oyido iŋeyo gime je.

Daniel 5:30

Wor no won oneki Belsazar, kere pa Jokaldin.

Daniel 7:13

Aneno i menyirok wor, neni, ŋata cale Wod Dhano obino gi pondeponde wok i polo bongi Ŋatacene t'ikelo go ruwaŋe.

Daniel 7:15

An Daniel, cunyan oraman, aka menyirok me ocando paro paran.

Daniel 7:7

Aneno i menyirok wor, aka neni, bulir mar'aŋwen, ma bwoko jo, ma ragaŋ, aka tek swa, oyido nitie gi lake ma nyweny aka oyido camo to ŋinyo woko mathindho thindho, ka nyono ŋinjeŋinje gi tiende. Go oyido opokere kwoŋ ogwaŋe m'atelo neno je aka oyido nitie gi tunge apar.

Daniel 8:1

I oro mar'adek ma dhum pa Kere Belsazar, an Daniel aneno menyirok man, rumacen munyo atieko neno marapena.

Yowel 2:28

Rumacen, alakonjo cuny paran kwoŋ dhano je; wot win kodi nyiki win jolatuco wac Were, cwo mewin ma jotegino jolaleko lek, aka yac mewin jolaneno menyirok.

Amos 3:7

Adieri Rwoth kitim gimoro, ma k'onyutho nyaliŋliŋ pere, ri ŋecin pere jotuci wac Were.

Habakuk 2:2

Rwoth odwokan to waco ni: Ndiki piny menyirok; ithangi i telin, ŋey ŋat'osoma woŋweci.

Kwan 12:6

To waco rijo ni, “Mondo winji win wac paran: Ka nitie jatuci wac Were i dier win, An a Rwoth, amiyo ŋeyirok paran rijo i menyirok; aluwo gi jo i lek.

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

2 Jokorintho 12:1

Aripo medo yumirok kada kikel bero moro. Onyo pama abino luwo kwoŋ cal ma menyere kodi menyirok ma Wac ma Rwoth omiyan.

Menyirok ri Yohana 1:19

Am'omiyo, ndiki gim'ineno, ma pama kodi ma bino timere rumacen.

Menyirok ri Yohana 10:4

Tekin joluwo, onwaŋo acegin ndiko, t'awinjo dwondi nyatoro m'oluwo i polo ni, “Liŋi kodi gima lithkoth abirio jowaco; ikir'indiki!”