Daniel 6:22 - KITAWO MALEŊ

²² Were paran ooro malaika pere m'ocego dhok simbwore, aka jok'omiyan litho, kwoŋbedo abu banja ruwaŋ go kodi ruwaŋin, awi kere, angoye gi komo.”

Daniel 6:22 ပူးပေါင်းရင်းမြစ်များ

Cakirok 40:15

Rupiri okwalan adieri wok i piny pa Joebulaniya, aka kiri ka, ongoye gim'atimo ma ripo wokethan i jiera.”

2 Samwiri 22:7

I kidamba paran alwoŋo Rwoth, alwoŋo Were paran wokonyan. I ot pere owinjo dwondan, aka ywak paran owinjere i ithe.

1 Kerin 13:28

aka go okidho to nwaŋo delkwoŋ jatuci wac Were oriere i yo, gi punda kodi simbwor fodi jocungo kenyo. Simbwor oyido k'ocamo del kosa omonjo punda.

2 Kigana kwoŋ Kerin 32:21

To Rwoth dhiro malaika m'oneko jolweny ma jomeni, jomituka gi jotel i kambi pa kere ma Asiria. Ameno to kere dok i piny pere giwickwot ruwaŋe. Aka munyo odonjo i ot pa were pere, to acel kwoŋ wote rwadho go piny kenyo g'abor.

Zabuli 118:28

Ibedo Were paran, abino miyin foyo. Ibedo Were paran, abino waco dwoŋ perin.

Zabuli 26:6

Rwoth, alwoko cingan ma nyutho ni abu banja, aka aŋanjo kareno alamo thoko migam perin.

Zabuli 31:14

To, aketho geno paran kwoŋin, Awi Rwoth, ibedo Were paran.

Zabuli 34:7

Malaika pa Rwoth thoko jono ma jolworo go, to botho jo kwoŋ teko.

Zabuli 38:21

Ikir'ijwangan, Awi Rwoth, ikir'ibedi bor, Were paran.

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Isaya 3:10

Waci ri ŋata timo gim'otire ni, lakadho maber gi jo, kole jolacamo ranyak ma tim pajo.

Isaya 63:9

I litho pajo je, go olimo litho, to malaika pere botho jo. I mar pere gi wor pere, go obotho jo, otiŋo jo malo to rendo joje i hongo macene.

Yeremia 37:18

Yeremia bende openjo kere ni, “Raco aŋo m'atieko timo rin kosa jodhum perin kosa ji me, ma witweyan i katwec?

Daniel 3:28

Nebukadineza owaco ni, “Were pa Sadirak, Misaki kodi Abedinego wopak, m'ooro malaika pere botho ŋecin pere ma jogeno i go. Jokwero luwo or pa kere to jojwango delkwoŋ jo makiweno lamo were man je kwanyo woko Were pajo won.”

Daniel 6:20

Munyo kere otundo i od simbwore, oywaki gi geregere ri Daniel ni, “Daniel, ŋeca pa Were makwo, Were perin m'ikwayo noknok onyalo bothin kwoŋ simbwore?”

Daniel 6:23

Kere osangala swa ri Daniel, aka omiyo or nike wofudhi Daniel wok i od simbwore. Ameno ofudhi Daniel aka ongoye adhola m'onwaŋ kwoŋe, kwoŋbedo Were obotho go.

Daniel 6:4

Ameno jodongo kodi jodhum jorango nger ma nwaŋo kiŋunyaŋunya kwoŋ Daniel i gigipiny manyaker, to jok'onyalo nwaŋo kiŋunyaŋunya kosa komo i go; kole Daniel oyido timo adieri aka oyido ongoye gi komo kosa banirok.

Daniel 6:7

Jodongo je ma ker me, jogavana, jodhum, jomic rieko kodi jotel, jotieko miyirok rieko ketho cik manyaker, kodi gima ridho nike ŋat'okway were mogo je kosa dhano ma ndelo piero adek, kwanyowoko in, Awi kere, wobol go i od simbwore.

Mika 7:7

To ri an, abino ŋiyo bongi Rwoth, abino kuro Were ma bino bothan; Were paran bino winjan.

Kwan 20:16

aka munyo waywak ri Rwoth, go owinjo dwondi wan, to dhiro malaika to fudho wan woko ma Misir; aka onyo ee wanitie ka i Kades, tindi madwoŋ ma thengi adec perin.

Matayo 27:46

Dho kapa sawa abuŋwen, Yesu okoko gi derino madwoŋ ni, “Eli, Eli, lama sabac than?” Madwoŋ mere ni, “Were paran, Were paran, ijwangan raŋo?”

Tim pa Jomoor 12:11

Gikenyo Petero nyaka oniaŋ kwoŋ gim'owok timirok rigo, to waco ni, “Nyaka onyo aŋeyo ni gime obedo adieri! Rwoth ooro malaika pere wobothan kwoŋ meni pa Herode kodi kwoŋ gigipiny je ma Joyuda oyido jocano timo ran.”

Tim pa Jomoor 24:16

Am'omiyo atemo paka anyalo ndelo je bedo gi paro m'otire ruwaŋ Were kodi ji.”

Tim pa Jomoor 27:23

rupiri nende wor malaika pa Were ma an alamo aka abedo apere obino bongan,

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

2 Timothe 4:17

To Rwoth obedo kodan aka omiyan meni, am'omiyo anyalo tuco mikwenda je ri Jopath jowowinji. Aka obothan i laki Simbwor.

Joebulaniya 1:14

Jomalaika meno ki cuny ma jotiyo ri Were, ma go ooro konyo joma jobino limo both?

Joebulaniya 11:33

Yeyo omiyo jolwenyo gi piny pa jowiloka m'omore to joloyo lweny. Jotimo gim'otire to jolimo gima Were ociko jo; joculo kiri dhok simbwor,

1 Samwiri 17:37

Rwoth otieko bothan wok i laki simbwore gi arare, go bino bothan wok i cingi Jafilistia me.” Saulo odwoko Daudi ni, “Kadhi ilweny gi go, aka Rwoth obedi kodin.”

1 Samwiri 26:18

Daudi omedere waco ni, “Raŋo fodi idwaro ŋeca perin jadwoŋ? Aŋo m'atimo? Aŋo marac m'atimo?