Daniel 5:4 - KITAWO MALEŊ

⁴ Jomadho vini ka jopako werin m'otimi gi zahabu, feza, ywel, nyweny, mbawo, kodi tele.

Daniel 5:4 ပူးပေါင်းရင်းမြစ်များ

1 Kerin 1:49

Kenyo wendo pa Adoniya jokirin, aka joay, to kisi nyatoro kadho i yo pere.

Isaya 42:17

Ilawiro jo aŋey t'iketho jo i wickwot kicutho, jono ma jogeno cal makicar m'opay, ma jowaco ri cal makicar m'oleny ni, “Wibedo werin mawan.”

Isaya 42:8

An abedo Rwoth, meno nyingan; dwoŋ paran akimiy ŋatiman, kosa pak paran ri cal m'ogor.

Daniel 1:8

To Daniel obedo g'atoŋa i cunye ma kwero kocirok gi camo cemo kodi madho vini pa kere. Ameno okwayo jatel ma muluwir ŋey wokiri wokocere.

Daniel 4:37

Onyo an, Nebukadineza, apako aka atiŋo malo Kere ma i polo, Kole tim pere obedo adieri, yo pere obedo tiro, aka jono ma jowotho i noro, go nyalo dwoko jo piny.

Daniel 5:23

In itieko tiŋere malo kwoŋ Rwoth ma i polo. Okeli atewe ma Ot pa Were ruwaŋin, aka in, jodhum perin, mon perin, nyithindho perin, kodi mon perin ma thenge wimadh'iye vini. Witieko pako werin ma feza, zahabu, ywel, nyweny, mbawo kodi tele, ma jokinen kosa winji kosa ŋey. To Were ma luya perin nitie i cinge, aka yo perin je nitie i go, ikiworo.

Daniel 5:3

Ameno owodhi atewe ma zahabu kodi ma feza m'oyido okwany wok i Ot pa Were i Yerusalem, aka kere, jodhum pere, mon pere, nyithindho pere kodi mon pere ma thenge jowomedh'iye.

Daniel 5:5

Piyo piyo lwet cingi dhano oneno to cako ndiko i kor ot ma peco pa kere cegin gi raŋaw. Kere oneno cingi jo no paka ondiko.

Amos 6:7

Riameno wiŋati wilabedo marapena bedo jowiloka, aka kalima mewin bino tundo i gike.

Habakuk 2:19

Kidamba ri ŋata waco ri mbawo ni, “Cew!” Gi ri tele m'obadha ni, “Tiŋere malo!” Go lafonjo! Neni, oum gi zahabu gi feza m'oum, aka ongoye luya mogo je i iye kada mathi.

Tim pa Jomoor 17:29

Onyo paka wabedo nyithindho pa Were, wakiri wapar ni Were cale kodi zahabu, kosa feza, kosa tele ma dhano ama won othedho gi rieko kodi ndijo pere.