Daniel 5:3 - KITAWO MALEŊ

³ Ameno owodhi atewe ma zahabu kodi ma feza m'oyido okwany wok i Ot pa Were i Yerusalem, aka kere, jodhum pere, mon pere, nyithindho pere kodi mon pere ma thenge jowomedh'iye.

Daniel 5:3 ပူးပေါင်းရင်းမြစ်များ

2 Kigana kwoŋ Kerin 36:18

Kere ma Babilon onyaga Ot pa Were, lim mere kodi lim pa kere kodi jodhum pere, aka otero je i Babilon.

Isaya 5:14

Riameno piny pa jom'otho kec neko rijo, aka oyawo dhoke malac, mwonyo jodhum ma Yerusalem, kanyacel gi ji ma kisi ndelo, lwak ji pere gi jono je ma yodere gine.

Yeremia 50:28

Winji, jowiloka kodi ji ma jokwale wok i Babilon jobino tuco i Zayon culo kwor pa Rwoth Were mawan ri gima Jobabilon jotimo ri ot pere.

Daniel 5:2

Belsazar omiyo or i wi math nike wokel atewe ma zahabu kodi ma feza ma bamere Kere Nebukadineza okwanyo wok i Ot pa Were i Yerusalem, ŋey go, jodhum pere, mon pere, nyithindho pere kodi mon pere ma thenge jowomedh'iye.

Daniel 5:23

In itieko tiŋere malo kwoŋ Rwoth ma i polo. Okeli atewe ma Ot pa Were ruwaŋin, aka in, jodhum perin, mon perin, nyithindho perin, kodi mon perin ma thenge wimadh'iye vini. Witieko pako werin ma feza, zahabu, ywel, nyweny, mbawo kodi tele, ma jokinen kosa winji kosa ŋey. To Were ma luya perin nitie i cinge, aka yo perin je nitie i go, ikiworo.

Daniel 5:4

Jomadho vini ka jopako werin m'otimi gi zahabu, feza, ywel, nyweny, mbawo, kodi tele.

Hoseya 2:8

Go k'oŋeyo ni oyido obedo An ma miyo go kodhi cemo, vini, kodi mo, kodi ŋat'oywoyo kwoŋe feza kweth, kodi zahabu ma jooro ri Bal.

Habakuk 1:11

Kenyo joyweyo paka koyo; joturo cik to jolokere jobanja; meni pajo won obedo were pajo!

Malaki 1:12

To wibwono nyingan ka wiwaco ni meza pa Rwoth koc aka ka wimiyo mic ma cemo manyinge wibwono.

1 Jothesalonika 5:3

Munyo ji jowaco ni, “Siem nitie aka gimoro je oliŋ.” Gikenyo abwap to rerok tundo rijo. Bino cale gi litho ma dhako winjo munyo cegin nywol, aka jok'obudhere be!

Jothum Banja 19:1

Obedo i hongo no, munyo kere oyido ongoye i Isiraili, aka obedo jal moro ma Jalevi, m'oyido lera iy'adec ma kakende ma piny matendere Efrayim, onywomo malaya ma wok i Bethelehem i Yuda.