Daniel 5:23 - KITAWO MALEŊ

²³ In itieko tiŋere malo kwoŋ Rwoth ma i polo. Okeli atewe ma Ot pa Were ruwaŋin, aka in, jodhum perin, mon perin, nyithindho perin, kodi mon perin ma thenge wimadh'iye vini. Witieko pako werin ma feza, zahabu, ywel, nyweny, mbawo kodi tele, ma jokinen kosa winji kosa ŋey. To Were ma luya perin nitie i cinge, aka yo perin je nitie i go, ikiworo.

Daniel 5:23 ပူးပေါင်းရင်းမြစ်များ

Cakirok 14:19

omiyo go silwany, aka owaco ni, “Weyi Were Madwoŋ Maloyo, m'ocweyo polo gi piny womiy Abram silwany

Cakirok 2:7

Kenyo Rwoth Were okwanyo lowo moro wok piny to cweyo jacwo, to ywe i ume luya ma kwo to jacwo bedo gi kwo.

2 Kerin 14:10

Onyo Amaziya, ikengila Joedom, aka ipoŋ gi noro. Yeŋ gi dwoŋ perin aka ibedi peco. Raŋo irango teko ŋey ipodhi, in kodi Yuda kanyacel?”

Yobu 12:10

Kwo pa kisi gimoro je makwo nitie i cingi go, kanyacel gi luya pa dhano.

Yobu 31:4

Were oŋeyo yo paran, aka go neno woth paran je.

Zabuli 104:29

K'ipano waŋin, jobwok; k'ikwanyo woko luya pajo, jotho, aka jogik i fukefuke ma jowok'iye.

Zabuli 115:16

Polo obedo apa Rwoth kende, to omiyo wot cwo piny.

Zabuli 139:3

Imenyo woth paran gi k'anindo, aka iŋeyo tim paran je.

Zabuli 146:4

K'omay luya to dok i piny pere; i ndelo no won, can pere je sika woko.

Agecin 20:24

Rwoth ama telo woth mawan, onyo walaniaŋ nedi yo mawan wegi?

Isaya 13:11

Alamiyo piny gir'acula ro reco pere, gi jokidakana ro reco pajo; alamwolo noro pa jogero, t'adwoko piny kwoto pa jomaker.

Isaya 14:13

Iwaco i cunyin ni, “Alaidho i polo, alatiŋo malo kom paran ma dhum, kalo micalin pa Were; alabedo wi got ma romo, bor swa yumalo.

Isaya 2:12

Kole Rwoth pa lwak jolweny nigi ndelo, kwoŋ jodelok je gi jopakirok, gi kwoŋ kisi dhano ma janoro, aka iladwoko go piny.

Isaya 33:10

Rwoth waco ni, “Onyo alaay malo, aka alatiŋere malo, onyo ilatiŋan malo.

Isaya 37:19

jowaŋo woko werin pajo m'oyido jok'obedo werin kada to cal ma yen gi telin ma ji ama joyiko gi cingi jo, riameno orey woko jo.

Isaya 37:23

Senakerib, ikwoŋan, ikoko ran, t'ipeko waŋin kwoŋan, kwoŋ Were pa Isiraili madwoŋ loyo!

Isaya 42:5

Me apaka Were, Rwoth waco, m'ocweyo polo to yaro jo woko, m'oyaro piny gi gima wok'iye, go ma miyo ji ma jobed'iye luya ma ywe, gi cuny ri jono ma jowoth'iye.

Yeremia 10:23

Aŋeyo, awi Rwoth, ni ji wegi jokidhum kwo pajo, ni ji ka jowotho wegi jokinyuthere ka luwo.

Yeremia 48:26

Rwoth waco ni, Miy win Mowab womer, kwoŋbedo go otiŋere malo kwoŋ Rwoth. Weyi Mowab woŋindere i ŋok pere. Go bende lalokere ginyero.

Yeremia 50:28

Winji, jowiloka kodi ji ma jokwale wok i Babilon jobino tuco i Zayon culo kwor pa Rwoth Were mawan ri gima Jobabilon jotimo ri ot pere.

Yeremia 50:29

Wac ri jocel asere jowomonji Babilon. Kethi win kambi thoko go, aka wongoye ŋata wokwale. Cul wi go ri tim pere, tim win rigo paka go otimo; kole go otimo maker to cayo Rwoth, Ŋataleŋ pa Isiraili.

Ezekiel 28:17

Cunyin opoŋ gi noro kwoŋbedo ŋono perin, iduwo rieko perin ro ŋono perin. Abolin piny, athangin ruwaŋ kerin, jowonenin.

Ezekiel 28:2

Wod dhano, wac ri jadhum ma Tire ni, Rwoth Were waco ama: Kwoŋbedo cunyin opoŋ noro, aka iwaco ni, “Abedo were, abedo i kabedo pa werin, i cuny name.” Kucel ibedo nyaka dhano, makiweno were, makada nende ipima paro perin, gi paro pa were.

Ezekiel 28:5

Gi rieko perin madwoŋ i mitan, itieko medo lim perin, aka cunyin opoŋ gi noro i lim perin.

Ezekiel 31:10

Riameno Rwoth Were waco ama: Kwoŋbedo odongo to jange cwayo maboyo, oketho noro i boro pere.

Daniel 11:12

Aka ka jolweny no otiek tiŋo okadhi gi jo, adundo pere latiŋere malo aka lamiyo cuny ji kweth podho, to go k'oloy.

Daniel 4:37

Onyo an, Nebukadineza, apako aka atiŋo malo Kere ma i polo, Kole tim pere obedo adieri, yo pere obedo tiro, aka jono ma jowotho i noro, go nyalo dwoko jo piny.

Daniel 8:11

Go otiŋere malo kiri kwoŋ jadhum pa lwak, aka omayo go mic ma cil gi cil aka kabedo ma Kabedo Maleŋ pere omaki.

Habakuk 2:4

Kole janoro, kitim gim'otire, to joma timo gim'otire, jolakwo gi yeyo pajo.

Tim pa Jomoor 17:25

Odoko go kiyeny kony moro bongi dhano paŋini go keŋ gimoro ma dhano ama nyalo miyo go, rupiri go won ama miyo ji je kwo, luya kodi gimoro je.

1 Jokorintho 8:4

Am'omiyo, i wac ma mako kwoŋ camo cemo m'ocow gine cal makicar: Waŋeyo ni cal makicar k'obedo gima nigi kwo i piny ka; aka adieri waŋeyo ni Were nitie acel kende m'ongoye man.

1 Timothe 3:6

Go wokiri wobedi dhano ma nyaka owire manyen i yeyo, ameno go nyalo kwoto gi pakirok t'ithumo rigo banja, paka othum ri Jwogi.

Joebulaniya 4:13

Ongoye gima nyalo panere ri Were. Gimoro je i cwec othangere aka oyare i waŋe, go ma wabino tito kwo mawan ruwaŋe.

Menyirok ri Yohana 9:20

Ji m'odoŋ, ma thoyamo no k'oneko jo, jok'oŋuto kwoŋ gigipiny ma jotimo. Jok'oweyo lamo jwogi, kodi cal m'otimi gi zahabu, feza, ywel, tele kodi yath apaya ma kinyal neno, kosa winjo, kosa woth.

Jothum Banja 16:23

Jodhum pa Jofilistia jocokere ma miyo cowirok madwoŋ ri were pajo Dagon, kodi kisangala; kole jowaco ni, “Were mawan omiyo Samson jakwor mawan i cingi wan.”

1 Samwiri 17:26

Daudi openjo jolweny m'oyido jocungo dho bonge ni, “Aŋo m'ibino timo ri jacwo m'oneki Jafilistia me to kwanyo woko wickwot me kwoŋ Joisiraili? Rupiri Jafilistia ma k'othumere me paro ni go ŋa manyalo cayo jolweny pa Were makwo!”

1 Samwiri 17:36

Atieko neko simbwore gi arare, aka Jafilistia ma k'othumere me bende bino tho paka ogwaŋe no; rupiri go ocayo jolweny pa Were makwo.