Daniel 5:22 - KITAWO MALEŊ

²² To in wode, Belsazar, ikimwole i cunyin, makada nende oyido iŋeyo gime je.

Daniel 5:22 ပူးပေါင်းရင်းမြစ်များ

2 Kigana kwoŋ Kerin 33:23

To kwanyowoko paka bamere Manase, go k'omwole ruwaŋ Rwoth; aka gi tim me, otimo reco loyo bamere.

2 Kigana kwoŋ Kerin 36:12

Go otimo gimarac ruwaŋ Rwoth Were pere. Go k'omwole ruwaŋ jatuci wac Were Yeremia, m'oluwo wac pa Rwoth.

Zabuli 119:46

Alaluwo kwoŋ or perin ri kerin, aka wiyan kilakwot.

Kitawo mar'ario mapa Musa m'ilwoŋo ni Wok 10:3

Ameno Musa gi Aron jokidho bongi Farawo, aka jowaco rigo ni, “Rwoth, Were pa Joebulaniya waco ni, ‘Inomedere kwero kiri keraŋo mwolok ruwaŋan? Weyi ji paran jokadhi ŋey jowonyal laman.

Isaya 13:11

Alamiyo piny gir'acula ro reco pere, gi jokidakana ro reco pajo; alamwolo noro pa jogero, t'adwoko piny kwoto pa jomaker.

Isaya 14:13

Iwaco i cunyin ni, “Alaidho i polo, alatiŋo malo kom paran ma dhum, kalo micalin pa Were; alabedo wi got ma romo, bor swa yumalo.

Isaya 26:10

K'onyuthi jokidakana wor, jokilafonjere timo gim'otire. I lowo pa joma timo gim'otire, go timo komo, aka kinen meni pa Rwoth ma dhum.

Daniel 5:18

Awi kere, Were ma Jamalo Swa omiyo benin, Nebukadineza, ker, dhum, dwoŋ kodi wor:

Matayo 14:4

rupiri Yohana omena waco ri Herode ni, “K'obedo gim'otire bedo gi dhako no!”

Matayo 21:32

Kole Yohana obino i dier win kareno nyutho win royo m'otire ma wiluw, to wikwero yeyo go; to jocoki misolo kodi mon ma jotana delkwoŋ jo i timo giwickwot ama joyeyo go. Odoko kada munyo wicowo neno ameno je fodi wikiwiro paro mewin wiyey go.”

Luka 12:47

“Jatic m'oŋeyo gima rwoth pere yenyo, to fodi k'ocako kada timo gino, ibino cwado go matek,

Yohana 13:17

Paka pama onyo wiŋeyo gigipiny me, ka witimo ameno wibino limo silwany!”

Yakobo 4:17

Am'omiyo, dhano je m'oŋeyo gimaber ma go ripo wotim aka kitim meno timo gimarac.

Yakobo 4:6

To Were nyutho wan nema mathoth loyo. Am'omiyo ndiko waco ni, “Were ciro japakirok, to nyutho ŋata mwol ayino nema.”