Daniel 5:21 - KITAWO MALEŊ

²¹ Okwany go woko wok i dier ji, t'iloko cunye paka cuny ogwaŋ. Go obedo g'ogwaŋe aka ocamo lum paka merikwa; delkwoŋe odhiek gi thoyo ma polo, cuka go ofonjere nike Were ma jamalo Swa dhumo kiri ker pa ji, aka miyo ŋata go oyero.

Daniel 5:21 ပူးပေါင်းရင်းမြစ်များ

Yobu 39:5

Ŋa m'oweyo punde ma thim kadho kama mito? Ŋa m'ogonyo jo to weyo jo kilera?

Ezekiel 17:24

Yen je ma lowo jolaŋeyo, nike An abedo Rwoth. Atoŋo piny yen maboyo, aka amiyo mathindho dongo mabor. Athwo woko yen manumu, aka amiyo yen m'othwo lothi. An Rwoth atieko luwo; aka alatimo gim'atieko waco.

Daniel 4:14

Jakur maleŋ okoko ni, “Toŋ woko yath, jange, kodi withe mere, kedhi olemo mere, aka ŋey ogwaŋe jowongoye i tiende, aka winyin jowongoye i jange.

Daniel 4:17

Me obedo or pa jakur maleŋ, ŋey jomakwo je jowoŋey nike Jamalo Swa dhumo ji je, aka nike go miyo dhum ri ŋata go oyero kiri jono ma josisiri.”

Daniel 4:22

Meno in, Awi Kere! Itieko dongo madwoŋ aka matek. Dwoŋ perin omedere aka tundo i polo, aka dhum perin otundo i gike piny.

Daniel 4:25

Ilakwanyin woko i dier ji, aka ilakwo i dier ogwaŋe madudi. Ilamiyin camo lum paka megikwe, iladhiekere gi thoyo ma polo ma oro abirio cuka inoŋey nike Jamalo Swa dhumo ker pa ji aka nike go miyo dhum ri ŋata go yero.

Daniel 4:26

Paka omiy or nike owey kasik yath kodi fuc mere, ker perin lakiyindira wok i hongo ma inoŋey nike Polo dhumo.

Daniel 4:34

Munyo oro abirio no orumo, An Nebukadineza, atiŋo waŋan i polo, aka paro paran odwoko bongan. Apako Jamalo Swa, apako t'amiyo go dwoŋ go makwo cil gi cil; kole dhum pere obedo dhum ma cil gi cil, aka ker pere yindira wok i luse tundo i luse.

Daniel 4:35

Go neno ji ma i piny paka gim'ongoye, go timo gim'omito gi Lwak ma i polo kodi ji ma i piny. Ongoye ŋata nyalo juko cinge, kosa penjo go ni, “Itimo aŋo?”

Daniel 4:37

Onyo an, Nebukadineza, apako aka atiŋo malo Kere ma i polo, Kole tim pere obedo adieri, yo pere obedo tiro, aka jono ma jowotho i noro, go nyalo dwoko jo piny.

Daniel 5:18

Awi kere, Were ma Jamalo Swa omiyo benin, Nebukadineza, ker, dhum, dwoŋ kodi wor: