Daniel 5:19 - KITAWO MALEŊ

¹⁹ Kole kwoŋbedo dwoŋ ma Were omiyo go, ji je, nonin je, kodi dhodhok je jokirin gi lworo ruwaŋ go. Benin oneko jono ma go omito neko, oweyo jono ma go omito weyo jowokwo, omiyo wor ri jono ma go omito, aka odwoko piny jono ma go omito dwoko piny.

Daniel 5:19 ပူးပေါင်းရင်းမြစ်များ

2 Kerin 25:28

Evilmerodak otero gine wor, aka omiyo go kabedo ma wor loyo kerin man je m'oyido jonitie i twec i Babilon.

Agecin 16:14

Keme pa Rwoth obedo jamikwenda ma tho, aka ŋatariek bino siemo go.

Jafonji 8:3

Ikir'ikwakere eye ruwaŋe, ikir'imena gimarac, kole go latimo gimoro je ma go mito.

Ezekiel 31:11

Alamiyo jo i cingi jadhum pa nonin, aka adieri go latimo rigo gima ripo gi kidakana pere. Atieko bolo woko.

Daniel 11:12

Aka ka jolweny no otiek tiŋo okadhi gi jo, adundo pere latiŋere malo aka lamiyo cuny ji kweth podho, to go k'oloy.

Daniel 11:16

To ŋati m'obin kwoŋe latimo paka go won mito, aka ongoye ŋata bino cungo ruwaŋe; aka lacungo i lowo maŋon, aka rerok mere makicutho labedo i cinge.

Daniel 11:3

Kere ma jameni laay, aka ker pere labedo madwoŋ to timo paka go yenyo.

Daniel 11:36

Kere latimo paka oyenyo; go latiŋere malo to lokere ŋatadwoŋ maloyo were mogo je, go laluwo gigipiny ma k'ago kwoŋ Were pa werin. Go lanyalo kisi gimoro cuka nge pere orum; kole gima go otieko ridho latimere.

Daniel 3:29

“Riameno amiyo or: Ji mogo je, nono mogo je, kosa dhodhok m'oluwere kwoŋ Were pa Sadirak, Misaki, kodi Abedinego ilatoŋo mathindho thindho t'isika woko udi pajo; kole ongoye were manyalo botho i nger me.”

Daniel 3:4

Kenyo mogo ogoyo koko malo ni, “Kere miyo or ri ji je, nonin je, kodi dhodhok je,

Daniel 3:6

Ŋata kilapodho piny lamo ilabolo go i mac m'okur gi sawa no won.”

Daniel 4:17

Me obedo or pa jakur maleŋ, ŋey jomakwo je jowoŋey nike Jamalo Swa dhumo ji je, aka nike go miyo dhum ri ŋata go oyero kiri jono ma josisiri.”

Daniel 4:19

Daniel m'oyido ilwoŋo ni Beltesazar, obedo gi dhier, aka paro pere ocando go swa ma sawa acel. Kere owaco rigo ni, “Beltesazar, ikir'iwey lek no kosa dwoŋ mere wocandi paro perin.” Beltesazar odwoko ni, “Jadwoŋ paran, weyi lek me wobedi ri jono ma jodakin kodi jokwor perin!

Daniel 4:22

Meno in, Awi Kere! Itieko dongo madwoŋ aka matek. Dwoŋ perin omedere aka tundo i polo, aka dhum perin otundo i gike piny.

Habakuk 2:5

Vini miyo dhano timo akor, bedo jagero ma kinyal bedo peco. Go ŋamo dwonde malac paka piny pa jom'otho; paka tho, ongoye gima yeŋ go, go otieko coko nonin je rigo won, aka otieko coko ji je rigo won.

Yohana 19:11

Yesu odwoko ni, “Initie gi meni kwoŋan nyaka rupiri Were am'omiyin. Am'omiyo ŋat'okelan i cingin ama nigi raco madwoŋ mere.”

Joroma 13:1

Dhano je ripo winjo or pa rwodhe ma piny; ato ongoye meni mar'adhum ma Were ama k'oyeyo, aka jodhum ma jonitie Were ama oketho jo.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.