Daniel 5:12 - KITAWO MALEŊ

¹² Daniel, ma kere oyido ocwoko rigo nyinge ni Beltesazar oyido nitie gi cuny ma gir'aura, ŋeyo, niaŋ, tito dwoŋ ma lek, sikoiyiko, kodi thango gim'opanere; aka go latito rin dwoŋ ma gime je.”

Daniel 5:12 ပူးပေါင်းရင်းမြစ်များ

Zabuli 16:3

Paka ri ji pa Were ma jonitie i piny, jo ama jonitie gi dwoŋ mar'adieri m'aworo.

Agecin 12:26

Dhano m'otire miyo nyawote rieko, to royo pa jokidakana rwenyo jo.

Agecin 17:27

Ŋata kano wac nigi ŋeyo, aka ŋata liŋ nigi niaŋ.

Ezekiel 28:3

Adieri, iriek loyo Daniel, ongoye nyaliŋliŋ m'opanere kwoŋin.

Daniel 1:17

Were omiyo yac aŋwen me bedo gi ŋeyo, niaŋ ndiko je kodi rieko. Daniel oyido nitie gi niaŋ kwoŋ menyirok je kodi lek.

Daniel 1:7

Jatel ma muluwir ocwoko rijo nyingi jo. Ri Daniel olwoŋo go Beltesazar, ri Hanania olwoŋo go Sadirak, ri Misael olwoŋo go Misaki, aka Azaria olwoŋo go Abedinego.

Daniel 2:26

Kere odwoko ka penjo Daniel, m'oyido ilwoŋo ni Beltesazar ni, “Inyalo waco ran lek m'aleko kodi dwoŋ mere?”

Daniel 4:19

Daniel m'oyido ilwoŋo ni Beltesazar, obedo gi dhier, aka paro pere ocando go swa ma sawa acel. Kere owaco rigo ni, “Beltesazar, ikir'iwey lek no kosa dwoŋ mere wocandi paro perin.” Beltesazar odwoko ni, “Jadwoŋ paran, weyi lek me wobedi ri jono ma jodakin kodi jokwor perin!

Daniel 4:8

I cowe mere Daniel, ma nyinge obedo Beltesazar, paka nyingi were paran, go m'opoŋ gi cuny pa Were maleŋ obino ruwaŋan, t'awaco rigo lek no:

Daniel 5:14

Atieko winjo nike cuny pa Were nitie kwoŋin, aka nike initie gi lero, niaŋ, kodi rieko ma gir'aura.

Daniel 5:16

To atieko winjo nike inyalo tito dwoŋ ma gimoro kodi thango gim'opanere. Onyo ka inonyal kisoma ndiko me, kodi tito dwoŋ mere, ilaruko rin nanga manyarangi ariŋo kodi thiwino ma zahabu i ŋutin, aka ilabedo jadhum mar'adek i ker.”

Daniel 6:3

Daniel onyutho kite m'opokere kwoŋ jodongo adek kodi jodhum ro cuny ma gir'aura m'oyido nitie kwoŋe, aka kere ocano yero go dhumo ker gibe.

Daniel 6:4

Ameno jodongo kodi jodhum jorango nger ma nwaŋo kiŋunyaŋunya kwoŋ Daniel i gigipiny manyaker, to jok'onyalo nwaŋo kiŋunyaŋunya kosa komo i go; kole Daniel oyido timo adieri aka oyido ongoye gi komo kosa banirok.

Jokolosia 1:29

Am'omiyo atiyo tektek munyo aoro meni m'oasere ma Kristo poko, ma tiyo i an.