7 Kenyo jondijo ma jotimo gir'aura, jondijo ma neno gima latimere, Jokaldin, kodi jothieth jobino, awaco rijo lek no, to jok'onyalo tito ran dwoŋ mere.
Yac ma jongoye gi ŋolo aka joŋon, ma jonitie gi rieko kweth, ŋeyo kodi niaŋ, jonyalo tiyo i muluwir pa kere; aka inyalo fonjo jo ndiko kodi dhodhok pa Jokaldin.
Jokaldin jodwoko ruwaŋ kere ni, “Ongoye dhano i piny manyalo tuco gima kere mito! Adieri ongoye kere, makada nende dwoŋ kosa jameni m'otieko penjo jandijo ma timo gir'aura, kosa jondijo ma neno gima latimere, kosa jathieth nger gime.
Daniel odwoko kere ka waco ni, “Ongoye jomariek, jondijo ma timo gir'aura, jondijo ma neno gima latimere kosa jothieth ma jonyalo waco ri kere gima kere penjo.
Me lek ma an, Nebukadineza aneno. Onyo Beltesazar, titi dwoŋ mere, paka cwo mariek je i ker paran jokinyal tito ran dwoŋ mere. To in inyalo, kwoŋbedo initie gi cuny pa Were Maleŋ kwoŋin.
Kere oywaki malo ni wokel jondijo ma jotimo gir'aura, Jokaldin, kodi jothieth. Kere owaco ri cwo mariek ma Babilon ni, “Ŋata nyalo kisoma kodi tito dwoŋ ma ndiko me ilaruko go gi law manyarangi ariŋo, thiwino ma zahabu i ŋute, aka labedo dhano mar'adek i dwoŋ i ker.”