Daniel 4:35 - KITAWO MALEŊ

³⁵ Go neno ji ma i piny paka gim'ongoye, go timo gim'omito gi Lwak ma i polo kodi ji ma i piny. Ongoye ŋata nyalo juko cinge, kosa penjo go ni, “Itimo aŋo?”

Daniel 4:35 ပူးပေါင်းရင်းမြစ်များ

Yobu 23:13

To go won cowere, ongoye ŋata nyalo wiro paro pere. Gima go mito ama timo.

Yobu 34:29

Ka Were omito liŋ, ŋa manyalo kipusa go, ka go opano waŋe, ŋa manyalo neno go, obedi dhano kosa nono?

Yobu 40:2

Jakipusa lapiemo gi Were? Ŋata tiro Were ripo wodwoki go.

Yobu 42:2

Aŋeyo ni inyalo timo kisi gimoro je, aka ongoye atoŋa perin ma kinyalere.

Yobu 9:4

Were riek i cunye, aka go tek i meni, ŋa m'otieko temo gwenyirok kwoŋ go to nyalo?

Zabuli 115:3

Were mawan nitie i polo, go timo gima sangala go je.

Zabuli 135:6

Go timo gimoro je m'amito, i polo gi piny, i name gi pendi piny.

Zabuli 33:14

Go ŋiyo piny gi kama dhum'iye, ji je ma jokwo i piny.

Zabuli 39:5

Neni, imiyo ndelo paran bedo manok, kwo paran ongoye cwe ruwaŋin. Adieri kisi dhano cal koyo,

Zabuli 49:1

Winji gime, kisi nyatoro! Ciki ithi win, nonin kisi kamoro,

Agecin 21:30

Ongoye rieko, ongoye niaŋ, kosa mic rieko, manyalo loyo Rwoth.

Jafonji 8:4

Kwoŋbedo wac pa kere nitie gi meni, aka ŋa m'openji go ni, “Itimo aŋo?”

Isaya 19:17

Lowo ma Yuda lalokere lworo madwoŋ ri ji ma Misir, kisi ŋat'otuc rigo nyingi Yuda labedo gi lworo r'atoŋa pa Rwoth pa lwak jolweny kwoŋ Misir.

Isaya 26:9

An won awanya in wor gipi, cunyan i an koro dwarin adieri. Kole ka thumo banja perin nitie i piny, ji ma jobedo i piny jofonjere timo gim'otire.

Isaya 43:13

Abedo Were, aka cil gi cil Abedo Go; ongoye ŋata nyalo botho wok i cingan; gim'atimo ongoye ŋata nyalo geŋo.

Daniel 6:27

Go gonyo aka botho, go timo ranyuth kodi gir'aura i polo kodi i piny, go m'otieko botho Daniel wok i meni pa simbwore.”

Yona 1:14

Ameno joywak ri Rwoth ni, “Awi Rwoth, ikir'imiy wan gir'acula ma tho, ro tho pa Yona! In Rwoth iŋat'itimo gime je.”

Tim pa Jomoor 11:17

Onyo k'inen Were omiyo Jopath no bende mic acel ma go omiyo wan munyo wayeyo Rwoth Yesu Kristo, onyo an aŋa, ma d'atem juko Were!”

Tim pa Jomoor 4:28

Jocokere ma timo gimoro je ma in, gi meni perin kodi mito perin, oyido itieko yiko ni d'otimere.

Tim pa Jomoor 5:39

to ka wok bongi Were wikibino nyalo geŋo jome. Winyalo poyo ni wilwenyo gi Were won.” Jopido jowinjo rieko ma Gamaliel omiyo jo.

Tim pa Jomoor 9:5

Go openjo ni, “In iŋa, Rwoth?” Dwondi jo no odwoko ni, “An Yesu m'ilwenyo gine.

1 Jokorintho 10:22

Onyo wanomiy Rwoth wotim nyeko? Wiparo nike watek loyo go?

1 Jokorintho 2:16

Ato ndiko waco ni, “Ŋata diŋey paro pa Rwoth aka womedi miyo go rieko?” To wan, wanitie gi paro pa Kristo.

Joefeso 1:11

Kole gimoro je timere gi can pa Were kodi paro pere; aka Were oyero wan bende bedo ji pere i can pere ma go oridho wok i cakirok.

Yosuwa 2:2

Owaci ri kere ma Yeriko ni, “Joisiraili moro jobino ka wor me ŋeyo nyaliŋliŋ ma lowo me.”

1 Samwiri 3:18

Ameno Samwiri owaco rigo gimoro je m'ongoye gima go okano. To Eli waco ni, “Go obedo Rwoth weyi go wotim gimaber rigo.”