Daniel 4:27 - KITAWO MALEŊ

²⁷ Riameno, Awi kere, me rieko m'amiyin, aka yere gine. Pusere reco perin, gi timo gim'otire, weyi komo perin aka inyuthi jocandi wor, ŋey bero perin woyindira.

Daniel 4:27 ပူးပေါင်းရင်းမြစ်များ

Cakirok 11:4

Aka jowaco wegi ni, “Weyi wageti tindi madwoŋ gi ot acurcur ma tundo i pondeponde, ŋey wayiki nyingi wan aka wakiri waywore i piny gibe.”

1 Kerin 21:29

“Ineno nger ma Ahab omwole iye ruwaŋan? Kwoŋbedo omwole, akibino kelo teko i hongo pere, t'abino kelo teko peco pere i hongo pa wode.”

Zabuli 119:46

Alaluwo kwoŋ or perin ri kerin, aka wiyan kilakwot.

Agecin 11:2

Ka noro obino, kenyo wickwot bende bino gine, to rieko nigi jomamwol.

Agecin 16:6

Iculo reco gi cikirok ma mar gi genirok, aka nyatoro lworo Rwoth ka gwokere kwoŋ gimarac.

Agecin 28:13

Ongoye ŋata muŋo reco ma latimo maber, to ŋata pusere aka weyo reco nwaŋo wor.

Isaya 10:13

Kole go waco ni, “Gi meni paran atieko timo, aka gi rieko paran, kole anigi niaŋ, atieko kwanyo woko kewin pa nonin, t'akwalo woko lim pajo, paka thwon, anyono piny ji m'oyido jodhumo.

Isaya 47:10

Iwinjo m'okwe i kidakana perin, t'iwaco ni, ongoye ŋata nenan. Rieko perin gi ŋeyo perin, orweyin woko, t'iwaco i cunyin ni, obedo an won kende, aka ongoye ŋatiman kendo.

Isaya 47:8

Onyo riameno winji gime, in m'imaro gigipiny ma del, in m'ibedo kam'okwe, m'iwaco i cunyin ni, “An ago, ongoye ŋata cale kodan, akilabedo paka citho, kosa nyithindho paran jokilatho.”

Yeremia 29:7

To tiyi win ri bero pa tindi madwoŋ kam'adhiro win'iye i twec, aka wikway Rwoth i nyingi jo, rupiri i bero pajo wilalimo bero.

Yeremia 38:20

Yeremia owaco ama: Be, kilamiyin i cingi jo. Mondo winji dwondi Rwoth i gim'awaco rin, aka labedo maber kodin, kilanekin.

Ezekiel 18:7

Ka go kidiy kosa kikwal dhano, go dwoko gima jabanja pere singa rigo, go pidho joma kec neko jo aka ruko ji ma jongoye gi nanga.

Ezekiel 29:3

Luw, aka iwaci ni, Rwoth Were waco ama: Acomere kodin, awi Farawo kere ma Misir, bulir madwoŋ ma nam, ma bedo i dier jangi Nayil, ka waco ni, “Nayil obedo aparan won, an aŋat'atimo.”

Ezekiel 29:9

Lowo ma Misir lalokere kam'ojwangere. Kenyo jolaŋeyo ni An Abedo Rwoth. Kwoŋbedo iwaco ni, “Nayil obedo aparan, aka an aŋat'atimo.”

Yowel 2:14

Ŋa m'oŋeyo ka go k'owir paro pere, to weyo silwany yuŋeye, mic ma cemo manyinge kodi mic ma medho, ri Rwoth, Were mewin?

Amos 6:13

Win ma wisiemere i tindi Lodebar, aka wiwaco ni, “Wamako Kenayim gi meni mawan won.”

Yona 3:9

Ŋa m'oŋeyo ŋa! Kono miti Were nyalo wiro paro pere to weyo mako nge, to weyo ma k'oneko wan.”

Habakuk 1:11

Kenyo joyweyo paka koyo; joturo cik to jolokere jobanja; meni pajo won obedo were pajo!

Zefania 2:15

Me tindi madwoŋ m'oyodere, m'obedo i siem, to waco i cunye ni, obedo an, kole an kende, kucel otieko lokere gunda, kaywomirok p'ogwaŋe. Kisi ŋata luwo kabonge, lalwiyo to teŋo cinge.

Matayo 3:8

Tim win gima nyutho nike witieko ŋuto reco mewin kicutho.

Luka 11:41

To miy jocandi gima ni iy kikopo kodi atewe aka gigipiny no je bino bedo m'olony riwin.”

Tim pa Jomoor 24:25

To munyo Paulo ocako gi luwo kwoŋ tiro, kurok, kodi bino pa ndelo ma thumo banja, lworo omako Felik to waco ni, “Ere onyo eye, abino lwoŋin kendo ka alimo hongo.”

Tim pa Jomoor 26:20

Atero wac me marapena i Damasiko, nyaka t'atero Yerusalem, kodi rumacen i Yuda gipi, kodi i piny pa Jopath, ni joripo ŋuto reco pajo jowowire bongi Were, gi timo gigipiny ma nyutho nike jotieko ŋuto.

Tim pa Jomoor 8:22

Am'omiyo ŋuti kwoŋ tim perin marac me, aka ikway Rwoth nike wocwakin kwoŋ paro marac me,

2 Jokorintho 5:11

Waŋeyo dwoŋ lworo Rwoth, am'omiyo watemo naŋo ji. Were oŋeyo kwo mawan maber, aka ageno ni i cuny win wibende wiŋeyo wan.

Jogalasia 5:13

To win, wutmera, olwoŋi win ni wibedi i siem. To siem me wokiri wolokere riwin gigoŋirok ma yeyo awanya ma del dhumo win. Kucel, konyere win cungo kwoŋ mar mewin.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Jogalasia 5:6

Kole i Kristo Yesu, thumirok kosa weyo ma k'othumere kikel pokirok moro; gimadwoŋ obedo yeyo ayino ma nyuthere i mar.

Joefeso 4:28

Ŋata yado kwalo wowey kwo, kucel wocaki tic, wotim tic mabeyo gi cinge wonyali kiri konyo jocandi.

Kitawo mar'abic mapa Musa m'ilwoŋo ni Cik 24:13

Iripo dwoko rigo gim'osinga ka waŋceŋ podho, ŋey jager perin wonyali nindo i nanga pere, aka labedo rin gim'otire ruwaŋ Rwoth Were perin.

Kitawo mar'abic mapa Musa m'ilwoŋo ni Cik 32:27

T'alworo oro nge pa jakwor, kole jokwor pajo jonyalo niaŋ kicar, to jowaco nike otiŋ cingi wan malo, me k'obedo Rwoth am'otimo gime.

Kitawo mar'abic mapa Musa m'ilwoŋo ni Cik 8:17

Gwokere win waco ni, “Meni paran kodi teko ma cingan won am'okelo ran lim me.”

1 Petero 4:8

To maloyo gimoro je, mare win gi mar madwoŋ, rupiri mari umo reco madit.