Daniel 3:21 - KITAWO MALEŊ

²¹ Ameno otwey cwo me, munyo fodi joruko law pajo, aka obol jo i mac m'okur.

Daniel 3:21 ပူးပေါင်းရင်းမြစ်များ

Cakirok 39:20

Jadwoŋ pa Yozefu otero go to ketho i jiera, kam'oyido ikan'iye jojiera pa kere; aka go obedo kenyo.

Yeremia 29:22

Ka ji m'oter jo paka jotwec wok Yerusalem kidho Babilon jomito kelo kwoŋ nyatoro, jobino waco ni, “Weyi Rwoth wotim riwin paka Zedekia kodi Ahab, ma kere ma Babilon obulo jo i mac.”

Daniel 3:20

Nebukadineza omiyo or ri cwo matek loyo kwoŋ jolweny pere tweyo Sadirak, Misaki kodi Abedinego kodi bolo jo i mac m'okur.

Daniel 3:27

Jodhum, jogavana, jomic rieko pa kere jocokere kanyacel aka joneno cwo me, ma mac k'onyalo waŋo jo, kosa yer pajo k'orewere, kosa law pajo k'owaŋ, aka kiri ŋwece mac oyido ongoye kwoŋ jo.

Daniel 3:6

Ŋata kilapodho piny lamo ilabolo go i mac m'okur gi sawa no won.”

Matayo 13:42

to jobolo jo i kendo madwoŋ ma mac, kama jobino ywak'iye kareno jokayo laki gin.