Daniel 3:10 - KITAWO MALEŊ

¹⁰ In, Awi Kere, itieko miyo or nike kisi dhano m'owinji dwondi tungi ogwaŋ, milowe, dingidi, dongo, tongol, bul kodi nger gi wer je, ripo podho piny to lamo cal ma zahabu;

Daniel 3:10 ပူးပေါင်းရင်းမြစ်များ

1 Kigana kwoŋ Kerin 15:16

Daudi bende omiyo jotel pa Jolevi cik yero Jolevi m'opokere wer kodi tuko wer i tongol kodi ndara.

1 Kigana kwoŋ Kerin 15:28

Ameno Joisiraili jokelo malo Kakan ma Cikirok pa Rwoth gi koko ma siemirok, derino ma gwara, milowe, ndara kodi wer ma tongol.

2 Kigana kwoŋ Kerin 29:25

Kere oluwo fonji ma Rwoth oyido omiyo kere Daudi ka luwo gi Gad, jatuci wac Were Nathan, go oketho Jolevi i Ot pa Rwoth gi tongol kodi teŋo agwatin,

Zabuli 94:20

Jodhum ma jokidakana jokinyal riwirok kodin, kole joloko ngoye pa tiro cik,

Kitawo mar'ario mapa Musa m'ilwoŋo ni Wok 1:16

“Ka wicolo mon Joebulaniya i kacolo mon, ka jonywolo nyathi majayac neki win, to k'obedo manyako weyi win wokwo.”

Kitawo mar'ario mapa Musa m'ilwoŋo ni Wok 1:22

Kenyo Farawo omiyo ji pere cik ni, “Kisi nyathi majayac ma Joebulaniya jonywolo bol win i malawa Nayil, to manyir mere weyi win jowokwo.”

Jafonji 3:16

Kendo atieko neno i pendi waŋceŋ ni, i kabedo pa tiro, kidakana oyido nitie, aka i kabedo pa timo gim'otire, kidakana oyido bende nitie.

Isaya 10:1

Kidamba ri jono, ma jotimo cik ma kidakana, gi jondiko ma jondiko teko,

Daniel 3:11

aka ŋata kilapodho piny lamo ilabolo go i mac m'okur.

Daniel 3:15

Onyo ka wiyikere ka wiwinjo dwondi tungi ogwaŋ, milowe, dingidi, dongo, tongol, bul, kodi nger gi wer je, podho piny lamo cal m'atimo; meno ber. To ka wikilamo ilabolo win i mac m'okur gi sawa no won; aka were mene no ma labotho win wok i cingan?”

Daniel 6:12

Kenyo jocore cegin gi kere aka jowaco rigo ni, “Awi kere ikiketho cingin i cik, nike ŋat'okway were mogo je kosa dhano kwanyowoko in, ma ndelo piero adek, wobol go i od simbwor?” Kere odwoko ni, “Apaka nitie ameno, cungo kwoŋ cik pa Jomedes kodi Pasia aka kiwire.”

Amos 6:5

Wimito swa cwogo wer, paka Daudi oyido cwogo to wigoyo i tongol.

Yohana 11:57

Jotel pa jocway ri Were i wi migam kodi Jofarisayo oyido jotieko wodho or ni ka moro nitie m'oneno kama Yesu niye ripo dhiro wac, ŋey jowomaki go.